"慢"遊老撾 (完結編)

 

朋友都問我老撾有乜嘢好玩, 點解可以玩成個月咁耐?  其實老撾真係好大架, 是台灣面積的6倍!  如果有睇我之前的posts, 都會發覺點對點的交通, 動肆都要6個鐘頭以上, 我就連12個鐘都坐過. 有些穿州過省, 玩遍整個東南亞的背包客有時還需要坐二十幾個鐘頭的車, 真的好能耐!

在老撾逗留了一個月, 其實都只係去左一些旅遊重點, 還有大部份的地方, 因旅遊資料不充足而被我省略, 實在無可能於一個月內走透透.  和我一起搭船往Wat Phu那對美國couple, 告訴我, 他們只在老撾都玩了3個月呢! 的而且確, 在整個旅程中過到的老外背包客, 佢都會以慢遊的方式遊玩東南亞. 我地香港人生活營營役役, 去旅遊超過1個月的話, 都可以話係天荒夜譚, 除非閣下本身的工作是旅行家吧.

我的標題是"我在老撾一個月", 都算有少少老作成份, 事關頭搭尾我只係去左29日.  不論你在出發地申請還是抵達老撾才申請落地證, 有效期都是30天, 我怕煩, 唔想去到半路要搵領事館攪extend簽證, 所以把行程濃縮至於30天內完成.

我好像沒有介紹過老撾本地的貨幣"Kip"? 印象中老撾沒有"神沙", 只有紙幣流通. 除了kip是流通貨幣之外, 泰幣"Baht", 同美金"USD"都被當地商戶接受.

呢張係500kip, 約HK$0.5

呢張係1,000kip, 約HK$1 (唔好以為係神沙就想駛晒佢, 1,000kip好有用. 因為老撾的公廁, 大部份都要收$$, 價錢由1,000至2000kip不等)


呢張係2,000kip, 約HK$2


呢張係10,000kip, 約HK$10



呢張係50,000kip, 約HK$50


其實還有20,000K的, 不過我拍照當日就無喺手上. 20,000K同10,000K都係藍色紙幣, 所以俾錢時要小心


基本資料/行前準備:

1) 兌錢

例如: 張佳樺的書中有提到於2012年8月的兌換率是(USD1:8,000kip), 而我在2013年2月28日入境老撾, 在老撾Tha Na Leng陸路邊境附近的BECL銀行兌換率是(USD1:7,872kip), 再在3月3日, 於Phonsavan的Western Union再兌美金時, 兌換率是(USD1:7,870kip).  3月16日到達南部的Pakse時, 巿區大部份的money exchange都只有約(USD1:7,700). 3月18日轉往Si Phan Don時, 更只有((USD1:7,500kip).

出發前爬文, 有網友說Vientiane Talat Sao Mall附近的money exchange兌kip好抵, 但我的實際經驗告訴我, 邊境銀行的兌換率高過Vientiane巿中心, 當然這說法只適合以陸路經泰國的NongKhai進入老撾的Tha Na Leng邊境. 

即是說, 老撾北部的兌換率要比南部優很多. 我會建議, 有意思玩遍整老撾的人, 最好先從北部開始, 一路往南進發.

2) 旅費預算

由於在港不能兌換老撾幣, 所以必須先在港兌換適量的美金. 以我自己為例, 我在重慶大廈的money exchange兌了USD2,000. 但結果1個月下來只花了USD826, 當中開消最大是在於交通上. 巴士車票一般都超過HK$100一程, 最鍾意老屈遊客的tuk tuk車司機, 幾個街口都收你10,000K-20,000K.

 3) 簽証

港人不論持BNO或特區護照都要申請簽証. 可預先在香港的老撾領事館預先辦理或在在大部份的老撾邊境口岸都可以辦理落地簽証. 在口岸辦簽証的好處是flexible, 但有通常有機會被入境官員屈錢.  落地証和於領事館申請的簽証有效期同樣是30天.

