2013年3月9日 星期六

“慢”遊老撾 ~ Day 6


 


4-Mar-2013 (Mon)



 



Phonsavan -> Sam Neua (原定行車時間8小時)



 



OMG! 今天終於發生了我最不想遇見的拋錨事件



 



今日要搭8:00am的車前往Sam
Neua.
所以6:00am便爬起來梳洗及找地方吃早餐.  昨天大馬猛男因為比我早起床,
所以他們巡視了附近有供應早餐的食店,
並介紹我去位於旅館斜對面的小店吃越式豬腸粉”,
佢地直竪拇指話好食



 



今朝真係好鬼凍, 我諗大約10度左右,
比昨天更冷.  在對面馬路來來回回幾遍才鎖定這間小店是大馬猛男們的推介
.





所有香港人都唔會唔識讀的越南文
- 大家一齊讀: "畢漏洞拉
……."






我包場, 好嘢









小姑娘不會說英文
, 但手指指示意我坐下. 腸粉同香港一樣是即叫即蒸的.






小姑娘在制作腸粉時也很衛生
, 全程戴上膠手套.

 



這碟便是我的早餐. 地道食法是拌以油蔥酥, 新鮮辣椒及魚露. 老實講, 唔係幾好味, 唔夠熱之餘又淡貿貿兼夾冇乜米味, 最好食係拌碟果幾件扎肉. 我覺得都係港式腸粉好食d.




大馬猛男仲推介話咖啡好飲. 點之來到係凍咖啡. , 凍到入心入肺, 好想飲熱嘢呀






越南人同老撾人一樣, 飲咖啡落大量鍊奶, 甜到呢. 有算有冰我都飲唔到, 天氣咁凍, 根本d冰都融唔切, 飲了幾啖便要放棄. 呢餐都唔平, 20,000K.





























Yang本來話今朝會來接我去車站, 點之又係老點, 佢搵左第二個人來接我. 我託佢果張車票都係在我三催四請之下才送來旅館給我. 老撾人的時間觀念真是…..






Phonsavan
有好幾個車站, 但前往Sam Neua就要在這個車站上車, 距離巿中心約4km.






這裡還有車去Vientiane, Vang
Vieng, Luang Prabang, Pakse
以及前往越南.






就是這台爛到不堪的日本制小巴送我們到Sam Neua. 小巴司機在巿內兜了起碼十個地方pick up一些本地人包括貨物, 成條走道都堆滿米呀, 洋蔥呀, 衫呀咁.  差不多9:00am才正式駛離Phonsavan.



 



我坐在司機位後面, 最近車門的第一個的單人坐位. 道車門是關不緊的, 那些吹入來的凍風真是把我對腳都凍到變雪條, 真想死.




大約12:00nn去度呢個小村落, 司機唔識英文, 自顧自落車. 我地估佢係放飯啦, 因為停正响幾間餐廳門口.







幾間餐廳都只係提供湯粉
, 我實在無興趣食, 加上為防止吃下不潔東西引至肚瀉, 我習慣長途旅程是不吃少喝的.




 唔知呢條村係咪叫Soplao Culture Village. 估計這些英文路牌都是外國慈善組織所贈.







我唔食嘢就唯有週圍行
.  這裡沒甚麼看頭, 只有一條小河流, 不算特別靚.








在這條村逗留了一個小時便要繼續餘下漫長的車程.






很不幸地, 在大約5:00pm, 我求神拜佛不要發生的事終於發生了. 爛鬼小巴在一個深山上斜的半路中途死火了.  司機和跟車的女助理馬上去修車. 全體下車, 初時大家都很平靜. 但天愈來愈黑, 氣溫急降, 仲要在深山中沒有街燈照明. 還好我把頭燈及手電放在我的隨身背包, 所以可以筒取出照明. 我實在凍到冇法忍受, 戴上頭燈, 去車尾找出我的大背包, 挖出一條長褲穿上保暖.






當時乘客大約有12, 當中有5個人包括我是外籍人士, 有一對瑞典老夫婦, 一個德國女孩, 一個法國男人和坐在我後面的日本女孩, 其餘全都是本地人. 






還好坐我後面的日本女孩因為在老撾研習編織(寫她的博士論文), 所以她懂得說老撾文, 可以幫我們和司機溝通, 好讓我們知道發生何事及有沒有可能把車子修好. 我真係好怕會凍死喺深山, 我們在那裡stuck2個半小時, 大約只見過2-3台車子經過.



 



司機終於在7:30pm把車修好, 全體拍掌. 之後再開多一小時車才到Sam Neua的車站.








下車後還要轉乘tuk tuk車入巿區, 每位10,000K. 我們(瑞典老夫婦, 德國女孩和法國男子)跟隨日本女孩入住同一旅館. 之後入跟著她的推介去吃晚飯.



 

雖然呢度又係食湯粉, 炒飯同炒麵. 但我點的豬肉炒飯味道都算不錯, 大大碟15,000K.






2 則留言:

1733 提到...

我都試過在旅途中遇上汽車死火。幸好嗰一次是去大陸湖南,係跟團去既。所以無乜野擔心。
[版主回覆05/06/2013 14:36:57]當時真係好鬼驚架, 深山野嶺, 仲要凍到冇命, 幾鬼擔心凍死變雪條又或者遇到山賊.

oiwing 提到...

實在係在家靠父母,出外靠朋友,遠親不如近鄰!係異地一同落難,特別有feel,有無開展情緣?
[版主回覆05/11/2013 21:19:44]無遇到筍盤呀