2013年3月11日 星期一

“慢”遊老撾 ~ Day 8



6-Mar-2013
(Wed)




 
 


Sam Neua -> Nong Khiaw (
原定行車時間:
12
小時)


 



來了老撾咁多日都要倒塔咁早起身趕搭車, 所以我晚晚都好早瞓, 廢事第二朝唔知醒.



 



今天去Nong Khiaw的巴士是7:00am發車, 所以今朝5:00am便起來梳洗及執背包. 6:00am落到去樓下等巳預約的tuk tuk.



 



等到6:10am條友仲未來, 我就叫旅館櫃檯個大嬸幫我打電話俾個司機. 大嬸講極都唔明我既要求真係把幾火.  跟住搵到個另一個著住睡衣的女職員, 佢肯幫我打電話. 接電話的是司機老婆, 佢老婆話司機巳經出左門, 叫我等下.  ! 等到6:20am都仲未見人, 我自己跑出去找到另一台tuk tuk, 開價才10,000K. 果條遲到的粉腸本來都開價25,000K由旅館接我去Phoutaou
Bus Station. 
老撾人的時間觀念真的不存在他們心中.



 



其實Phoutanou Bus Station就是前晚從Phonsavan來到那一個, 距離我的旅館不用10分鐘車程.  去到車站想買票, 點知票務處仲未開. 昨天Me明明話票務處6:00am巳有人辦公. !




我一落
tuk tuk車就見到一個肥佬中氣十足地指指點點, 懶醒以為佢係站長. 咁我問佢去Nong Khiaw係邊架車. 佢指住這台去永珍的殘 - 爛 - 霉巴士, 仲叫我上車坐



連電單車都可以放上車頂當行李. 可憐我那個問朋友借的背包被放在電單車旁邊攪到週身汚糟邋遢.






既然售票處還未開門, 唯有在附近逛逛打發時間.  車站旁邊有些士多, 賣飲料及燒烤




晨早流流點食烤肉?



這家在售票處另一邊的破爛旅館在張佳樺的書內亦有提及
. 如果旅程由Nong Khiaw 前往Sam Neua, 抵達時間會是半夜. 由於車站和巿中心有2公里距離, 乘客只有兩個選擇, 一係在入住呢間破旅館(Thanouthong
Guesthouse),
一係就會被在車站埋伏的tuk tuk車司機老屈50,000K入巿區.  為了不想半夜到達, 我一個女仔太危險了. 於是我出發巳把我的itinerary改為從Phonsavan前往Sam Neua, 因為巴士supposed會在黃昏抵達. 當然啦, 係我唔好




















, 遇到了拋錨事件才會攪到成8:00pm至到Sam Neua.



























我發現在售票處對面蓋了一家新旅館, So far巿面上的旅遊書都應該未cover.  那麼對半夜抵達的人便有褔了, 起碼不用被tuk tuk車司機老屈或被迫住Thanouthong
Guesthouse
.
 






售票處女孩7點幾才回來上班! 我買了車票(130,000K) 後便上車揀位, 呢架車d位真係汚糟到呢, 好在我有帶消毒濕紙巾, 足足用了四張才把椅子擦乾淨.





又是時候體驗
Lao Time的威力. 這架巴士足足擾攘了一個小時, 直到8:00am才開車. 對於燥底的港女真是想媽叉司機但又苦無溝通之能力!




原來司機想招攬多些乘客上車.   本地人搭親車都擺好多貨物上車, 所以成條通道都係貨物, 每次都要踩過埋貨物才可以下車.







雖然司機遲左開車, 但佢發揮了格蘭披治賽車手的精神, 全程踩盡油, Sam Neua Nong Khiaw呢段路基本上全程都是彎路, 冇一千個彎都有九百個. 我成程車都被西到整個人左搖右擺冇法坐直. 車頂扶手本來掛了一些膠袋作為嘔吐袋, 好快巳被當地人取光了. 我發覺我好堅, 坐左咁多轉長途車都冇過暈車浪, 我預備的話梅
/暈浪藥
/
暈浪手帶
/
白花油等等止暈良必全部冇用過
. 反而成日見到當地人在車程中嘔吐
!




由於呢班車終點站是前往首都永珍, 司機到了Nong Khiaw, 是會把車子停在巿中心讓乘客落車而不是停在Nong Khiaw的車站. 我在lunch break時再一次吩咐司機, 請他在Nong Khiaw最集中旅館的地方停下來讓我下車.






車神司機在下午約5:30pm抵撻Nong Khiaw, 比原定時間早了兩個多小時. 所以我可以趁太陽伯伯還未收工時找旅館.



還好有hobomaps的幫忙, 我很快便找到心儀的住宿.
Bamboo Paradise Guesthouse (50,000K)是我原本打算入住的旅館, 佢地有 bungalow出租, 我睇過OK便入住.





我的 bungalow




















No 1.






卧室是非常簡陋的(不過只是港幣50蚊晚, 不應要求太多, 有蚊帳巳經好好)
























浴室更加簡陋. 還好我是一個人來, 我絕對相信我的女朋友們一定頂唔順咁既環境.






放低背包就出去行下. 其實Nong Khiaw的風景都唔錯喎.








Nong Khiaw
這個美麗小村其實是被Nam Ou河分隔.  我選擇住在東岸(Ban Sop
Houn),
因那裡有較多住宿選擇. 過了這條於1973年建成的石屎橋便是西岸, 西岸則有較多餐廳及旅行社, 還有往Muang Ngoi
Neua
的碼頭都是設在西岸的.







Nong Khiaw的村民主要住在西岸, 所以那邊才有雜貨店, 士多之類






我想買明天去Muang Ngoi Neua船票, 不過售票處巳關門.








Nong Khiaw Tourist Information Centre就在碼頭旁, 不過又係巳關門.





Nong Khiaw地方細細但反而有很多外表看起來很優的餐廳. 我在西岸揀了環境甚開揚的Coco Home晚餐.  這道炸雞胸拌薯條不錯呀, 連埋罐汽水47,000K埋單. 不過呢度好多蚊囉, 我就被咬了幾口.






2 則留言:

oiwing 提到...

其實我一直都覺得你甘身驕肉貴可以去D甘既地方係好神奇!
[oiwing回覆05/16/2013 16:39:39]我了解。。。係因應環境需要者,但而家你無必要甘tough丫嘛!
[版主回覆05/11/2013 21:09:16]你真係唔了解我......小妹我係好tough架

1733 提到...

可能係當地人少搭車,所以暈車浪的機會比重大。
[版主回覆05/12/2013 15:03:37]都係架. 老撾雖然咁窮, 但車費極貴, 對當地人才說是個負擔, 直頭要儲錢才搭得起.