2013年3月16日 星期六

“慢”遊老撾 ~ Day 12….Part 1





 


10-Mar-2013


Luang Prabang

(是日行程: 國立皇宮博物館,
Wat Ho Pha Bang, Kuang Si Waterfall, Hmong
Village )



 



Luang Prabang1995年被聯合國教科文組織(UNESCO)評定為東南亞保存最好的城市, 並列入「世界文化遺產」進行重點的復修與維護.
13世紀以來一直都是瀾滄王朝所定都的地方. 直至1975年君主政制解體才把首都遷至永珍,
自此Luang
Prabang
成為老撾的第二大城巿.



 



法國人對Luang Prabang有很深厚的情意結,
因為於1893-1954年間成為法國殖民地, 法國人以Luang
Prabang
作為統御老撾的據點. 法人留下來的生活習慣, 飲食文化和建築風格, 直至今天還是深深的影響了這塊土地,
成為遊客來臨Luang
Prabang
最大的觀光特色, 很多遊客甚至在這兒待上一星期之多呢.



 



昨晚早睡, 今朝6:00am又自然醒.
既然醒左都無謂典床典蓆,
去找地方吃個道地baguette.
Lonely Planet
Tourist Office對面有幾檔賣baguette的攤子於早上7:00am便開始營業直至晚上10:00pm,
然而
據我觀察,  baguette攤子只營業至約5:00pm,
因為5:00pm開始便輪到夜巿的攤販架起
帳篷營業.





這裡大約有
5baguette攤子, 我巡視完一輪, 發覺每一家賣的口味和價錢都大同小異, 咁就依老規矩

揀最乾淨果檔
!






我點的是bacon, ham and chicken baguette. 15,000K一份, 另加一杯Lao coffee,
7,000K
一杯. Baguette超大份, 我只吃了一半, 剩低果半份諗住陣間去完waterfall
park
才吃.  至於杯咖啡, even我吩咐了老闆少奶, 但還是甜死人呀(老撾跟越南一樣, 咖啡是以鍊奶調味的). 今次是我在老撾咁多日以來第三次食baguette, 我覺得老撾的baguette不夠越南的好食呀!








約了
Marc 8:15amJoma Café集合再一齊行去國立皇宮博物館,
大約5分鐘腳程便到







本本旅遊書都話博物館逄星期二休息,
但呢個牌就寫明day
day
開放!
攪到我在編行程時勁傷腦筋,
一定要夾番,
唔好星期二來博物館






國立皇宮博物館的前身就是建於1904,
國王Sisvang
Vong
的行宮, 前皇宮範圍主要有四座建築物,
左面的是售票處,
在其後方是Ballet
Theatre,
右面是金光閃閃的Wat Ho Pha Bang, 正中間便是博物館所有.



先買票吧, 每位30,000K





參觀博物館都有好多規矩要遵守,
例如要除鞋,
不許拍照或影video,
手袋要放在locker內等等.




博物館的正門. 館入面雖然唔係好大,
國家博物館的規格來看,
收藏品不可以說是豐富,
但不失為讓遊客對該國的歷史有多一點的認識.



慢慢睇都係半個鐘就參觀完整個博物館, 在其後方還有一個免費的展館, 那裡收藏了國王的外國名車及遊艇, 可惜唔俾影相. 反至在室外放置了兩台國王於巡遊時使用的黃金座駕就任人影, 奇怪!




望上一棟類似職員休息室的建築物, 在它的二樓見到有兩個人咁高的紙扎雞頭, 夠晒靈異




皇宮內的Wat Ho Pha Bang是一所免費參觀的寺廟, 這兒有勁多旅行團客在參觀, 入內要除鞋






最好戴上太陽眼鏡才入內
, 因為每樣物件都好燦眼






 





昨天在Phusi Hill欣賞日落時碰到和我們同車來的美國女孩, 我向她們訴苦在Luang Prabang很難找旅館, 她推薦我們住她入住的旅館. 她在我地圖上圈了Pathoum-Phone
Guesthouse,
還特意吩咐我們最好view的房間是Room No. 5!  咁我地今日參觀完博物館,
趁有時間就去搵呢間旅館.
去到點知呢度根本係冇Room No. 5,
兼且房間非常殘舊, 不過就好平, 只是70,000K一晚. Marc話佢OK, 會搬過來呢間住. 我心諗, 就是為了省回10,000K就住間咁核凸的旅館, 咪攪!  我相信美國女孩不是點我的, 可能果晚太黒, 她在地圖上圈錯吧
.





