多啦V夢的玩樂日誌: 11月 2012

2012年11月30日星期五

烏茲別克 - Day 9 (Samarkand -> Urgut -> Tashkent)…Part 2

Day 9 (3-10-2012, Wed)

11am離開Urgut Bazaar, 剛好4pm抵達Tashkent. 由地胆Frank帶我找地方先醫肚才去酒店check-in.

呢間餐廳叫Lyabi Hauz. 又係唔鍾意開燈既, 用餐地方黑掹掹, 最光反而係個open kitchen

這裡蒼蠅唔算多, d食物都幾好食架, Frank果然冇介紹錯. 呢餐食左SOM20,000 (HK$62.5)

又住番Nur Hotel

又俾番同一間房我

Nur Hotel環境真的不錯

今日坐足半日車, 冇乜攪作. 一早plan定要行超巿, 行超巿是我的”賣飛佛”. 睇過Lonely Planet話酒店附近有超巿的(其實都唔算好近, 要行十幾分鐘至到)

呢間叫Kozinka Supermarket, 睇外型好似幾得

雖則係冰鮮, 但總算見到魚. 中間呢種魚大條到好似隻貓咁, 不過睇相唔多覺.

冰鮮魚隔離係死魚, 似中國人的風乾咸鮮

見到呢d蛋糕紙模的價錢嚇死我. 一條為起HK$73. 去上海街買起碼平一半.

左手面果兩行, 幾層咁高的蛋糕, 一個價錢HK$116. 右手面果兩行, 矮d既蛋糕, 每個售HK$67. 唔算貴, 但賣相令人郤步.

巡視完業務便走人, 呢間超巿勁劏人, 尤其是進口貨. 例如: Lindt牌朱古力, 一盒HK$300. Heinz茄汁, 一樽HK$30+.

其實酒店向右行第一街口有一間超巿, 規模比Kozinka細很多. 不過咁近酒店點解唔入去八下

好想食甜品, 頭先果間超巿的甜品比較趕客, 反而呢間小小超巿雖然只賣幾款甜品, 但冇咁樣衰.

全都是俄文, 我其實一眼睇中呢件類似拿破倫的甜品, SOM3,290一件 (HK$10.3). 呢件餅真身成舊磚頭咁大架. 至於味道都唔錯, 不太甜. 我食左1/4就食唔落了.

小插曲: 在心大心細的時候, 負責甜品櫃果個女仔一直對住我笑, 跟住指住自己話自己係Korean, 原來佢以為我都係韓國人. 不過佢個樣巳經完全唔似韓國人了, 相信她是幾代前巳移居當地的朝鮮族. 佢好想同我傾計, 可惜她不會英語, 我不會俄語. 於是她召來在超巿裡賣電話咭的靚女幫我翻譯. 個靚女英語非常好, 在她推介下, 我買了呢件餅. 烏茲別克人真的很nice, 很helpful.

再買了呢盒石榴汁. SOM4,090 (HK$12.8). 呢度d果汁真係又好飲又平

烏茲別克 - Day 9 (Samarkand - Urgut - Tashkent)…Part 1

Day 9 (3-10-2012, Wed)

今天在餐廳和寧波美女一起享用早餐, 真開心!

另外, 我想講烏茲別克的cold cut同芝士都幾好食架

她們和我一樣是今天離開Samarkand到Tashkent, 雖然她們都有司機, 但這一段路程她們選擇坐火車. 這個體驗多好呀, 我都好想試下坐火車. 和美女道別後我們上天台拍拍照, 因寧波美女跟我說, 天台風景不錯.

天台很開陽

還有幾張烏茲別克人最愛連人帶腳擹上去的木床, 本地話叫takhta. 坦白講, 我在烏茲別克逗留十一天, 一次都冇坐過上去, 因為我講得張床好汚糟呀, d墊都唔知幾耐冇洗.

金玉其外的Malika Prime Hotel

酒店正對面其實是一個陵墓, 但並不是一個觀光點, 在它的右手邊便是Gur Emir Mausoleum.

酒店大堂好鬼暗的, 我開左閃光燈才影到. 成間酒店都好慳家, 成日唔開燈

房間得個大字, d燈又係暗到死, 根本想睇下書都唔得. 近窗那張床的床燈是壞的, 我一check-in便發覺, 叫他們去修理, 要等到第二天才來做. 電視得一個BBC news channel是英語的, 其他的台完全聽唔懂睇唔明. 至於個浴室更加是差, 唔明點解叫自己做prime hotel. 最最最差是冇free wi-fi囉.

Frank答應車我去Urgut行bazaar, 這地方不在itinerary內, 而且要向南開車1小時才到. 本應我離開Samarkand之後是要北上Tashkent的, 行車4小時到. 換句說話, 因為我要背道而駞, 而令到Frank要開5小時才到Tashkent!

不論Lonely Planet或張佩瑜的書都說Urgut這個Bazaar好值得行, 而且可以買到平嘢. 由於我到了烏茲別克咁多日都冇買過東西, 隻手好痕! 但Frank一早巳跟我說, 呢個巿集同其他巿集一樣都是賣大陸嘢. 咁我唔去過又唔心息嘛!

Urgut Bazaar現正進行翻新工程, 所以塵土飛揚. Frank話以前爛溶溶的, 現在政府想把它改成covered bazaar.

門口貼有floor plan, 不過我睇唔明之嘛.

入到去才發覺真是大到無倫呀. Frank一直說這裡治安不好, 要我捉緊他. 他真是一個盡責任又可靠的司機.

唔知乜嘢地道小吃, 個麵糰好似叉燒包. 老闆將佢整完型就炸, 油淋淋咁.

我嘈嘈閉要去巿集, 就是因為我想買一套烏茲別克的茶具留念呀. 這裡一套SOM7,500, 平過在Bukhara的Kohkhoz巿集, 那裡問過最平都SOM8,500.

呢度真係如Frank所言大部份是賣強國貨. 我本想買一幅sozana, 但是太貴了, 開價唔係US$200就US$100. Frank話前這裡的確平, 但現在都被遊客縱壞了, 店家很會開天價.

之後我地在一家企理d的餐廳外賣了2個somsa上車食, 不過又貴d又唔夠Bukhara那個好食. 呢個somsa要SOM1,500一個 (HK$4.7)

仲有我好恨食的plov賣. 不過你睇下個鑊底d油. 驚驚!

這是Urgut Bazaar內的公廁. Frank問左好多個商販才找到. 入場費SOM300, 大小同價. 當然一入去要閉氣啦, 但它比張佩瑜書中所講乾淨一些, 相信是最近幾年興建的.

2012年11月29日星期四

烏茲別克 - Day 8 (Samarkand)…Part 2

Day 8 (2-10-2012, Tue)

第三站是Siob Bazaar, 就在Bibi Khanum Mosque隔壁而巳.

這個Bazaar都幾大, 共有兩層. 樓下賣水果, 糖果, nan, 香料, 豆之類

我覺得Samarkand的nan最好食, 又多款式.

甜到爆的鳥結糖

水果和豆子. 9月10日是石榴盛產的季節, 看! 多碩大

這些是煙草. 唔知點吸食既呢!

二樓賣蜜糖及kurut. 其實我好想買蜜糖, 一睇就知係organic. 可惜他們的包裝都好求其, 我驚未番到香港巳經倒瀉晒.

賣羊肉則需要往在另一座平房. 一入我就想標番出去, 因為果陣死屍味真的很勁. 耐何照片中帥哥要我為他拍照. 似chok鋒嗎?

Siob Bazaar內有地方開餐, 我們就在這teahouse吃午餐.

烏茲別克菜除了沙律和nan, 全部都很油膩, 這點讓我很不適應.

這個manty幾好食, 不過內裡很多肥膏. 湯麵就又油又冇味, 我食左幾啖就冇食. 反而個nan非常之好鬆軟好食, 是整個旅程我所遇到最好食的nan. 這餐也很便宜, 兩人才吃了SOM14,500(約HK$45)

第四站是Shokhi Zinda Nekropole. 據說這陵墓埋葬了Qusam ibn-Abbas, 是第一位把伊斯蘭教傳入烏兹別克的人

考古學家於Shokhi Zinda Nekropole正門外發掘出這個遺蹟. 據現場資料, 這是一個浴室. 我就覺得成個陳設都似廚房.

進入正門後便是這條長長的樓梯. 我等左好耐想影張素顏照, 點之呢條阿毛見我拎住相機就特登行慢d博上鏡, 正衰人!

行到樓梯頂, 兩旁盡是不同建築風格的墓室

整個陵墓羣的佈局和設計都比其他在Tashkent, Bukhara看到的很不一樣, 很有自己的特式. 據說貼木兒其中一位妻子是葬在這裡其中一個墓室, 但是冇人知係邊一個, 因為每副石棺上面或附近都是沒有名字的.

突然見到很多外地遊客同時抬頭向上望, 原來是有一位工匠(紅圈示)在高空工作, 在身上一點安全措施也沒有.

今天最後一個行程是Ulugbek Observatory. 於1908年被蘇聯的考古學家發掘出來.