“慢”遊老撾 ~ Day 2

 

28-Feb-2013 (Thu)

 

Nong Khai -> Vientiane
-> Vang Vieng

 

上文提到有一位略懂英語的泰國先生幫我解話, 他真細心, 原來他的目的地是Udon
Thani, 會比我先下車. 可能他擔心我人生路不熟又不會泰語, 他在車子上找到了一位很斯文的泰國先生協助我, 因為這位泰國先生懂得英語又同樣在Nong
Khai下車.

 

我真是出路遇貴人, 其實我個心都有點慌架, 成車都係泰國人, 擔心落左車都唔知點問路!

就是這位斯文的泰國先生, 他的名字是Alex,
是一位auditor.
此行目的是前往永珍做audit.
心裡暗地高興,
因為有人可以陪我過關嘛.

巴士約7:00am抵達Nong
Khai Bus Station.  我睇過Hobomaps (容後介紹),
知道前往永珍的巴士站位於另一個地方,
早巳預了要轉車前往.
點知原來在呢個車站就可以搭Thai-Lao
International Bus直接前往永珍, 真是省時省力.

 

我們還趕得上7:30am果班車,  不過只有站立的位. 還好有Alex協助我買車票,
否則跟那裡的售票員真是雞同鴨講的.
前文提到坐在巴士樓下的外國人可能在Udon
Thani巳下車, 環顧整個車站都只有我一個外國人.

 

車票寫55B, 但其實巳加價至60B.

 

這輛就是直接送乘客過泰國及老撾海關的Thai-Lao International Bus, 外表ok, 但車廂內就殘到爆

 

 

此巴士的終點站是永珍的早巿汽車站 (Talat Sao Bus Station又稱Vientiane
Capital Bus Station)

未下巴士時我告訴Alex, 我到達永珍後會找車直接進Vang Vieng. 
他跟我說知道Udon
Thani每朝有一班巴士直接送客人到Vang Vieng, 不過發車時間他就不清楚了.  咁我邊敢博, 一陣間班車巳經走左咁就慘了.

原來呢班巴士都會停一停在Nong
Khai Bus Station接客, 時間是10:00am.
咁而家先至7:00am,
冇理由喺度等3個鐘架.
喺呢度去永珍早巿汽車站才一個小時吧.
於是都係決定先去到永珍才再轉車往Vang Vieng.

司機點齊人便開車, 大約7:45am便去到泰國邊境.
乘客下車後會在此辦理出境手續.
司機會把車泊在附近,
所有乘客完成出境手續後便上回車子,
司機會再次點人頭.  我則不需要填甚麼form, 把在飛機上填好的departure
form交給關員便行了. 泰國過關很快而且關員很efficient.

返回巴士上, 駛過泰老友誼大橋便是老撾的海關

老撾呢邊的海關就明顯比較混亂, 我見人人都在填入境咭, 但又唔知邊度有. 好彩後來都搵到張.  呢度的海關辦事效率超慢, 唯一讓我意外的是關員冇問我攞錢, 因我知道呢邊收賄好嚴重. 攪左成半小時至攪掂.

OMG!!! 原來Alex的護照有效期少於6個月.
老撾的海關拒絕他入境,
只好在此跟他握手道別.
唉!
都唔知佢點樣返轉頭.

這棟建築物便是老撾關口. 我見仲有咁多人未上返車便同司機講要去兌老幣. 出發前巳從網上得知, 在這個關口兌錢很划算.  事實的確如此.
 

望望手錶是8:30am, 銀行剛開門. 我在關口右手邊的BECL銀行兌老幣. US$1:Kip7,872, 我先兌US$400. 是整個旅程最高的了. 

巴士約9:25am到Vientiane Capital Bus Station, 一停車, 那些mini van司機會蜂湧而至招客, 口中不段唸著Vang Vieng, Vang Vieng.

我本打算乘搭local bus前往Vang
Vieng的. 
出發前巳查了發車時間是7:00am, 9:30am及1:00pm,
車資40,000K.  問其中一個招客的mini van司機去Vang
Vieng多少錢? 他居然說100,000K.
我反價60,000K(其實我知呢個係公價).
咁司機答應,
佢又肯幫我揹行,
咁就廢事煩,
搭mini
van吧. 去到該台mini
van, 原來巳有4個外國人在車內.
捽之等左成半粒鐘,
個司機再招多7個日本女仔才願意開車.