為防止在邊境口岸出甚麼亂子, 我是在香港預先申請入境簽証的, 費用HK$250.  填表及付費後, 職員會給你一張收條, 三天後回領事館取簽証.

老撾駐港領事館地址: 香港皇后大道西2至12號聯發商業中心1402室. 電話: 2544 1186. 辦工時間: 星期一至五, 9:00am-12:00nn & 1:00pm-5:00pm.


4) 入境Vientiane的交通費用列表, 以下只算及單程:

飛機由Bangkok往Vientiane by Lao Airlines

	USD	THB	Equiv to HK$
Bangkok -> Vientiane	118.5		924

 

由Bangkok搭飛機往Vientiane只需個多小時, 但要注意航班的時間一係好早(約11:45am), 一係就夜晚(7:50pm or 8:30pm).

 

想日間抵達Vientiane的話, 當然係搭11:45am果班機好, 由香港去Bangkok, 最早的班機是泰航, 7:50am起飛, 9:35am抵達Bangkok, 應該可以駁到11:45am果班機. 但係搭咁早既機要好早起身囉, 機場快線最早果班機好似係5:50am, 時間上都幾趕, 或者要搭的士入機場.

 

陸路入境Vientiane, 大致上有有兩種方法:

 

(1)是從Bangkok搭火車去到北面的Nongkhai火車站, 然後轉巴士入境Vientiane

	USD	THB	Equiv to HK$
Taxi from airport -> Hualamphong Train Station		400	105
Bangkok -> Nongkhai by Train #69		1317	347
Nongkhai -> Vientiane by Thai-Lao Int’t Bus		55	14
TOTAL			466

 

(2) 是我的方法, 從Bangkok機場搭巴士入前往Nongkhai, 然後再轉Thai-Lao Int’l Bus入境Vientiane

	USD	THB	Equiv to HK$
Bangkok -> Nongkhai by sleeping bus		495	130
Nongkhai -> Vientiane by Thai-Lao Int’l Bus		55	14
TOTAL			144

 

陸路入境不論(1)或(2)的方法都省錢但耗時, 前後需要兩日先可以去到. 視乎自己的時間有幾多.

5) 有用網站:

http://www.backpackers.com.tw/forum/forumdisplay.php?f=71

http://www.travellife.org/forum/forumdisplay.php?fid=106

http://hobomaps.com/
(是目前為止最detailed的老撾地圖, 一定要用A3紙, 彩色打印出來. 無左佢真係唔知點過日子, 因為無一本旅遊書甚至google有佢咁清楚詳細的地圖. 缺點是沒有南部的地圖哦!)

http://www.seat61.com/Laos.htm

http://www.tourismlaos.info/champasack/domestic_buses_schedule.html

“慢”遊老撾 ~ Day 29

 

27-Mar-2013 (Wed)

 

(是日行程: Bangkok -> Hong Kong)

 

瞓火車的心願算是於今趟旅程了郤了.  泰國的火車其實頗為殘舊, 有強烈花樣年華feel, 不過倒算幾乾淨.  整個車程其實會停靠幾個站, 大約半夜1點, 有一位泰國女士進入我的包廂, 她買了上格床的票.    她是一位很斯文及有教養的女士, 進房時她還以英語跟說聲不好意思,  不論上床或下床都是輕輕的, 深怕打擾我.

之後都有聊了一陣子, 讓我意外的是她英語非常好. 從我踏入泰國境那天, 所遇到的泰國人都係唔多識英文, 就算在機場問路, 都要問好幾個人至問到.  我很少到泰國遊玩, 成日以為泰國咁受中外旅客歡迎, 想必當地人的英語水平會很高. 原來是我自以為是而巳.

泰國的火車其實最聞名的是"誤點", 親身試鍊後, 果然名不虛傳. 好在一早睇左網友的資料, 所以我有心理準備.  火車的抵站時間supposed是5:50am, 但結果係約7:30am至到達Hualamphong Train Station.  當然唔會玩死我啦, 我訂的回程機票是4:00pm, 有足夠的時間搭車去機場.