睇完旅館都沒事可幹, 在街上隨意逛逛欣賞這個古城便是最佳的活動
.



Luang Prabang有好多呢類細細間好似個盒咁既找換店,
間間個價都麻麻,
around 7.8
左右, 但呢間就有7.861, 全城最抵!








網友介紹又平又好食
, 位於河邊的Tamarind
Tree Restaurant,
可惜直至到我走果一日都無緣一嚐. 圖中左面那名外國人便是Marc.  昨天大家流了一整天的臭汗, 他都可以唔換衫真是佩服到五體投地. 我同佢講不如先行回到旅館執拾把行裝搬來新旅館, 陣間1:30pmJoma Café集合, 等車接我地去Kuang Si
Waterfall Park.






我最鍾意自己一個人, 又係我的free
time,
行到邊影到邊. Luang PrabangN咁多間旅行社,
主要集中在大街Sisavangvong
RoadSakkaline Road,
大部份的旅行社都有攪這類學習做馴象師的課程, 我好有興趣,
可惜我冇咁多時間.



咁早都有人擺地攤, 我以為剩係夜晚才有








在老撾
, 不論本地人或遊客都喜歡踏單車作為代步工具.
Luang
Prabang
租車可一點也不便宜, 40,000K一天,
在其他的遊旅區大約20,000K便可租一天了.






條街咁大塵
, 居然有個阿伯在自己的工藝品店門外煮糯米飯, 完全唔怕汚糟. 老撾人的主糧是糯米飯, 佢地既煮法係用竹簍蒸, 不加蓋. 而中國人就習慣放入有蓋的竹蒸籠內隔水蒸.


過呢條竹橋要收錢架, 影張相好嘞


在老撾購物, 不論生活必須品或手信, 可以講話佔了90%都是依靠鄰國

泰國, 中國及越南進口的, 當中尤以泰國貨最多. 如果想買100% made
in Lao
的貨品就一定要來在家店. 店內售賣傳統老撾服飾, 手袋, 披肩, 工藝品之類, 不過就堅貴囉!
我等貧窮女子梗係冇幫趁啦




再往前行, 見到一所很老舊的寺廟Wat Visounnarath. 根據資料, 它是Luang
Prabang
現存最古老的寺廟.  這所寺廟始建於1513, 唯於1887年被大火燒毁. 它的保養似乎不及其他在Luang
Prabang
的寺廟
.




來到Wat Visounnarath有另一目的. 之前網友介紹在其斜對面有一家很好味, 很受日本人歡迎的麵店叫Saburo, 現在給我找到, 太好了!





其實我仲好鬼飽, 不過一場來到, 而家唔食我驚之後未必行番呢頭, 因為呢邊算係古城的outskirt部份.  雖然日本人咁捧場, 餐牌價格蠻親民的.



  

我點了網友推介的Rice Noodle Soup with Pork. 我看網友的推介時, 價錢是6,000K, 現在巳上漲至8,000K.  以湯粉來計, 算是整個老撾旅程所吃到最美味的一碗. 其他麵館的豬肉都是一塊塊再白烚無厘聞味的, Saburo的豬肉就有認真處理過. 豬肉炆得很軟滑入味, 純手功把豬肉撕成條狀, 一點也不韌. 至於湯頭也很香甜濃郁, 好吃! 食食下真係見到一班日本人拿著旅遊書來幫趁.



! 10:45am巳吃了兩個早餐, crazy! 一定要運動一下幫助消化
.

