2013年4月10日 星期三

久違了的BBQ

 

9-Apr-2013

好耐冇BBQ了, 媽媽講左兩年都仲未實行到. 趁呢排天氣未係好熱就攪返次. 今次都算係即興, 急召阿姨同表妹, 好彩佢地兩個都得閒. 加埋外甥女, 家姐的菲傭, 爸媽, 我們七個人 + 一條狗去就近的公園燒烤.

人唔多, 食物就預備果幾款大路嘢. 牛扒, 叉燒, 雞中翼, 雞全翼, 魚肉燒賣, 蜜糖腸, 紅腸, 各式丸丸, 粟米, 蕃薯, 方包. 雖則即興, 但頭果4樣都係自家醃制, 唔係買現成架.



丸丸


腸腸


魚肉燒賣


牛扒


雞全翼



叉燒


雞中翼



午餐肉要來做乜? 陣間開古


我外甥女初頭都好有興緻燒嘢食, 但唔夠半個鐘巳失去耐性


今次BBQ我都有私心, 其實我好想試用果個在老撾買的BBQ+hot pot兩用鍋子. 由於一定要在炭火上使用, 礙於法律, 香港不似老撾那樣容許室內燒炭, 所以只可以趁BBQ時才可以把這鍋子派上用場.

燒完肉類, 我就擺個鍋上去d炭度


這個鍋的結構是這樣的. 中間拱起的部份用來烤肉, 鍋的週圍就注入熱水或高湯, 再放入蔬菜. 滾起就食得, 老撾食法是沾自制沙爹醬, 我都自制左一個老翻的沙爹醬, 扮到似曾曾咁.


其實今日天氣都麻麻, 還好我們到燒烤場是停了雨的. 燒左3個鐘頭左右大家都飽到反肚便執拾歸家. 執執下居然落雨, 好在燒完啫!


5 則留言:

ling ling - O尾豬 提到...

真係好心機, 我對BBQ真係零耐力, 最多只可以燒兩條腸仔填肚.
[版主回覆05/02/2013 19:06:27]我燒俾你食啦咁

1733 提到...

我都係喜歡自家醃制既燒烤食品架。
[1733回覆05/06/2013 20:45:07]你好似係度講緊有D人咁喎?
[版主回覆05/06/2013 14:46:22]自己醃衛生好多.
學我阿姨話齋. 一班人去燒嘢食, 個個都話唔願醃, 要去買玩成既醃肉. 到有人拎左自家醃既肉去燒烤, 又會第一時間被人搶晒去燒. 你話D人係咪懶呢?

1733 提到...

魚肉燒賣都可以燒?
[版主回覆05/06/2013 14:39:01]幾年前在朋友家燒烤, 她教我的. 用魚肉燒賣燒都好好食架, 塊皮會燒到脆卜卜. 勁受細路仔歡迎.

1733 提到...

你無講你個老撾燒掂唔掂喎?
同埋件午餐肉又要黎攪邊科呀?
[版主回覆05/06/2013 14:42:48]老撾燒我覺得掂喎, 雖然我有用現成沙爹醬整沾醬, 但就唔夠老撾果邊整得好食. 午餐肉用要黎燒既, 我阿姨鍾意食午餐肉, 但午餐肉肉質不能用叉叉住來燒, 咁擺喺個鍋度燒咪唔會散囉.

silvia 提到...

魚肉燒賣仔好得意喎,邊度有得賣?
[silvia回覆05/09/2013 01:37:10]好少見d魚肉燒賣咁圓,魚肉咁脹。
[版主回覆05/08/2013 17:44:27]魚肉燒賣仔超巿或凍肉舖都可以買到. 牌子有好多, 不過我覺得陳記係最好食既, 起碼有少少魚味.