 

之後我見開車的是第二位司機. 他在永珍->Vang
Vieng的三個小時車程裡, 一共停了3次車,
唔係食嘢就係吹水.
不過抖抖都好,
起碼可以上洗手間.

 

約1:20 pm終於到達Vang
Vieng. 司機隨便停在一處便要所有乘客下車. 我問佢呢度係邊度?
佢話係巿中心喎!
好彩我有print到hobomaps,
否則真係唔知自己身在何方.

 

個太陽真係毒辣, 成世人未試過咁熱,
感覺內臟正在煮滾中,
仲要揹住個十幾公斤重的大背包去搵地方落腳.  我行幾步便要停一停, 如是者,
花了超過十幾分鐘才找到網友推介的Domon
Guesthouse.

老板娘話普通房爆了, 只剩海景房.
130,000K一晚. 講價後250,000K兩晚.
其實不便宜,
但我巳差不多中暑虛脫,
唔想再行了.
好在房間有兩枝凍水送,
立即乾了一枝.

昨晚睡在巴士上雖不算很辛苦, 但也睡得不好,
因為冷氣超凍,
還好我早有兩手準備 – fleece jacket, shawl及帽子全披在身上.
另外半路中途上了一個怪婆婆坐在我旁邊,
她的怪行為及郁身郁勢都令我瞓得唔好.  在旅館房間休息到接近5:00pm便出外走走.

 在旅館不遠處的Wat That

見入面靜英英都唔係好敢行入去

都係行去大街穩陣d.  Luang Prabang Street算是Vang
Vieng的主街, 這條街有很多餐廳.  在老撾, 遊客都流行租單車或電單車代步,
這種像高卡車的車子我只在Vang
Vieng見過一次. 其實老撾咁鬼大塵,
坐呢種車真係食塵都食飽.

在一家韓式餐廳門外綁著一隻猴子, 可能失去自由,
見佢唔係幾好老皮咁.

行行吓, 去到旅客服務中心, 可惜巳關門了.

服務時間如下. 即是一日只服務遊客6小時

漫無目的地行, 行到去舊機場跑道的空地上見到有很多小販賣食物,
不過全部都有烏蠅褸,
我唔敢食.

見到呢檔燒豬肉幾有特式. 個爐會自動旋轉架,
好鬼馬.
買了一客來吃,
15,000K. 不算便宜但幾好食, 塊皮好脆.

 

天色漸暗, 決定打道回府.  回程時在這攤子買了mango fruit shake來喝,
5,000K一杯. 十分好飲.  在整個老撾旅程當中, 最好喝的mango
fruit shake是在Vang Vieng. 我到而家都好懷念.

“慢”遊老撾 ~ Day 1

27-Feb-2013 (Wed)

 

 

出發lu 
~~ ~

 

航班是下午1:25pm, 所以今天唔似平時去旅行咁早早便要爬起床.  10:25am順利登上機場巴士, 不用1小時便到達機場二號客運大樓了. 我都係第一次去二號客運大樓check-in.  泰航的櫃位也沒有很多人排隊, 所以好快又攪掂check-in手續.

仲有成個幾兩個鐘頭, 梗係入lounge休息下, 攞枝水飲飲.  雖然我覺得香港的airport lounge食物水平連Manila個機場也比不上, 但係唔駛俾錢就唔好咁多聲氣了.

抖夠就施施然登機去

今次是第二次坐A380型的機種.
上次去烏茲別克,
香港去首爾果一程又是坐A380,
但座位辛苦到死.
不過泰航的同類型飛機又舒服好多喎,
真奇怪.

 

飛機準時起飛, 起飛不久,
空中小姐便派發入境咭.
我這頭豬炳,
居然只係填左departure果一面,
完全無諗過應該先填arrival果一面.
去到曼谷機場,
過移民局時才知自己咁大懞.

