.
每位$15.5, 等上滿人至開車, 大約都等左成10分鐘架. 媽媽問我:"點解唔搭巴士入西貢, 我2蚊車錢咋喎!". 咁我都識得點答佢, 因為實在慣左搭紅van入西貢.
後來入到去西貢, 一落車就走去個巴士總站度睇下有咩車可以出港島區. 原來係無既, 全部車, 唔係去鑽石山, 就係將軍澳又或者黃石碼頭之類.
車程大約35分鐘便入到去西貢巿中心的紅van站. 見到隔離有個牌寫住去銅鑼灣滿心歡喜, 點知原來剩係夜晚同假日先至有班次.
都係大會指定動作, 一定會經過呢條海濱長廊
又順便去個碼頭度睇下d艇仔賣海鮮咁, 都唔係好多艇仔咋, 有開工既都係得好少款式海鮮賣
呢隻遊艇好豪華呀, 為何沒有比堅尼美女在船頭晒身材?
行親海濱長廊都一定會有人問你搭唔搭船去地質公園. 說起來真失禮, 我係未去過地質公園的
洪記可以話雄霸大部份最旺, 最多人流的舖位. 佢地好好生意, 因為日頭都有得飲茶. 至於佢地既海鮮真的很多元化同埋---- 好貴
在這個寫住"海鮮街"的牌坊後面, 其實仲有一列海鮮店架. 不過人係懶既, 所以好多懶行既人都被洪記截晒糊囉
第一間見到的是通記. 兩人餐同洪記一樣都係五佰幾蚊, 洪記好似再貴少少, $568.
之後去到呢間金煇海鮮, 有個好慈祥的伯伯喺度叫我地睇下佢既海鮮
我同伯伯講, 想食瀨尿蝦, 咁佢就遞上呢張單張俾我地睇. 兩人餐才$396. 大概係洪記和通記的7折呀. 伯伯話呢個餐都有瀨尿蝦食, 而佢仲俾我自己喺海鮮池度揀瀨尿蝦添. (
註: 我有問佢地瀨尿蝦既價錢, 最貴都係$182/斤, 但之前問洪記定通記, 要$288/斤)
仲有另一款套餐食, 更平
金煇都好多海鮮架, 仲有海胆添. 伯伯話係生食既, 每隻35, 唔貴喎
不過餐廳陳設就真係好鬼殘舊了, 地下仲好汚糟添! 行到週身汗, 整返枝可樂先, $12枝.
唔知係咪肚餓既關係, 我覺得佢地碟炸花生都幾好食
象拔蚌愈來愈貴呀
先來的是芝士大蝦. 睇賣相都知難食啦. 隻隻蝦都好大, 但係就又凍又無味的. 蝦頭仲要發黑
. 一食入口就知廚房只係烚熟d蝦, 然後放上碟, 再淋d怪味芝士汁上去. 完全d蝦係無芝士味架, 好明顥係分開煮啦
椒鹽瀨尿蝦就好好食又熱辣辣. 伯伯話呢種係馬來西亞來的瀨尿蝦, 我覺得好食過本地的, 因為佢既殼係淋d架, 所以好易搣開
頂! 豉椒炒蟶子又係凍既, 攪邊科呀? 之後同老闆講, 話碟蝦同呢碟子蟶子都係凍既, 佢仲死撐話蟶子殼係凍既, 咁我話有乜理由連肉係炒既都凍先, 仲我, 我話我唔係第一次食蟶子而且上星期才吃完炒蟶子, 都唔係凍既. 我同佢講, 我只係想你同廚房反影一下, 我都無好勞嘈咁同佢講, 個老闆巳經起晒"gong". 唔怪得佢生意咁差啦
初頭話俾條西唔知乜嘢魚我地, 無幾耐又話無, 俾過呢條類似黑"魚立"既魚我地. 我明白咁平一個餐, 點可能俾海魚你食, 一定係養魚, 魚味預左係無乜架嘞, 但都淋多少少豉油丫, 成條魚淡到無命
呢碟炒白菜真係油膩到無朋友, 完全浪費晒本身白菜既香甜. 講真, 碟白菜真係甜到漏, 但係油到我同媽咪要搵水過一過, 先擺得入口.
