29-Sept-2013
2011年開始在YB建立一個小地盤寫下東寫下西, 初初建立時都覺困難重重
有好多事要親身經歷過才領略到箇中困難, 經營一個步落格其實殊不容易. 有好多blog友真的十分努力及細心去打理自己的步落格, 我看到除了心生佩服之外還明白到點解小妹的步落格收視率長期低水, 就是因為我”乸西”囉! 哈哈! 呢樣嘢我係知架, 不過人懶無藥醫之嘛
衷心感謝Yahoo提供一個免費的平台讓我抒發, 同時亦讓我在這裡認識到好幾位談得來的網友, 例如在台灣甩了很多腳毛的1733, 廚藝精湛的MOONmoon,
用雙腳走遍地球的Anna等等(排名不分先後).
好多blog友都搬左去Google的blogger.
可惜我人笨又懶, 攪極都唔明, 身水身汗, 仲死左好多巳經所餘無幾的腦細胞. 我只係一介"凡婦俗女", 想有個空間俾我寫下垃圾啫, 要我變身成為IT技術人員, 我覺得好麻煩又費神.
為了慣切我懶人的精神, 我唔打算再寫了, 大家好好保重啦
27-Sept-2013
真失禮, 第一次食土豆絲是十幾年前同家姐去北京旅行時在一家地踎餃子店吃的. 我地兩個"港燦"都唔知土豆絲係乜就點來吃. 後來先知土豆即係我地既馬鈴薯. 平時食薯仔的方法不離咖喱薯仔雞翼, 蕃茄薯仔煲湯, 母親大人的家傳薯仔餅還有西式的hash brown或焗薯茸.......原來薯仔切成幼絲再炒, 咁既食法好清新滋味, 無咁starchy又可以食到薯仔本身既味道. 那時才知道原來薯仔既食法咁廣泛, 係我地井底蛙而巳
25-Sept-2013
基本上所有菇菌類我都鍾意食, 尤其是金菇. 有時見到街巿賣到好平, $10/3包, 一定會買幾包看門口. 炒又得, 淥麵食又得. 不過我知有些人就唔鍾意佢煮熟後滑san san的口感.
金菇唔單止美味, 由於含有豐富的粗纖維, 可以幫助你上大號時”路路暢通”.
金菇一般都需要煮熟食用, 但如果閣下深受便秘問題困擾很的話, 不防試試用一把生金菇放入攪拌打碎飲用, 包你”如願以償”
金菇另一更堅之處是可以防癌, 尤其是肝癌. 有研究數字顯示, 肝癌患者多吃金菇後, 肝癌腫縮少. 至於怎樣為止”多吃”, 我諗起碼每星期吃3次以上.
至於怎樣選品質好的金菇? 不論在超巿買或是在街巿買, 金菇都係真空包裝的. 如果真空包裝巳呈現漏氣便不要買, 至於菇傘反而不是大朵就好, 這代表老. 而菇傘細個反而較嫩.
材料 | 份量 |
金菇 | 2包 |
青瓜 | 1小條 |
紫洋蔥 | 半個 |
紅甜椒 | 1個 |
蔥花 | 適量 |
配料
材料 | 份量 |
蒜泥 | 1.5湯匙 |
白胡椒粉 | ¼茶匙 |
鹽 | 1茶匙 |
糖 | 3茶匙 |
米醋 | 1湯匙 |
麻油 | 1茶匙 |
24-Sept-2013
近月整過3次伯爵茶口味的糕點, 包括: 戚風蛋糕, 慕絲蛋糕及吐司麵包. 三樣的茶味都唔係好明顯, 當中以麵包出來的效果最差.
咁我又唔會同伯爵茶絕交既, 總覺得他朝有日給我遇到個啱咀形既食譜......
這個食譜是早安排在免費報紙剪下的, 好似係"頭條日報". 原著是出於一本, 名為"巧手裝飾蛋糕". 剛好屋企有盒就過期的奶要消滅, 整muffin呢d簡單嘢最啱我.
慣性動作, 我自行減左少少糖! 食得甜既可以加至110克
可製作8個muffin
材料 | 份量 |
無鹽牛油 | 140克 |
幼砂糖 | 105克 |
蛋 | 2隻 (100克) |
伯爵奶茶 | 82克 |
伯爵茶茶包 | 3個 |
低筋麵粉 | 180克 |
泡打粉 | 5克 |
鹽 | 2克 |
伯爵奶茶材料
材料 | 份量 |
伯爵茶茶包 | 2個 |
鮮奶 | 110克 |
