花椒醋炒土豆絲

27-Sept-2013

真失禮, 第一次食土豆絲是十幾年前同家姐去北京旅行時在一家地踎餃子店吃的.  我地兩個"港燦"都唔知土豆絲係乜就點來吃. 後來先知土豆即係我地既馬鈴薯.  平時食薯仔的方法不離咖喱薯仔雞翼, 蕃茄薯仔煲湯, 母親大人的家傳薯仔餅還有西式的hash brown或焗薯茸.......原來薯仔切成幼絲再炒, 咁既食法好清新滋味, 無咁starchy又可以食到薯仔本身既味道. 那時才知道原來薯仔既食法咁廣泛, 係我地井底蛙而巳

回港之後都巳把炒土豆絲忘得七七八八, 係近年偶然在一些地方菜館見到, 有些還以冷盤形式奉客.  曾經要求媽媽做給我吃, 佢都做得似模似樣, 不過土豆絲變左"土豆棍"囉, 因為切得好似擂漿棍咁粗呀!

在肥媽的食譜書內都有一個名稱很誘人的炒豆土絲菜式, 便是這個"花椒醋炒土豆絲". 我估肥媽都係在大陸工作時吃到, 再自行研發吧!


材料:


調味料



做法:

薯仔2個去皮切絲(大約有400克), 浸於冷水中 (間中用手搓下佢, 等佢去咁d 澱粉質, 炒出來會更爽脆)


薯仔絲撈起, 用布抹乾水份


燒熱油鑊, 先下花椒爆香


跟住爆香指天椒


跟住爆蒜茸



花椒, 指天椒及蒜茸爆香後加入薯仔絲炒至轉色


加入紅甜椒絲炒勻 (原著是加入紅辣椒, 不過我手邊無, 就用左早幾日用剩既紅甜椒代替)


加入調味料. 先放雞粉炒勻



接著放豉油, 炒勻



最後放陳醋, 炒至自己喜歡的軟硬程度. 可以夾一條試下, 如果好似蘋果咁脆就係未得, 要炒多陣. 另外仲要試味. 我覺得除左醋酸味, 乜味都無. 所以自行加左鹽半茶匙及糖1/2湯匙才夠味呀


花椒方面, 我驚麻果頭我食唔到, 所以只落了約1/2茶匙. 但原來炒起唔係好覺佢既香味, 我諗可以增加至1茶匙



很便宜的一道菜, 5蚊雞2個薯仔!

涼拌金菇

 

 

25-Sept-2013

基本上所有菇菌類我都鍾意食, 尤其是金菇.  有時見到街巿賣到好平, $10/3包, 一定會買幾包看門口. 炒又得, 淥麵食又得.  不過我知有些人就唔鍾意佢煮熟後滑san san的口感.

 

金菇唔單止美味, 由於含有豐富的粗纖維, 可以幫助你上大號時”路路暢通”.
金菇一般都需要煮熟食用, 但如果閣下深受便秘問題困擾很的話, 不防試試用一把生金菇放入攪拌打碎飲用, 包你”如願以償”.

 

金菇另一更堅之處是可以防癌, 尤其是肝癌. 有研究數字顯示, 肝癌患者多吃金菇後, 肝癌腫縮少.  至於怎樣為止”多吃”, 我諗起碼每星期吃3次以上.

 

至於怎樣選品質好的金菇? 不論在超巿買或是在街巿買, 金菇都係真空包裝的.  如果真空包裝巳呈現漏氣便不要買, 至於菇傘反而不是大朵就好, 這代表老. 而菇傘細個反而較嫩.

材料	份量
金菇	2包
青瓜	1小條
紫洋蔥	半個
紅甜椒	1個
蔥花	適量

配料

材料	份量
蒜泥	1.5湯匙
白胡椒粉	¼茶匙
鹽	1茶匙
糖	3茶匙
米醋	1湯匙
麻油	1茶匙

做法:

金菇切去根部, 其餘部份對切一半


燒滾一鍋水, 下適量鹽


加入金菇, 灼半分鐘, 撈起


馬上浸入一盆冰水上


稍涼後轉入筲箕


取一至兩條乾淨乾毛巾, 分批把金菇榨乾水份, 不要太大力啊. 之後放入雪櫃待用


蔥切成蔥花, 待用


青瓜切去頭尾, 把兩端的白色汁液捽出後沖洗乾淨


青瓜切幼絲, 待用


紫洋蔥切幼絲, 待用


紅甜椒切去蒂, 尾及挖去籽. 其餘部份切幼絲


取一大碗, 先放金菇及青瓜絲, 撈勻


加入紫洋蔥撈勻


加入紅甜椒絲撈勻


加入蒜泥


白胡椒粉


鹽


糖


米醋


及麻油撈勻. 放入雪櫃雪凍即成


臨吃時洒上蔥粒






註: 蔬菜款式任君選擇, 但當中要以金菇的比例為最多 

泰式拍青瓜

 

27-Aug-2013

 

上兩個星期去一家中菜館吃晚飯, 頭盤是拍青瓜, 居然一碟只得幾件, 仲要唔入味.  我仲諗, 青瓜唔係乜嘢貴價菜蔬, 畀得果幾件, 莫非佢係製作工夫繁多, 所以先至俾dd你食?

 

隔左幾日, 見到MOONmoon
post了泰式拍青瓜的食譜, 噢! 原來咁易做.

除了青瓜外, 屋企所有調味料都有, 要開工話咁易.

材料:


調味料: (檸檬葉係我自己加既, 因為上星期買左一包整柚子蝦沙律剩返好多, 唔好嘥, 落兩塊落去)


做法:























調味


完成後放入雪櫃, 間中翻面使調味均勻


加左檸檬葉, 估唔到咁夾味噃


正! 脆卜卜, 自己整又平. 我買一pack青瓜才$8咋