在月台等了一會兒便見到兩位法國男士.

曼谷其實唔止一個火車站, 但以Hualamphong為主要骨幹. 這是Hualamphong的大堂, 大當側邊都有好多餐廳

 

火車站售票處.  唔記得我有無提過, 原先去程我都係想搭泰國火車入鏡老撾首都Vientiane的. 以前Thai Railway(泰國國家鐡路局)是有提供無網上預訂車票服務給外國人及有需要人士的, 不知何解, 我出發前他們就是取消了這項服務而沒有作任何解釋.  只在網頁上發出通告, 要乘客親自去到火車站購票. 就係這個原因, 我才改為乘巴士到泰國東北的NongKhai, 然後在那裡入境Vientiane.

剛剛再check泰國國家鐡路局的網頁, 預訂火車票的服務好似resumed喎.
http://www.railway.co.th/home/default.asp?lenguage=Eng

Hualamphong Train Station的外觀


昨天提過的煙剷法國男其實去老撾之前來過曼谷, 在這裡逗留了幾天才搭火車入境老撾, 所以他比較熟火車站附近的環境. 他帶我和另一法國男到火車站斜對面的其中一間食肆吃早餐, 佢話食過好食喎. 

右下角那位便是另一法國男, 他的名字叫做Serge Antoine.  我就唔識讀佢做名嘞



煎蛋, 腸仔加多士(85B), 咖啡(25B). 咖啡係即溶既, 同老撾的水準差天共地. 食物水準實在普通, 除了兩片多士是新鮮烘香之外, 腸仔和煎蛋都是涼的.  煙剷男"真識食":



當然呢條街唔止一間食肆, 在旁邊還有好多譔擇的, 例如串燒啦





超級肥雞, 不過我覺得係一隻A貨, 因為個樣好假


呢檔好似有食湯麵既




坐到8:45am, Serge就嚷著要埋單, 事關呢度既環境其實十分麻麻, 旁邊便是馬路, 車來車往, 吸廢氣吸飽, 加上又濕又熱, 仲難頂過老撾的天氣. Serge搭果班機係2:00pm, 我同佢都有大把時間前往機場, 不過泰國實在太熱, 大家商量下, 寧願早些到機場嘆冷氣.

煙剷男其實第二天才搭機離開泰國返回家鄉, 他教我們一個最省時及省$$的方法, 便是到附近的Hualamphong站搭MTR, 之後再轉車可直達機場. 不過佢唔記得邊個站落車, 叫我地問站內服務台.


方法是這樣的: 由Hualamphong站搭MTR到Pletchaburi站下車(29B)及出閘.  出左閘之後有路標指示行去Makasan站搭Airport Rail Link既Express Train, 唔算好遠, 大約行6分鐘便到, 但都行到身水身汗 (註: 由Hualamphong MTR站去到呢度前後約需30分鐘)


見到上面個"藍色標示"之後要搭一條escalator便可到達Makasan站.  一上到個站靜到以為有鬼, 除了職員外, 唔多覺有乘客, 同香港的"機場快線"的客運量爭天共地.

Makasan站的Airport Rail Link有兩條線, 一條是Express Line, 另一條是City Line.  兩條都可直達機場, 但是只有Express Line不停站.  我和Serge都決定搭Express Line, 因為City Line又要唔知行去邊先至有得搭(好攰呀, 唔想行)
 
在這個售票處買Express Line的車票


這便是Express Line的車票, 90B. 折回港幣才二十幾蚊, 實在抵到爛!



在職員提醒下, 才知道搭Express Line的乘客可以在售票處旁邊的航空公司櫃位check-in. 實在太好了, 不用再揹著重甸甸的背包上路


先把行李放在櫃位對面的X-ray過機, 無違禁品便可以把行李check-in.


