早幾個星期去香港國際烘焙展參觀時見到有一個攤位話報名學由世界十大餅廚Mr Hans Fischer親自任教授的Macaroon只需要HK$238一堂. 我在家整過兩次都失敗, 所以好想找老師教, 於是唔諗咁多, 即場報名.
上課地點在中環擺花街某商業大廈內. 上課時間是7:30pm, 我未夠7pm便去到, 諗住霸番個好位. 果然我是第一人呀
這位便是Mr Hans Fischer, 他是瑞士人, 很友善, 說話細細聲的.
霸左好位就視察下課室環境. 這裡一共有五張工作枱, 每枱可容納4個學生, 這課室比很多烘焙教室spacious. 可惜原來要每兩個學生一組share用具和一起制作的. 這點我覺得有關方面應該早響, 因我喜歡自己落手落腳做而不是分工
見到桌上有兩個造好的薑餅屋, 唔知係咪客人預訂的, 還是老師於課堂時示範的制成品.
材料和用具都是share的.
7:30pm開始, 先由Hans示範一次.
跟住到我地做
呢盆我唧既, 勁樣衰
唧好後, 放在一旁差不多成個鐘才焗. 我冇影到制成品, 因為那些assistants把我的馬卡龍都焗壞了, 我是冇眼睇
原來仲有教聖誕曲奇, 報名時都冇提過. 由於我早到, 我見到Hans在搓cookie dough, 不過當時我並不知cookie dough是我們今堂用的.
輪到我地做, 每人派一份cookie dough
最好笑係, 曲奇模才得兩套, 但要20個學生去爭用
掃蛋液
那些assistants居然把兩盤曲奇放入同一個焗爐度焗, 我巳心知不妙. 焗爐咁細, d爐火一定好集中. 結果除了我以外, 有一半同學的都焗到燶晒, 好明顯我們都是放在上層近上發熱線的受害者. 我見到盤曲奇燶成咁非常不高興, 問其中一個assistant燶成咁點食? 佢居然話冇問題. 真是當人白痴!
之後到唧蛋白糖霜同舖marzipan, 個糖霜同marzipan又被d強勁冷氣吹到硬晒, 根本好難整型. 我被那些焗到爆晒的馬卡龍同曲奇攪到都冇晒心機, 求其裝飾就算. 所以連一張相都冇影.
這Hans的制成品
愚見: 我明白Home Chef Studio是一間新的烘焙學校, 但要改善的地方實在太多. 簡單說, 焗爐咁細都要兩盆曲奇一齊焗是一大敗筆. 如果佢地唔努力改善, 相信難有回頭客, 尤其是我地呢類唔係第一次上烹飪班的學生.