最後上桌的是海胆炒飯. 我食左一少碗, 唔多覺有海胆味只有海水味, 不過唔想浪費食物, 所以把其餘打包. 呢餐共銀$418 (套餐$396 + 汽水 $12)
呢間金輝海鮮館真係執到錢都唔好去食, 個老闆既熊度都咁樣, 難怪廚房都出唔到好菜. 這是我第一次去海鮮館點套餐, 原來係一個咁差既體驗, 我諗我以後都係叫返散叫穩陣d.在金輝行前幾間舖有間咁特別的荷蘭芝士店, 可惜今天不營業
再轉過灣, 來到這間幸褔保健所, 我們被店前掛滿的有機蔬果吸引住. 圖中, 左手面, 穿著白色衣服的店主很熱情. 她說蔬果大部份都是自己種的, 而她本身是一位中醫. 佢猛咁請我地飲呢樣飲果樣, 飲到飽晒. 媽咪就幫趁佢買左一枝鮮榨百香果汁($40)同埋一包桑寄生+圓肉 ($60), 店主話對成日要用電腦的人好好架, 我諗佢意思係補眼掛.
原來本地都有產百香果(passion fruit), 我都係第一次見. 左下角便是
呢包就係店主自家調配的桑寄生圓肉茶, 入面d紅棗好鬼大粒
跟住行去巿場街
這家賣的衣物都是純綿造的, 摸上手很舒服, 不過價錢不便宜
還有好幾家特式咖啡店
呢間六褔菜館巴之閉. 話說前年同朋友來, 佢地明明有位又話無位, 果時巳經2點, 有乜可能仲有客丫. 覺得自己出左名, 就懶巴閉, 好在他們在openrice的評語都是負評多, 抵死
有個婆婆在行人路上晒咸魚, 不過我唔知呢種係乜嘢魚, 平時見d咸魚都好大條
入來西貢又點可以唔去陳褔榮買
甜豬包食呢?
舊年來的時候, 係廚神K介紹我地食架, 當時我好似只係買左2隻淺嚐
今次就買四隻, 不過就好似無舊年咁好食了, 何解?
我姨甥巳經13歲, 但我媽咪仲當佢係BB, 買豬籠餅($13)俾佢玩.
西貢的家品店一定有這種stainless steel, 下面有wheels的炭燒燒烤爐賣, 我成日都好想買一隻送俾住在美國的細佬, 可惜運費隨時貴過隻爐呀
行到去巿政大樓, 有人喺度派食譜
媽咪見到觀音廟話要入去拜拜
一向好少行呢頭, 原來在觀音廟右手面行入去的橫街, 仲有好多特式店舖架
呢條叫橫街, 旁邊有人咁風趣, 寫左"
窄巷"兩個字襯返
好得意的冰室名字, 呢度d街都是民居, 條條都又橫又直咁, 行左一陣驚唔識行返出來, 所以就回頭了
我要去搵果間舊年買過silicon spatula的廚具店, 想買多枝大既. 路經這家電器店, 見到居然有麵包發酵器賣. 我記得在網友的blog見過, 好似唔駛咁貴個喎.
兜來兜去才搵到
我想買返橙色襯返屋企果枝, 點知無晒. 最近色就係呢隻. 另外買多一把tongs, 兩樣夾埋$92
原來咁又行左粒幾鐘, 有點攰. 於是返回巿場街的咖啡店飲杯嘢, 抖下
媽咪想飲精品咖啡, 但我提醒佢, 黑版上寫住係不會提供奶及糖架, 於是媽咪打退堂鼓
沖咖啡好慢好慢, 等左最少15分鐘, 才送上我的汽水.
我的橙汁汽水($18)
再等多5分鐘才送上媽咪的凍咖啡($30). 不過媽咪話都幾好飲
都係搭返紅van出旺角最方便, 我們在洗衣街落車, 路經此店時有人話幾十年未食過臭豆腐好想回味
咁我就鼓勵佢買啦($8件), 其實我本人係唔食架. 為左陪佢, 我都食左2啖, 不過媽咪嫌唔夠臭喎
