迷你紅豆冰

16-June-2013

整蜜紅豆豆乳奶凍剩番少少蜜紅豆, 整多次奶凍又唔夠, 最好用來整杯紅豆冰慢慢嘆.

 

紅豆冰好味又飽肚, 以前細個唔識嘢, 唔知道紅豆冰原來好高卡路里. 自從知道左紅豆冰是瘦身大敵之後都唔敢飲咁多, 但係就戒唔甩.  

 

Weekend通常唔食lunch, 磨到2點幾先落屋企樓下商場間大X活食茶餐(平d嘛!), 多數會點紅豆冰併燒雞脾餐. 廿幾蚊一set, 好夠飽. 不過我次次都要吩咐收銀員落單少冰多豆. 你唔提出就蝕桌, 因為你會發覺d紅豆可以數得出幾多粒.



我知道街外吃紅豆冰是落花奶的, 屋企有存貨, 不過我唔想為了一千零一杯杯紅豆冰而特登去開罐大花奶, 剩係我又要傷腦筋用佢黎整乜. 所以就隨手用雪櫃有的脫脂奶同淡忌廉代替.

材料

材料
 (一人份量, 很隨意的)

材料	份量
蜜紅豆連湯汁	100克
淡忌廉	10克
脫脂奶	120克
清水	40克
冰粒	8粒