爆鬆軟 ~ 牛奶土司

 

19-Jan-2013

 

雖然我好鍾意睇台灣烘焙達人的blog, 但有好幾位本地blogger我都十分欣賞, 其中一個便是Reko. 她的包包和各式點心都做得好靚, 讓人食指大動. 最近她還出了一本甜書, 雖然出版社讓她很不滿, 但我仍然決定買她的書, 我驚佢以後都唔出書, 所以點都要買本支持下.

 

她的blog內有好多麵包食譜, 今次試她激讚的牛奶吐司食譜.

不過我把做法改為中種法.

 

中種: 前一晚先做好中種, 室溫中放2小時後轉入雪櫃冷藏.

主麵糰材料:

主麵糰做法：

 

主麵糰材料混合(無鹽牛油後下)搓至光滑不沾手

室溫中發了2小時

分割等份及滾圓, 擀卷兩次後入模

發至9分滿 (約2個半小時)

放入巳預熱200度焗爐, 開風, 焗24分鐘出爐.

 

我見Reko用日本模整得d包咁靚, 於是搭同事幫我去日本買個吐司模. 呢個模今次是第三次用, 每次也有塗油. 除了第一次用沒有”黏殼”的情況之外, 第二同第三次都黏到媽都唔認得. 要夾硬用小刀”筒”入去個邊度”了”個, 戰鬥左半小時才能夠把個包dun出黎. 咁做法, 個包邊會靚仔架, 直情毁容呀. 有冇人可以指點我迷津呢? 
 

好辛苦dun到個包出黎便去搵周公因為巳經夜深啦. 呢張相係第二朝起身影的. 個頂又巢晒, 每一邊都因為黏模而唔平滑, 醜爆!

撇開外表, 個包又真係好鬆軟好食, 難怪包神Reko激推.  俾左一半家姐, 佢食完whatsapp我都盛讚呢個牛奶吐好好食. 下次用番我個古董三能模再整.