泰航的飛機餐賣相不錯. 我點了燴牛肉,
不過咸到飛起,
我只吃了少許便收手.
右手面的沙律,
上面有幾隻蝦仔架.
至於個甜品,
類似egg
custard pudding但就好大陣粉味同好甜, 食左一啖就放棄.

泰航幾週到, 前面椅背的monitor唔單止可以睇電影,
仲有一些有用的交通資訊給旅客參考.

去曼谷的機程真係好快, 食完午餐冇幾耐又話落機了.

曼谷Suvarnabhumi Airport的冷氣超級弱,
在等候過移民局果20分鐘,
汗巳是流過不停.

  

攞完行李就要兌泰幣. 出發前幾日在香港都有上網check住百年找換店的價.  明明記得果幾日都係3.79, 點之到左曼谷機場,
幾間銀行的滙率都超差,
只有3.47!
真搶錢,
早知在香港果時就兌定.

 

雖然條氣唔順但我必須要兌錢, 結果兌左HK$1,000的泰幣,
因為要買Bangkok
-> Nong Khai的夜車車票, 同埋食嘢都要當地貨幣啦.

當初我在編排行程時, 本是想搭在曼谷Hualamphong Train Station開出的sleeping
train前往Nong Khai(搭火車一定舒服過搭巴士啦,
係咪?),
可惜Thai Railways不知何故取消了網上訂票服務.
這決定讓所有外國旅客都非常之不便.
為了不想拓住石咁重的背包去到火車站才知沒床位,
要是樣衰起上來連續幾日都冇位就大鑊了,
於是改變主意轉為搭巴士進入永珍吧. 

  

其實怎樣從曼谷機場以陸路方式進入永珍我都是博一舖.  我知道曼谷Mochit Station有巴士直接前往永珍,
我亦都知道背包客樂園Khao
San Road那裡的旅行社有直接前往永珍的巴士車票賣, 但我就是固執不想離開曼谷機場.
我查過曼谷機場的網頁,
他們的Public
Transportation Centre是有車開往Nong Khai的,
不過網上那份leaflet巳是2010年印制,
都唔知有幾堅.
唉!
去到至算啦.

問了在Arrival Hall的Tourist
Information Desk怎樣去Public Transportation Centre. 她指示我前往出口4,
再步行往50米便有shuttle
bus station前往Public Transportation Centre.

這便是shuttle bus候車處,
其實有好多條線來回機場及Public
Transportation Centre的, 包括A,
B, C, D & Express Route.不過我睇極唔明大家之間的分別,
但似乎停此站的shuttle
bus都會把客人送到去Public Transportation Centre.

原來由機場去Public Transportation Centre都要坐成10分鐘車程架,
曼谷真係大. 

所有乘客都會在Public Transportation Centre下車,
其實這裡是個客運中轉站,
我見到呢度有巴士前往Pattaya和一些我不認識的其他地方.  很快找到營運前往Nong Khai的巴士公司服務處.

 

售票員懂英員, 外國乘客必須出示護照才可購票.
但價錢和本地人一樣都是495B,
沒有收外國人貴些.

 

車票會打印出乘客的名字及護照號碼以及預先編排座位.

發車時間是9:00pm, 無理由在這裡餵蚊幾粒鐘,
還是坐shuttle
bus返回機場 Passenger Terminal享受微弱的冷氣好過.
 回程時,
shuttle bus會停在4樓Departure
Hall的Exit 6前面那個候車處.
同樣,
乘客可以從此站上車前往Public
Transportation Centre.

遊蕩時見到這間銀行的兌換利率抵些, 是3.48呀…

蕩到咁上下便要開餐. 食店主要集中在機場二樓,
巡視一遍之後,
發覺泰國機場的消費並不便宜.

這家較多人幫趁, 就選呢間




點了梳打水及

Pad Thai. 嘩! 這碟Pad
Thai可算是全宇宙最難食的了.  送來時我見伴碟的蔥和香茅巳發黑和變乾.  碟粉起碼落了一斤糖去炒而且奇韌無比,
我食一啖粉要飲一啖水.
最後堅持吃掉了1/3便無法下咽了.

請認住這間垃圾餐廳! 這一餐花了約HK$57.6.

大約7:30pm我便再次搭shuttle
bus回到Public Transportation Centre指定地方等上車.

