多啦V夢的玩樂日誌: 悠遊澳門(怒食記) ~ 2012

顯示具有 悠遊澳門(怒食記) ~ 2012 標籤的文章。顯示所有文章

2012年12月13日星期四

怒食澳門 ~ Day 2…..Part 3

月25日 (星期四)

離開路環, 搭巴士向下一目的地氹仔前進. 來氹仔是為了去飲食男女雜誌介紹的大昌超巿買葡式食材和用具. 一落車我們先把之前買的葡撻就地正法, 仲暖暖地.

掛住食唔記得影相, 我在大昌買了一個很kawaii的陶製鍋子(MOP65), 就像在里斯本地帶餐廳吃那個燴海鮮飯的鍋子.

我的陶鍋係咪好靚仔呢? 呢個size係最細的, 還有中及大. 不過真係好巨型, 唔知邊個會買. S小姐買了4隻陶碟, 花紋和我一樣, 都好靚架.

經過我地呢班格價專家視察過之後, 認為呢間超巿的價錢都唔平.

大昌食品巿場

地址: 氹仔拉哥斯街37號

接著來到今個trip最後一個行程. 就是鄭家大屋. 澳門的保育功夫做得比香港好百倍. 我舊年來過一次鄭家大屋, 覺得十分值得遊覽和讓更多香港來的遊客認識這個澳門政府花了數年時間翻新的心血. 當然最正係免費入場啦.

鄭家大屋

地址: 龍左頭巷10號

話咁快又5點幾鐘了, 大家都攰攰地, 去找地方吃晚飯兼休息下. S小姐提議去陶陶居吃雞煲翅, 一行人行去碰碰運氣問下有冇位. 可能時間尚早, 有位喎!

香芋砵仔鵝(MOP118). 芋頭好粉好淋, 鵝肉冇乜, 大部份是鵝翼和腳趾.

古法雞煲翅(MOP660). 濶別多年都冇失水準. 啖湯依然濃郁芬芳, 齒夾留香

金錢蟹盒(MOP60), 只有舊式酒家才願意供應

香煎馬友蒸豚肉腩 (MOP78), 我唔鍾意食咸魚, 所以冇乜點夾

贈送的水果盤, 西瓜好甜呀

還有唔記得影相的翅湯煲淋津白(MOP78), 白飯一個(MOP8). 這頓飯吃了MOP1160.

陶陶居

地址: 新馬路爐石塘巷6-8號地下

6:45pm就埋單, 跟住行去牛記買外賣. 前一晚去新龍記吃的蟹皇撈麵真把鬼, 牛記的好食多了. 只有K小姐和我買外賣, 牛記成為米芝蓮推介之後更好生意, 我地等左超過十分鐘外賣才到手. 讓美人C和S小姐枯等我們真不好意思.

牛記咖喱美食

地址: 新馬路十月初五街1號

買完外賣又係等左好耐都冇的士, 唯有搵巴士搭, 返回酒店取回行李. 之後便經歷難忘走難般的情節 (crying) .

我們拓著沉重的行李, 足足截車超過20分鐘才截到的士, 各人東奔西跑, 真係攰到無命. 到上左車, 駛至一條天橋上, 前面架寶馬突然死火. 寶馬司機著坐在副駕坐的女乘客向我們的的士司機求助. 但我地個司機都幾衰 (devil) , 完全唔想幫拖. 個女仔求多一次我地個司機都是無功而回. 而我地就急得如鍋上馬蟻, 明明大把時間去搭船, 而家攪到一額汗. 好彩! 老天爺保佑, 擾攘了10分鐘, 前面架寶馬終於可以行得番 (party) . 差點以為要買過四張回程船票.

我買了兩盒(外賣價MOP27一盒)回港, 打算和爸媽宵夜. 點知老爸話唔食, 咁我唯有同剛跳完舞回家, 很肚餓的媽媽一人食一盒.

牛記的蟹皇撈麵比新龍記便宜, 蟹皇又多d香d, 唔明新龍記攪乜東東. 不過外賣明顯冇咁好食, 蟹皇的獨有香味消失不特止, 食到個底油淋淋. 都係現場吃好味好多.

2012年12月12日星期三

怒食澳門 ~ Day 2…..Part 2

10月25日 (星期四)

嘆完茶11am, 回酒店收拾行裝, check-out. 跟住我地要過搭巴士過路環去睇熊貓.

大熊貓館位於石排灣郊野公園內

沿路有不少巨型熊貓擺設

先去售票處買入場門票, 成人每位MOP10.

我一早預左睇12:00nn果一場, 睇完時間剛剛好可以入路環巿區吃午餐.

取過門票便進入長期冷氣開放的熊貓館. 一隻叫開開, 另一隻叫心心. 他們各自住在自己的地頭.