如果要人估呢張相喺邊度影, 我諗大部份人都會話係越南, 事關兩國的feel確係近似.




Luang Prabang會發現超多而家巳經唔興用的繁體中文字,























中國人應該早巳在這裡從商.  呢間餐館有燒臘賣, 唔駛問都係唐人開. 睇得出燒臘個look巳經自我改良左, 但在異鄉見到燒臘又覺得好有親切感
.





這所遠離遊客區的Wat Manorom外觀比城內寺廟更宏偉. 後來翻查資料, Lonely Planet咁詳細的旅遊書都沒有它的介紹. 其實老撾的寺廟間間都差不多, 如果唔影低個名, 之後執相一定唔認得.




行到返去旅館附近, 諗下不如碰碰運氣, 睇下有冇第二間住宿好d. 好彩俾我在隔兩條街見到呢間旅館好新淨, 問過負責人話有2樓的房, 咁睇完房之後覺得ok, 便請負責人留間房給我.









還有15分鐘便12:00nn, 是旅館的退房時間. 所以我要立即仆到返舊旅館收拾背包再搬過來Nirasim
Guesthouse.



Nirasim Guesthouse
負責人是一位女士
, 英文是有限公司, 和她溝通也破費唇舌. 一輪議價後, 我以230,000K租了兩晚, 原價是120,000K一晚. 由於3月還是旺價, 議價空間不大
.






之前住地牢黑掹掹的房實在讓我太不舒服
, 這家旅館雖然只有風扇沒有冷氣, 但仍然很通爽. 日間室內環境很光猛, 房間的光管很夠光
到了晚上也不會黑到睇書都睇唔到. 就連枕頭被單都是香噴噴的, 我鍾意
.
 




仲有
LCD電視機兼夾有英文台睇,
正呀


浴室都好乾淨, 熱水夠熱. 位於旅館地下的廚房還有免費香蕉, 蛋糕及咖啡讓住客使用.


















.

















 






2013年3月15日 星期五

“慢”遊老撾 ~ Day 11



 

9-Mar-2013 (Sat)



 



Muang Ngoi Neua -> Luang Prabang
(是日行程: Phusi Hill看日落)



 



今天便要離開寧靜的Muang Ngoi Neua, 搭船返回Nong
Khiaw
再轉車前往我很期待的老撾古城 - Luang Prabang.



 



為何昨天天氣咁好, 今日天氣咁陰暗,
希望陣間不會下雨吧





似乎昨夜下過雨, 地下滿是泥濘.   我好喜歡呢棵樹, 開得好茂盛, 成個Muang Ngoi Neua得一棵咋,
唔知係咩嘢樹呢





未夠8:00am就去到售票處等佢開門.  職員回來見到一大堆人在等他開工還是處變不驚, 繼續慢動作地幹活……








終於都買到一天得一班, 9:30am開往Nong Khiaw的船.




售票處對面的無人士多有一隻小貓咪好可愛, 我向它吹哨便自動波地過來讓我逗玩
.




這種告示隨處可見. 雖然老撾人都超喜愛遊客的美金, 但對住衣著暴露的遊客還是很抗拒的. 要是你穿著清涼又剛巧在街上碰到僧侶, 最好不要跟得太貼, 他們是不喜歡的.






還有
2個幾鐘才上船, 其實是有大把時間嘆早餐的, 但巳我被這兒的美食嚇怕了, 還是返回我的吊床上繼續搖呀搖
……


hea
9:20am才施施然退房, 去到只有腳程一分鐘的碼頭, 原來巳有一大班老外在排隊登船, 可能被中間的樹擋著視線, 我在搖吊床時看不到人龍. 








一個小時航程便到達Nong Khiaw碼頭.
早幾日巳探路, 從碼頭走出來, 大約25分鐘便到Nong
Khiaw
車站.









我一心諗住買
1:30pmmini van前往Luang Prabang, 去到車站售票處,
職員話有一班11:00am開往Luang
Prabang
北巴士站的mini van(40,000K). 咁我都費事浪費時間等到1:30pm, 馬上買票上車.






