2013年6月23日 星期日

石油氣奶凍.........(榴槤奶凍)



  

22-June-2013





小孩子的時候很討厭榴槤的味道, 總覺得味道像極在漏石油氣. 所以媽咪鍾意食都唔敢買返屋企放响雪櫃, 佢只可以姨媽屋企食咋好可憐.



 



至於幾時開始懂得欣賞榴槤, 其實都唔係好耐之前, 我諗…..唔夠10 早年減肥減到身體壞晒, 成日面青口唇白, 媽咪就哄說: 槤很補身的, 對體強弱女性尤其好, 古人有勻<一隻榴槤三隻雞>, 可想而知補益效果有幾大. 咁當時又未興google, wiki呀呢d, 自己又想身體好些, 便聽從母親大人吩咐.



 



初初中毒”時只可以吞一小件, 慢慢毒癮漸深, 可以一口氣鯨吞三大件添呢.



 



而家一到夏天就心思思想買榴槤來吃. 當季的時候大約都會吃兩至三次, 唔敢咁瘋狂, 始終糖份很高, 多吃增磅.




有時媽咪買了好大一個, 吃不完的話我會拿來做甜品, 不過媽咪就話唔食榴槤的副製品. 咁我就話"芒果布甸你又食?", 有人無言.......











到惠康的泰國榴槤做特價, $6.5/磅, 我買呢個重7.34lb, 即係$47.69 (街巿都唔只賣呢個價). 於是求其揀左個. 拎到返屋企, 媽咪仲話我個榴槤應該冇乜肉. 點知到佢幫我開果陣時, 發覺個榴槤很薄殼, 入面仲有好多舊肉, 絕對係估佢唔到, 媽咪仲讚我叻女, 識揀添!!! 又俾我牙擦番次.





明代醫藥學家李時珍所著的<<本草綱目>>中有指榴槤: "可供藥用, 味甘溫, 無毒, 主治暴痢和心腹冷氣".  而現代的營養師則認為榴彈脂肪含量高, 但其實每100克中只有約1茶匙油, 還要是有益身體的不飽和脂肪. 另外, 其纖維含量每100克也有3.8克.  

這些數據看來也不是太恐怖啫, 只要唔好誇張到成個榴槤咁啪, 應該不會是導致閣下心臟病的元兇.






沒有留言: