2013年1月31日 星期四

後會有期 ~ 糖衣杏仁














31-Jan-2013

  

今天要離開工作了接近6年的工作環境. 這陣子都想著做甚麼小點心送給我親愛的同事作道別禮. 平時食過唔少散水餅, 但好多時離職同事都成四點幾五點先至派餅. 有幸食餅的同事個個笑著收下, 不過眼見唔係靜雞雞掉落垃圾筒便是食一半掉一半, 我覺得好浪費. 當然, 大集團的出品唔好味都係其中一個因素.



blog搵靈感, 俾我見到T&P 這個糖衣果仁, 我覺得直情有叮一聲的感覺. 就係佢啦! 杏仁一來有益, 二來又可以留得, 唔似蛋糕要馬上KO. 




一共做了4, 每次也稍為改動配方少許. 我覺得鹽味唔係好夾, 可能我屋企d幼鹽都係太大粒, 間唔中咬到粒鹽好怪.


 


所以第二, 三和四次整都冇放鹽了. 玉桂粉我本身唔like所以每次都冇放. 第二次整我加入云呢拿香油1/2茶匙提香, 結果都好夾. 第三次整, 醒起包神K送我的焦糖糖漿, 不如用來試下夾不夾味道. 點之又好夾喎!


 


呢款果仁做來過年時招呼來拜年的親友都唔錯架.


 


材料又係好簡單咋!


























材料


份量


蛋白


19


凍水


1/2 茶匙


焦糖糖漿


1 茶匙


原味杏仁


300


砂糖


55



做法:


蛋白略打發




加入凍水打勻




加入焦糖糖漿打至濕性發泡, 6分發便可



把杏仁加入打發蛋白內




用刮刀拌勻



加入砂糖, 拌勻




把杏仁舖平在焗盆上, 放入巳預熱115度焗爐內焗55分鐘即成




烘焗期間每15分鐘, 需用刮刀反一反杏仁使受熱均勻




出爐攤涼, 完全涼後放入玻璃瓶內保存



呢款果仁真係好好食, 焗又冇炸咁熱氣. 我唔算係果仁粉絲都食唔停口.


送給同事當然要包裝好佢啦


希望大家唔好嫌棄啦




2013年1月30日 星期三

無敵易整芒果布甸






















 


28-Jan-2013

 





阿媽買左幾個大芒果返屋企
, 我話冬天d芒果幾靚仔都係唔甜個喎, 所以我一到冬天便金盆洗手, 唔會整芒果甜品! 不過, 食左其中兩個又真係幾甜, 莫非今年芒果季節來早了. 


 


芒果布甸做過N, 亦試過N個食譜. 始終以廚聖好友S小姐傳授給我的做法最得我的歡心, 皆因易做又好味. 家人個個每次都好捧場, 尤其是那個長不大的阿姨, 冬天都嚷著要我整芒果布甸俾佢食, but我例必狠心推郤. 芒果是靈魂, 要是芒果唔靚唔甜唔香, 成個布甸都破壞晒.




材料好簡單咋
!


























材料


份量


芒果啫喱粉


2


白砂糖


25


滾水


2 (480ml)


雞蛋


2


花奶


340ml


芒果香油


數滴 (optional)



做法:


 


把芒果啫喱粉放入器皿內





加入砂糖



加入大滾水, 把糖及啫喱粉攪拌至完全溶化, 置一旁放涼



蛋打入另一器皿內




輕輕拂勻成蛋液





隔熱水
, 以小火把蛋液加熱至60度便離火. 此舉是把蛋的細菌除去. 如使用巳消毒蛋, 此步驟可skip.




把蛋液過篩一遍
, 置一旁攤涼





蛋液攤涼後和花奶混合



把蛋, 花奶混合物加入巳攤涼啫喱粉水內. 啫喱粉水一定一定要攤至完全涼, 否則布甸做起會有兩截色!



攪拌均勻



加入芒果香油 (可省略)



洗淨布甸模具



注入第一層布甸液



放入適量芒果粒. (不要切太大粒). 用牙籤刺破氣泡, 放入雪櫃普通雪格冷藏約半小時



取出布甸, 輕輕注入第二層布甸液



放入適量芒果粒. 再放回雪櫃冷藏約45分鐘



第三層是重覆以上步驟, 同樣需冷藏約45分鐘.


 


這是第四層, 放上適量芒果粒便可蓋上模蓋, 放回雪櫃冷藏最少5小時才可倒扣食用




用這種大布甸模具較為費功, 整個制作需幾小時, 但係造型較靚, 適合party用. 如預備時間不足, 可轉用啫喱杯仔. 布甸液分別注入啫喱杯仔後再放入適量芒果粒, 即可放入雪櫃冷藏.



銀鱈魚西京燒













27-Jan-2013




早前拓朋友君君媽買了兩件銀鱈魚
, 放左喺冰格成個月都未開光的原因是我想整銀鱈魚西京燒”.  其實可以就咁搵d鹽, 胡椒粉醃吓佢煎都得. 不過我覺得銀鱈魚好似同麵豉夾d.


 


話說家裡雪櫃有味淋, 但白麵豉巳過期唔敢用. 料理酒又從缺, “無奶油用紹酒或玫瑰露酒頂替架.


 


到我hea, 便去吉之島買齊白麵豉及料理酒. 我在Apita見到有西京白麵豉賣, 但要七十幾個大洋一盒,真是妹仔大過主人婆. 我買兩件銀鱈魚才$159. 其實不應用個 我好”, 唔知銀鱈魚咁值錢.

 























材料


份量


銀鱈魚


一塊 (呢塊重約250)


日本料理酒


25ml


日本味淋


25ml


白麵豉醬


60


白砂糖


30





做法:


 


先做醃醬. 料理酒及味淋混合放入小鍋中




用中火煮至滾起





調回小火, 加入白麵豉醬攪勻



調回中火, 加入白砂糖, 快手不停攪拌至糖溶(加入糖後會稍為被稀釋)



待滾起後再煮至稍為杰身(如鍊奶的杰度)便可熄火



倒入一個乾淨器皿內攤涼



醃醬必須攤至完全涼才可以抹在巳完全解凍, 洗淨及抺乾的銀鱈魚身上



把醃醬均勻地塗在魚的兩面及魚皮上





把魚塊放入一個膠袋內, 綁好





放入有蓋保鮮盒內. 再存入雪櫃普通雪格內醃2.




29-Jan-2013

醃左兩晚, 今晚趁家姐細佬回來食飯, 可以大家一起品嚐. 

抺淨醃料後便可以放入焗爐以200度焗10分鐘便熟透


味道: 又真係幾似在日本料理吃的銀鱈魚西京燒. 不過我嫌賣相唔得, 焦焦地才靚. 下次試下用鑊煎.