2013年1月2日 星期三

冬季購物節


23-Dec-2012

 


早幾日家姐俾左2張贈券我和媽咪去逛冬季購物節. 記得舊年都有去, 但就冇乜收鑊! 反正要俾入場費的工展會我今年不打算去, 這個免入場費的點都要去八下.



















































23號是展覽的第一天, 我和媽咪一早出左去灣仔的華星冰室吃個茶餐先. 相信好多人都知華星的經營模式很像佐敦的澳洲牛奶公司.  華星我食過好幾次, 雖然它水準不及澳洲牛奶但起碼唔駛過海先丫.
























 
























順帶一提,  筲箕灣的華星冇灣仔果間咁好食.






早餐$30, 唔平架! 我媽咪是澳洲牛奶的超級粉絲, 她最愛那裡的軟綿綿又厚身的多士, 華星的多士一樣咁厚但我硬係覺得澳洲牛奶的好食少少.



食飽就行去會展. 我地先逛購物節的家居潮流展覽館, 因它比較近.


 


一入去就見到Panasonic有個好大好大的攤位. 首先見到好多朋友都有興趣買的Panasonic麵包機. 售價及贈品都和場外一樣, 並無著數. 最攪笑係有一名女顧客問sales, 如果贈送的預拌粉用晒要買邊種麵粉整麵包呢? 果位女sales居然答是低筋麵粉!! 我很多事地搭咀, 應該買高筋麵粉才對呀.




呢個電子高速鍋, 容量好細, 不適合我的大家庭




這個參展商賣的是土耳其設計的多士爐, 係幾型仔架, 不過好大座吓




好想擁有呢個價值八千多元的抽油煙機, 又靜又好抽得, 我屋企個廢機又吵又吸唔到油. 可惜呢部機


太大, 我家廚房容納不了.





另一日本牌子的麵包機, 見佢show出來的麵包好似焗得幾靚. 不過返屋企睇番舊的飲食男女原來曾經介紹過. 據報導, 這機有一個不好(定係奇怪)之處便是攪拌麵糰那枝扙會藏喺個焗好的包入面.





場內有好多賣精品的展商.





狗狗用品



這展商賣的毛公仔摸落去好舒服, 設計又有特式.





這是地毯, 你忍心踩落去嗎?



之後再行去美食館, 真是被人潮嚇親, 家居館雖然都多人, 但好行好多. 美食館直情寸步難移. 唔怪得家居館人流唔算多, 原來人人都先跑去美食節, 香港人真是很愛吃又識食.


你睇多人到, 只見到人頭咋.



品質上乘的和牛. 睇下好了, 超貴呀



串燒羊肉, 好香孜然味, 不過我和媽咪都唔食羊既



這檔賣西班牙風乾火腿的有得試食, 我和媽咪都唔固執輸. 佢地d風乾火腿好抵買.



見到這款風乾火腿居然只賣$100兩包, 立即掃兩包先, 因為超巿特價都要八十幾蚊一包架.



場地實在太迫, 我和媽咪一入到去其實巳經想走, 但都免為其難行了2/3.  人迫人都好難影到相, 所以照片得幾張.


 


回家點算一下戰利品


 


$100/3包的稻庭烏冬





$100/3盒的驅蟲器, 展商是過江龍, 來自星加坡



德國製造西式刀, 好似$380



30cm平底鑊, $529. 送食物盒, 矽膠油掃, 矽膠鑊剷.


3 則留言:

oiwing 提到...

好羡慕你同伯有情同姐妹
[版主回覆01/03/2013 12:00:24]得閒就去試下啦, 由你公司行去克街要十分鐘到. 不過好多人架, 要先在外面食西北風排隊
[oiwing回覆01/02/2013 16:49:34]真係背,原來華星甘出名架咩,一查之下好近我地公司架wor,榅日有機會試試先!

oiwing 提到...

多得你介紹,試左你推介既華星,因爲本人盡忠職守,搭正食晏時間去,超多人,無大智慧有小聰明既我,派左個同事早d鼠出去等位,點知都係要人齊入座。呢期嚴重介口,所以無試人地既鎮店雙寳,只係叫左個普普通通既常餐,水準吾差,但無驚喜。值得一提同最欣賞既,係班哥哥既服務態度,超有耐性同禮貌,同講曬粗口既茶餐廳阿叔有天淵之別,劉華應該去果度拍番個。。。今時今日服務態度
[版主回覆01/15/2013 15:24:19]全中, 華星水準唔差, 但無驚喜囉. 所以只可以幾個月或半年甚至一年才食一次. 雖然華星選擇唔多, 但我鍾意佢夠乾淨, 好多茶餐廳都好嗱渣

oiwing 提到...

都吾記得提,華星都相當吾好坐,我地兩個人去搭坐大台,出面又有成條龍,所以哥哥們都好身手敏捷,二十分鐘就要食完離座,但係d哥哥又鬼死甘好禮貌,好難發難
[版主回覆01/15/2013 17:03:47]間間茶記都咁迫夾架啦