巴士約9:05pm來到,
我見巴士下層巳坐了數個外藉人士心生奇怪,
似乎Public
Transportation Centre之前還有一個站.

 

司機會下車幫忙乘客搬行李上行李艙. 我把我的車票遞給司機,
他嘰嘰呱呱一輪不讓我上車我覺得好奇怪,
我又聽不懂泰文.
我的車票明明就和別的乘客一樣.
還好有一個同是搭這班車的泰國人,
他略懂英語.
他幫我解釋了一下我便上了巴士, 我被編排坐上層.

 

上車時實在太混亂, 我也沒有為這台巴士拍照.
車子在午夜12:00am停在某休息處約20分鐘,
讓乘客去洗手間及吃點東西.

"慢"遊老撾 (準備篇)

 

離開工作崗位後便好想找一處地方讓我細意漫遊. 半年前的烏茲別克之旅使我喜歡上了前往比香港落後或貧窮的地方遊歷, 當中的刺激讓我留下非常深刻的印象.  很快便下定決心要去老撾, 因為這國家是我由2008年起便很想找機會旅遊的地方.

事緣當年有女同事跟朋友前往該國旅遊, 回來後和一眾好友分享照片時, 令我對老撾這個神秘國度充滿好奇. 可惜, 當年老撾的旅遊資訊非常貧乏, 好記得那時看到一側讓我郤步的遊記是當地的車況和路況皆甚差, 車子常常會在路途中死火或陷於泥濘中動彈不得.  事隔6年, 我估計這樣駭人的狀況會有改善.

 

醒起前年在書局見到周榕榕的著作便立即買下並且很快便閱畢整本書. 可惜之後無論我怎樣在寫字樓的櫃子及家中的書櫃進行地毯式搜索也無法把它找出來, 真是有鬼!  唯有死死地氣去圖書館租借.

一口氣租了四本書, 順利找到周榕榕的”沒$都要去老撾”. 出版日期是2011年.

香港巿面上暫時最detailed的非Lonely Planet莫屬, 不過最新版也巳經是2010年出版的了.

見到呢本關於整個東南亞的中文版Lonely Planet都照殺, 因我見入面有包含老撾. 不過年代更久遠, 好像是2006年出版. 翻譯本閱讀起來怪怪的, 而且資料勁過時.


這本2008年由藏羚羊出版社出版的寫得非常沉悶, 唔知點解睇極都唔入腦.


晒冷

雖然巳租了四本書, 但我仍沒有放棄尋找最update的旅遊書籍. 皇天不負有心人, 臨出發前約三星期, 我在旺角的樓上書店找到這本最新出版的旅遊書”寮國玩全祕笈”.  出版日期是2012年10月, 作者張桂樺是一位台灣女生.

 

最後伴我闖蕩老撾便是這本書和英文版的Lonely Planet
 

我這個三心兩意的格價專員為了檢便宜貨, 拖到2月18日才買機票(我是2月27日出發的啊!) 睇來睇去都是發覺上泰航自己個網站買機票最抵, 而且它的航班時間較適合自己的行程.

為了真正體驗當一個backpacker, 我完全不考慮在老撾國內搭乘內陸機, even入境, 我也是選取陸路, 從泰國Nong Khoi進入老撾的首都Vientiane(永珍).

 

買了機票便著手攪入境簽證.  其實在老撾有幾個關口辦落地證都很方便, 但我個人但為穩陣及害怕到時申請落地證的人龍太長, 還是在港先辦理較安心.

老撾領事館位於上環這棟大廈內

老撾領事館只有兩個職員, 俱是老撾人.  申請方法很簡單, 只需預備一張2吋passport
size photo和HK$250便可. 申請表格可在領事館內索取.

遞交巳填妥表格, 近照及費用後, 職員會發給你一張綠色的手寫收條, 取證時間是三天後. 我是2月20日申請, 22日便可以回去領取了.

有效日期是簽證發出後兩個月內必須完成旅程, 持證人士可逗留在老撾一個月.

老撾駐港領事館

地址: 香港皇后大道西2至12號聯發商業中心1402室

電話: 25441186

辦公時間: 9:00am-12:00nn and
1:30pm-5:00pm