上到mini van, 我見到跟我同船的兩個美國女孩. 我好好奇, 我明明第一個落船, 點解佢地會快過我去到車站, 仲要買埋車票上車等開呢? 原來佢地話碼頭有tuk tuk, 5,000K一個人就可以車佢地去碼頭. 聽完佢咁講, 我覺得自己係死蠢.






11:00am, 卒之又係攪到11:30am至出發. 在我旁邊的是一個不太懂英語的法國男, 遇到他是算我倒楣.




不用3小時便到了Luang Prabang北巴士站, 明知車站內的tuk tuk車司機都劏客, 問左一個司機幾錢入巿區? 佢話要28,000K, 真是燒壞腦. 於是問另一個司機, 佢肯收20,000K一位送我,
法國男同那兩位美國女孩入巿區找旅館.



我是有做功課的, 知道Luang Prabang的住宿都比其他地方貴,
網友介紹Joma Café旁邊的兩條巷子有便宜旅館, 而且該區就近夜巿, 方便逛街. 我便請司機在Joma Café門外停車.






Joma Café是地標, 沒有當地人是不認識的.






美國女孩上星期才來過
Luang Prabang, 她們請司機載她們回到上次住果間旅館.
 
法國男見我手持Luang
Prabang
的地圖就想跟我一起找旅館, 我也沒有所謂.







首先找我心儀的My Lao HomeXayana Guesthouse, 資料說My Lao Home的單人房才70,000K. 點知問過呢兩間都話滿左, 之後揹著沉重的背包在烈日走了一個半小時也找不到心儀的旅館, 唔係冇空房就係太貴或是陳設太殘舊的恐怖旅館.  之前咁多日找住宿都叫做好順利, 我真的沒想過在Luang
Prabang
如此難找住宿, 立即對呢個本來打算留43夜的地方打了折扣.








後來法國男決定住一間
80,000K, 我覺得條件爛得不能接受的地方住下來.
咁我同佢講拜拜之後就自己再搵.  之前在Sam Neua, 瑞典老夫婦同我講,
他們在Luang
Prabang
的河邊租到120,000K 一晚,
有露台,
好企理的旅館.
點知我來到呢度就冇咁好彩搵到咁筍價的旅館.
後來我見在街上見到很多的日本旅客才醒起今天是星期六,
唔怪得旅館唔肯收平d
啦!



我都攰到虛脫
, 見到呢間外形OK的旅館就去問價,
負責人話只有地下的房間未出租,
入面好陳舊又有地牢feel都要120,000K一晚.  我費事再搵便打算住這裡一晚,
明早再去找其他的旅館
.





入到間房發現電視又壞
, 燈又壞, 好鬼嬲! 於是要求負責人弄好. 他也很好人, 馬上幫我攪. 咁我見間房都有冷氣就算啦, 頭先睇一些爛溶溶冇冷氣的旅館都要130,000K一晚
.






休息到
3:30pm就拿著我的hobomaps外出, 打算先醫肚及購買明天去Kuang Si
Waterfall
tour package以及過幾日去下一站Vientianesleeper bus ticket. 呢種車票好易爆, 所以我想早d買才安樂.






點知又在
Joma Café碰到剛才那個法國男, 佢問都唔問就係咁跟住我. 我唔喜歡佢係覺得佢好冇丰度. 頭先去找住宿時, 每一間入內我都要先把背包放在地下, 睇完又要從地下"逗起"個背包揹返好. 我地睇左成十間旅館, 咁多次佢都冇幫過我手逗起個背包, 等我容易揹返上背. 之前遇到的大馬猛男就對女孩有丰度好多.




我同佢講話我今日未食過嘢, 要去找點吃的. 咁去到餐廳佢又唔食嘢,
剩係點了一杯飲品.


我點了一碗牛肉湯河粉 (15,000K)及一杯pineapple fruit shake (5,000K). 碗粉有好多牛肉, 不過牛肉都係鞋烚烚的, 至於杯pineapple
fruit shake
都唔錯. Luang Prabang的消費很貴, 在街邊檔買一杯fruit shake都要10,000K
.