兩隻熊貓都在睡覺, 要zoom到好埋才見到. 睇左資料但唔係太記得它們的性別. 好似開開是公, 心心是母來的

熊貓的居住環境仲好過我地人類

兩隻熊貓寶寶一直動也不動讓我們好失望, 逗留了20分鐘便離開熊貓館. 其實石排灣郊野公園佔地很廣, 內裡有很多遊樂設施的. 除了鋒頭勁大的熊貓外, 還有很多品程的獼猴類讓遊人觀賞

跟住入去熊貓禮品館買了少少手信給姨甥女

大熊貓館

地址: 路環石排灣郊野公園內

下一站是入路環巿區去醫肚了. 找了好一會兒才找到里斯本地帶, 原來就在安德魯餅店後面, 正死蠢!

澳門地方小小美食多多. 來澳門短短兩天當然要吃盡不同菜式, 來澳門唔食番餐葡菜咁來澳門做乜?

里斯本地帶在網絡上名氣甚高, 我相信不是做做媒, 因為有好多沒利益輸送關係的bloggers都讚, 所以我才決定這裡是必到的.

在香港時巳抄起bloggers推介的美食, 所以好快便完成點餐動作. 先送上的是一籃香脆熱辣辣的農夫包

仲有揀手靚橄欖. 我本身不太好橄欖, 以往食親都係咸到苦, 味道似腐屍居多. 這裡的果然是”寧舍不同”(請以普通話唸出). 綠色的尤其好吃, 黑色的也不賴啊!

呢兩日澳門好鬼熱, 要飲凍嘢消暑. 我們都點了葡國菠蘿汁(MOP20). 菠蘿味不太濃, Ok! 都係烏茲別克的果汁好味.

炸馬介休球(MOP77). 次次食葡餐一定會叫. 入面有好多馬介休絲, 炸得啱啱好, 又唔油淋淋, 正到痺

差唔多枱枱都點的蒜茸炒蜆(MOP99). 蜆肉鮮味冇沙, 我地連汁都唔放過.

非洲雞(MOP129)有一碟類似Spanish Omelette的配菜一併送上. 非洲雞又油又嚡, 失敗! 反而配菜頂呱呱

望穿秋水, 主角終於出場. 登登登凳……..就是葡式海鮮燴飯了(MOP320). 咪睇呢個鍋, 鍋仔細細, 其實深不見底. 我地四個食極都食唔完. 還有, 呢個鍋非常保溫, 上桌半小時後仍然熨咀.

海鮮湯的鮮味我都唔識用文字來形容. 當然有人不喜歡這麼濕的飯, 但地道正宗的葡式吃法就是這樣呀.

呢餐埋單MOP710.

里斯本地帶餐廳

地址: 路環巿區水鴨街8號

食飽又是到附近漁村散步的時候, 我們各人也很享受路環的寧靜和諧, 感覺就是過往讓我們愛到死, 充滿小島風情的澳門.

今次冇買咸魚海味了. 我不懂得挑海味, 都依賴S小姐做QC. 她下廚次數多過我地食飯, 對很多食材的品質和取價是否公道都很了解, 我們當然聽她的.

行完漁村就到下一個大會指定動作 -> 去安德買葡撻. 難度: 0. 澳門買葡撻要MOP8個, 重貴過香港的KFC.

而家梗係食唔落啦, 買左諗住在路途中吃的.

安德魯餅店

地址: 路環撻沙街1號

怒食澳門 ~ Day 2…..Part 1

10月25日 (星期四)

澳門的粥品一向口碑甚佳, 以往最愛到三元吃金銀丸粥(即豬肉牛肉丸粥), 今次本來都想去三元吃早餐, 但爬文時見富記在網上的評語很不錯, 最後忍著淚和三元說goodbye!

富記還有另一優點 (thumbs up) , 就是位置就腳, 在我們酒店附近, 腳程只是5分鐘而巳. 富記非常好生意, 只開早上, 所以想食趁早.

除白粥(即米王)外, 基本上所有粥同價.

雙拼都唔夠喉要加料? 又得啫! 老店很均真, 巳把價錢表列出來.

老友等食ing.

我點的豬膶肉丸粥. 粥底綿香富米味(這點好過三元, 三元的粥底就是太稀似粥水). 豬膶真係好得, 新鮮唔在講, 仲要好嫩又冇內臟味. 肉丸不似是手打, 粉下得較重手, 三元好食d.

油炸鬼唔知幾錢, 叫了一碟大家share, 份量約有一條. 可能炸起一段時間, 巳經唔夠脆身了.

富記粥品

地址: 高士德大馬路83號D (只有上午營業)

我是咖啡奶茶精, 朝早一定要嘆番杯coffee or tea. 本來我編排了2頓早餐, 食完富記過對面馬路的桃花崗的咖啡明飲杯藥煲咖啡食個奶油脆豬. 點知眼前巳變成了地盤, 唯有離開. 澳門發展一日千里, 老店關門是意料中事.

冇得飲咖啡就穿過巷仔行去紅街巿八下行情啦. 又會咁奇既? 晶記餅家只是在咖啡明隔壁, 但晶記這家老舖仍存在喎! 都好, 順道買埋手信. 圖中的男子便是晶記的老闆, 他待客非常有禮, 面上常掛笑容, 最like是他大方請客人品嚐他的餅食. 取價比享付盛名的”咀X園”和”具記”公道添. 晶記還有另一更大的分店在附近.