2012年11月20日 星期二

烏茲別克 - Day 4 (Bukhara古城)…Part 2














Day 4 (28-9-2012, Fri)


第三站是去Chor Bakr. 這個墓園已有過千年的歷史. 整個建築群包圍著一個方形廣場, 廣場中央有一個矮矮的, 完成於1900年的宣禮塔.

這個陵墓
, 我個人覺得可觀度很一般, 特式欠奉, 內部溶溶爛爛之餘仲要為相機買入場票SOM2,500. 勁搵笨, 有冇攪錯?





















帶著唔順氣離開Chor Bakr墓園. 下一個重點便是食午餐, 前一天巳同導遊交帶, 我要去墓園附近的Chor Bakr烤肉餐廳吃烤羊肉串燒Shashlyk. 其實我本人是不吃羊肉的, 張佩瑜在她的繪內勁讚這餐廳的羊肉是全世界最好吃. 再加上在銀仔blog內也看到很好的食評呀, 所以我才心郁郁的.


 


見到這個標誌, 便到達餐廳







羊肉真的唔騷又juicy, 但免治羊肉那些就幾騷下. Patir唔係度度有得食, 但我覺得, 除了侍應剛送來時是酥脆的, 但隔了不夠10分鐘巳變成鋼板.




這頓飯頗經濟, 3人才吃了SOM36,000.  折合約HK$112.

埋單後
, 我到樓下廚房參觀. 真有點後悔, 那個專責做串燒的廚房, 原來所有肉串都冇遮冇掩架, 我見到超過數百隻的巨肥烏蠅或盤旋或降落在肉串上呀~ ~ ~ ~. 幾乎想嘔番剛才吃的東西出來.





其實今天的行程巳完, Irina很好人, 知道我想買一套烏茲別克茶具而剛巧她又需要為孩子選購禮物, 於是司機車我兩去Kohkhoz Bazaar shopping. 因我今趟旅程佷失敗, 忘記pack太陽眼鏡. 而這國家的太陽又特別猛烈, 不得不買一副頂檔呀.


 


這一整排的建築物便是Bazaar的外圍, 內裡範圍非常大




導遊說這些乾草, 燃燒後所發出的煙可以用來消毒不潔淨的空氣. 我之後在Lyabi Hauz親眼見到一位婆婆拿著這種燃燒的乾草, 口中唸唸有詞, 不斷圍著附近閒逛的外地遊客繞來繞去. 我覺得好恐怖, 有降頭feel.







這個bazaar佔地雖然廣, 但每一個店家所賣的東西都是差不多的made in China貨式, 仲要是最cheap那些. 當然, 太陽眼鏡也買不成呀.




司機送我返回酒店, 之後便是我的free time. 趁時間尚早, 陽光伯伯還未休息, 當然出外走走看.

要是
需要添置樽裝水或零食, 古城內只有這一家叫Food Market的士多. 它還有售賣奶類製品, 風乾肉, 曲奇餅之類. 但東西都幾貴, 可能是位置好的關係, 它就在Lyabi Hauz正對面. 我住宿的ASL酒店正門轉左, 行唔夠幾步便見到.



ASL酒店正門向右一直行便是前往新城區的方向. 這兩家士多就在我酒店的不遠處, 他們賣的飲品及食品都較上面的Food Market便宜. 大家只是差2分鐘步程而巳.




大約步行了30分鐘便見到新城區. 在烏茲別克很難見到道路標誌, 司機都好像靠記憶行駛似的. 雖然是新城區, 建築物都比古城區新淨及現代化, 但就讓人感覺冷冷清清的.



烏茲別克是一個雙內陸國家
, 天氣不論四季都很乾燥, 那種乾燥法比美加更甚, 所以要時常補充水份. 在整個11天的旅程除了首都Tashkent的酒店會提供樽裝水給住客, 其他地方都不會提供. 所以我會留意一下士多的行情.


 


張佩瑜的書中提到, 步行到新城區, 不論吃的買的都較古城區便宜很多. 但我在新城區這家士多看到這個最流行牌子的水(等如香港的屈臣氏)比古城區的士多更貴喎.




新城區鬼影都唔多隻, Mustaqillik Kochasi這條大路(kochasi即是街道的意思)有一個商場, 但地舖大部份都是賣鮮花的. 商場2樓看上去又好像十室九空, 還是打道回府.

 


去程跟回程也會經過這個廚房, 起初我也沒注意是甚麼, 因為內裡幾位大叔都是不斷地在切肉.  回程時被圖右站在前方的大叔喊停. 他猛讚他們家的somsa很好吃, 我見佢笑得咁燦爛便買一個試下.



大叔從焗爐取出一個給我
. 嘩真是好吃到呢, 內餡完全沒有羊騷味, 外面的酥皮脆中帶軟, SOM500(HK$1.5) 一個真是抵到爛.




差不多回到酒店時, 見到路邊有一班男人蹲在地上玩這種烏茲別克獨有的棋.  和香港的現象一樣, 只會見到男人踎街下棋, 從不見女人下棋或做溏邊鶴


2 則留言:

1733 提到...

[所有肉串都冇遮冇掩架, 我見到超過數百隻的巨肥烏蠅或盤旋或降落在肉串上呀]
唔洗驚,呢D先至叫做風味餐嘛。
[1733回覆12/14/2012 18:03:24]大自然就係咁架喇!呢度唔係一個發達既城市嘛。
[版主回覆12/14/2012 17:56:52]除左喺酒店入面食早餐之外, 其餘餐餐都要同烏蠅爭食架

銀仔 提到...

可能沙漠地區就係多烏蠅呱,之前去過其他沙漠地區都一樣...
呢一餐係我咁多次旅行,最好食既一餐! 至今仍然回味呢~
[版主回覆12/20/2012 10:39:40]係好好食, 連我唔食羊肉都堅持要去試. 不過d烏蠅真係多到好得人驚, 每一串肉串上面都有過數十隻.