法國男的英文太差
, 根本溝通唔到, 成餐飯坐喺度又唔講嘢, 好在佢都仲識講自己個名叫Marc.



我話食完我要去旅行社買明天去
Kuang Si Waterfalltour package, 問佢去唔去, 佢又話睇下點先






求其搵間旅行社
, 見佢既價錢同我喺網上所搜集的資料差不多就算
.





明天去
Kuang Si Waterfalltour package, 55,000K一位包括到旅館接送. 有兩個出發時間: 11:00am1:00pm,. 我揀1:00pm 出發, 因為我聽朝早搵過第二間旅館
(第二日我在法國街閒逛, 見到好出名的Green
Discovery
旅行社去Kuang Si Waterfalltour package50,000K一位, 唉吔!)









買埋
12號晚去Vientiane的夜車票 (170,000K)




Luang Prabang其中一個原因便是想參加烹飪班. 買完tour package之後行左成十幾分鐘才找到Tamarind Cooking
School





















. 本來我想報11號的堂, 不過佢地果日冇堂, 咁唯有報12號.
 




時間也接近黃昏了, 打算到有名的Phusi Hill觀看日落. 那裡除了可以看日落外還可以一覽Luang
Prabang
的全城風景.  Phusi Hill有兩個入口可以上山. 一個是在皇宮博物館對面的北入口, 另一個便是我現在身處的南入口. 兩個入口都有各自有收費亭索取門票20,000K,咪駛旨意走得甩! 呢度好多地遊客都會來參觀, 我特登睇下老撾人俾幾錢, 結果係同我地外國人一樣, 咁都公平d!





沿著山路走
, 會見到很多古老建築物






呢座廟好古早, 不過我冇見到有介紹係乜名






呢座廟又同頭先果座爭好遠
, 呢座金碧輝煌, 富貴又榮華, 頭先果座就好樸素. 我向相中的僧侶查問那條路可以上山, 他笑笑口以英語為我指點迷津


見到呢個標誌就係


依著這條樓梯一直上
, 上呀上, 上呀上......  十分佩服前面的僧侶可以赤腳行路, 事關這條樓梯是有食人蟻出沒的. 我穿著涼鞋也被巨蟻咬得我呱呱叫












有好多誠心的善信在參拜

























還未到山頂, 仲要繼續行, 加油






見到這座佛像就差不到目的地了
.  Luang
Prabang
Vang Vieng更炎熱, 現在巳5:30pm還是那麼熱, 係咁爬樓梯攪到我一身濕晒,
差不多要斷氣了






我以為我地好早
, 原來山頂巳有大批遊客拿著專業攝業器材在等日落.  時間尚早, 太陽伯伯未收工, 就影下Luang
Prabang
的巿區面貌先吧










早到的人都佔了有利位置等待太陽下山, 故此遲來的人都被迫拍人頭照.   後來有一個鬼妹唔抵得, 走去鬧企晒喺山邊果幾個鬼仔鬼妹, 叫佢地唔好咁自私阻住人影相. 咁有幾個鬼仔鬼妹影完都肯退下來, 唯獨是相中左面呢個坐在石頭邊緣的鬼妹無動於衷.






打直影都會影到佢隻腳
.




打橫影仲弊
, 根本無可能影到一張冇人頭的. 不過算啦, 如果人地一早到左霸頭位都唔怪得人既, 呢度咁熱, 佢地喺度等咁耐都唔係好受, 正所謂早起的鳥兒有蟲吃
.


我自己都唔係龍友
, 總之影到幾張相巳好心足. 呢度實在太多人太熱, 未夠6:00pm我便下山.  Marc問我要不要一起晚飯, 我跟他說我”skip dinner”! 其實我係好想自己一個人逛夜巿, 自由自由.


Marc約了明天8:00am在皇宮博物館集合便跟他say goodbye.