2013年3月8日 星期五

“慢”遊老撾 ~ Day 5



3-Mar-2013 (Sun)


 





Phonsavan



(是日行程: Hmong Village ,
Plain of Jars)




昨天Yang實牙實齒話今朝集合時間是8:00am, 條友果然是確切實行”Lao Time”的人版 有遲冇早! 他大老爺8:30am才駕到.



 

雖然Phonsavan的氣溫明顯比Vang Vieng清涼十幾度, 但起碼昨天天氣還是好好的. 昨晚睡到半夜巳聽到落大雨的聲音, 以為早上會停, 點之落長命雨, 仲要凍到冇命, 好在我有帽, 有披肩, fleece
jacket,
全副裝備披甲上陣.




在前往Hmong Village 途中, Yang把車子停在這條不知名的小巿集, 讓我們拍拍照.



呢條相信由附近村民開的小巿集其實冇乜特別, 都係賣蔬果, 豬肉之類. 






 

咁爛既香蕉邊個會買呢? 後來返回車子時, 我見Yang買了一梳青bb的香蕉, 佢話青bb係巳經食得架啦, 買黎特登請我地食既.






這位在豬肉檔工作的姨姨讓我們一伙人駐足良久





請看看她的厲害






除了姨姨的刀法如神之外, 我們注意到老撾的豬只有肥膏而肉甚少, 應該並無被餵食瘦肉精.  還有原來成隻豬最愛歡迎係個豬頭呀! 我見姨姨咁努力用開山刀砍呀砍, 原因是有個男人幫趁佢買幾個豬頭, 姨姨要把豬頭砍開幾碌才可以裝入膠袋.  豬頭全部都係骨, 唔知可以泡制乜嘢佳餚呢?



 



Yang跟住帶我地去後面一個小型車衣工場睇女仔,  唔怪得佢停喺呢個小巿場啦, 原來佢想目及. 在大馬猛男們逼供之下, Yang表示佢對呢兩個靚女有意思但又唔敢示愛~








取笑完Yang, 我地就再上路前往今天的第一個觀光點, Yang的鄉下 - Hmong Village
(
夢族村
).

這台就是讓我們在大雨天舒舒服服地遊覽的mini van.






守在村口的旺財先迎上來






村內所有房子都是破破爛爛的, 室內沒有照明設備, 相信生活是頗為清貧的



又是撿回來的彈殼.  村民沒有把它變賣換取金錢, 反而用來建成圍牆







村民還是過著與世無爭, 自給自足的生活. 養養豬, 種種菜.



























我問Yang為何豬頭都被木條套著? 佢話係為了防止d著草咁話.






村民還有種下少量的Opium flowers作為醫藥用途. 估唔到Opium
flowers
咁靚仔喎.






這隻被鎖上的馬騮應該是, 因為佢係咁搵嘢掟我….包括粟米芯, 蕉皮及膠水樽! 集中火力掟我, 但唔掟其他男人喎




純樸友善的夢族人生活環境艱苦, 傳統上還是很早結婚還有生很多小孩, 希望政府要教育一下他們birth
control,
否則生計很難改善
.









見到這位年輕靚女在燒垃圾
, 大馬猛男們見機不可失, 除了對準依人狂拍照之外, 仲係咁盤人地. 又問人幾歲, 又問人有冇返學? 難得呢位純情靚女有問有答, 在香港應該是不可能發生的事, 咁樣撩女仔, 幸運的只會招來怒睥的後果, 唔好彩的就會被回敬一句: 關你X事呀!
.











參觀完夢族村, Yang把車子開到這個Tourist Information Centre. 原來每個要進入Plain of Jars的旅客都必須要預先作登記及領取permit.






這個Tourist Information Centre門外同樣放置很多彈殼及生晒锈的舊武器作裝飾






辦好手續, Yang又車我地去另一條小村落.






原來這幾戶人家都是以制作河粉為生的.  樓上住人, 樓下就把河粉晾乾. 不過我和大馬猛男們都覺得有欠衛生.






好了, 之之左左都攪到成12點幾, Yang帶我地去呢度午餐. 佢話前往Plain of Jars途中只有呢度有嘢食






唔駛問呀貴, 又係食湯粉啦.  我饑寒交迫, 好快便下單點了Noodle in
Soup with Beef.  
咪睇個碗咁大, 其實河粉得好少. 這家店的湯底和麵質都不錯, 但牛肉就貫徹始終地煮到十一成熟, 非常難咬
.


今餐終於讓我搶到埋單, 呢兩日都是大馬猛男們照顧我幾餐真不好意思. 呢餐我們6個人包括Yang才花了115,000K.






本來我們的行程是先看Plain of JarsSite 2Site 3然後才折回去較近巿區的Site 1. 但因為天雨路滑, 車子有點跌軚, Yang建議我們不要去Site 2Site 3, 因為路況太差, 很易翻車. 我們也接受他的建議, 倒車前往另一觀光點. 還好我們接受了Yang的建議, 後來我們得知, 原來有另一組的外籍旅客因為堅持要去Site 2Site 3, 結果是落得翻車的下場! 幸好只是皮外傷, 沒有造成生命損失. 有時d外國人真係好鍾意包拗頸的.



 



接著Yang帶了我們來參觀一個破廟.  神明保祐, 當年在美軍的猛烈轟炸下, 整座寺廟雖然巳倒塌, 但佛像依然完好無缺


破廟入場費都要5,000K

 









這裡有一張黑白照片, 展示了佛寺未被炸爛之前的模樣.








3 則留言:

1733 提到...

個豬頭原來係咁硬既。
[版主回覆05/06/2013 14:29:40]我都係第一次見咁生歐歐既豬頭. 果位姨姨既老公最好唔好激親老婆, 否則可以砍開佢幾十碌面不改容.

1733 提到...

你識得諗就話啫,比起有d香港人就唔信,一定要去。
[版主回覆05/06/2013 14:27:23]果日真係落狗X, 大兩到冇輪. 其實司機開車都好小心謹慎, 耐何道路水平太爛, 有幾次都差D跌軚架.
我雖然喜歡到落後地方遊覽, 但點都唔會同"安全", "平安"過唔去, 始終命仔緊要, 我好驚客死異鄉呀.

oiwing 提到...

我都吾係好明D人,去玩都係為左開心者,做乜係都要樂極然後生悲,幾無謂呢!香港人成日怕蝕底既心態,蓋過正常分析能力,多啦確實 - 醒!
[版主回覆05/11/2013 21:24:34]生命好寶貴呀