全場只有我和Serge用呢個服務, 覺得自己似VIP多d!   再見啦.....我的背包....香港見!


check-in當然包括issue埋boarding pass俾我地啦


check-in完行李約9:45am, 啱啱好可以搭10:00am果班車, 只需20分鐘便可直達機場


在售票處旁的閘口進入去月台 (右下角個老外其實同我地同一時間入去Makasan站, 但佢一聽到職員話可以搭平d既City Line, 就立即同老婆拖住四件行李行去搭. 我見佢行到大汗疊細汗又拎住咁多行李, 好心唔好要慳果幾蚊, 要老婆行來行去咁辛苦.  搭Express Line包埋幫你拎行李才二十幾蚊港紙, 在香港, 搭機場巴士都唔得呀)


Express Line的終點站是機場B1樓層


和Serge到機場3樓這個foodcourt飲咖啡


我點了mocha, 45B, 味算不錯


和Serge道別後, 我仲有大把時間才上機. 於是在機場大樓續層逛.  先落去剛才落車的B1.


這是機搭Express Line去Makasan站的timetable


由機場開出Phaya Thai Station的timetable


在B1樓層, 有2間money exchange.  留意"港幣滙價"


同呢間綠色的money exchange為何差咁遠既?


這家綠色的有3.673, 頭先果間紫色的只有3.42


之後再去1樓


記得我2月27日抵達這個機場時都喺度磨左好耐, 但就唔知點解無落過去1樓. 我真是太失策, 原來呢層樓都有巴士開去NongKhai, 發車時間是8:00pm, 價錢一樣係495B.





早知唔駛咁辛苦, 入境泰國果一要來來回回坐shuttle bus去Public Transporstation Centre買車票, 買完車票又返回機場等, 等到夠鐘又要坐返shuttle bus去Public  Transportation Centre上車. 另外, 亦都印証左一樣嘢, 就係點解我在Public Transporation Centre上車果日會見到幾個老外巳經坐左喺巴士上, 原來佢地在機場上車.

但係我唔會認自己蠢, 因為我出發前係有上過Suvarnabhumi Airport的官方網頁check交通資料架, 不過d資料原來過晒時都無人update!  佢地個網頁都係叫人去Public Transportation Centre度搭車架.

http://www.suvarnabhumiairport.com/pdf/Brochure_Transport_Eng.pdf

我另外都有搵過好多泰國的旅遊書, 都無講可以喺機場搭車去NongKhai, 咁當然, 咁冷門既地方, 旅遊書又點會提丫.

機場仲有巴士直接去Vientiane同Pakse,  真方便! 不過就唔知要坐幾多個鐘



仲有車去柬埔寨添



Airport Express Bus原來巳於2011年6月停辦, 好心就搵人改下網站d資料啦


好多老外喺度排隊去Koh Chang, 我未聽過呢個地方, 想必是一個美麗的渡假天堂


點少得巴堤雅同華欣


呢層樓原來有個另一個foodcourt


好多職員同知"定"既遊客都喺度用餐


3樓的餐廳貴夾唔飽, 早知來呢一層開餐啦, 你睇幾多選擇, 平過3樓的餐廳一半都唔止呀
















Terminal雖然有4層樓, 但係無乜嘢行, 之前經常聴人講泰國機場好大好多嘢行有可能禁區果邊, 於是就過左海關先.  果然呢度係係非常之大既, 行到腳軟.  經過一輪格價之後, 禁區的物品又點平呢, 這道理, 全世界的機場如是. 

見到呢間cafe的gelato都幾抵食喎



五彩繽紛, 十分誘人


我點了2球的


一甜一酸, 是芒果和朱古力味


終於hea到夠時間, 我足足在機場"藕"了5個鐘頭, 絕對是破了自己的紀錄


泰航的飛機場都幾好食喎, 好過國泰的多多聲


呢個咖啡奶凍賣相不錯, 可惜我嫌太甜了, 只吃了一口