“慢”遊老撾 ~ Day 4

2-Mar-2013 (Sat)

 

Vang Vieng -> Phonsavan

我又出路遇貴人唷 ~ ~

 

昨晚堅持不再吞安眠藥, 只戴上耳塞 – 結果整晚眼光光到天光,
我是一個有少少聲音和光線也不能安睡的人.
在這樣強勁的背景音樂下我又點瞓得著呢?  如果唔係我死蠢, 一次過俾晒兩晚租金,
我真係唔會喺度住第二晚,
雖則露台外風光不錯.

早早起床梳洗及執拾背包. 整理好後才發覺沒有為這間巳入住兩天的房間拍照留念.
我這間其實是4人冷氣房,
故此老板娘只肯減少少錢租俾我.

浴室的裝潢就比較求其啦, 唔明點解個熱水器要掛到咁高, 對我這類六呎爭十一吋的"高人"太不方便了.

8:15am離開旅館, 前往旅行社Malany
Transport集合. 旅行社對面有3檔賣pancake, sandwiches的. 我隨意幫趁一檔, 買了個芝士洋蔥蕃茄pancake,
10,000K.

老板娘制作很認真, 每一份都花超過5分鐘. 不過我見佢又落油又落牛油好肥膩咁. 我結果都只係食左一半咋, 味道是不能算好食的, 但求充饑吧.

我以為mini van會直接在旅行社門外pick up我, 點之到來的是一台Tuk Tuk車, 仲要遲到, 差不多9am才來旅行社接人. 雖然有成班人喺呢度等車, 但原來只得我一個去Phonsavan, 其餘都係去Vientiane或Luang
Prabang.

Tuk tuk車司機一見我就塞左呢張車票存根俾我

 

Tuk Tuk車內巳坐了一個外國男士和四位華人. 他們見我拎住兩個咁重背包咁論盡便伸出友誼之手, 協助我上車. 坐過Tuk Tuk車的人都知要擒上去的, 所以拎住咁多嘢係好論盡架.


同是黑頭髮的份外親切, 原來四位華人是來自馬來西亞, 在Tuk Tuk車的短短十分鐘車程我們巳聊得很開心了.

Tuk Tuk車載我地去距離巿中心2公里的Northern
Bus Station那裡登上我們的mini van, 車上巳經有數名老外了. 由Vang Vieng 到Phonsavan, 車程是6小時.

 

大約12:30pm就停在某處讓大家吃午飯. 我們點了炒飯(15,000K). 炒得好好食, 同車其餘老外本來都冇打算點食物, 但見我們吃得津津有味, 便照跟. 當我們吃飽, 欣賞老板娘廚藝時, 見她大把大把的下味精, 當堂眼珠都跌出來. 唔怪得咁好味啦, 我心都不知幾驚, 仲有咁遠路至到Phonsavan, 中途一定口渴死了.

呢餐大馬猛男們堅持不讓我付款 (為何我在香港遇不上gentlemen, 人在國外反而有緣遇上呢!
其實一上mini van, 他們巳不斷請我吃這吃那的了)

和大馬猛男們實在是聊得太開心了, 我們的噪音確實媲美爆炸聲, 相信車上其餘6名老外一定好想用刀插死我們幾個唐人~!

差不多4點多才到達Phonsavan車站, 車站巳有很多類似經紀的人在招攬生意.
由於四位猛男只有七天時間在老撾, 所以他們的旅程是很緊拙的.  他們打算顧一台mini van明天先送他們去參觀Plain of Jars, 然後直接戴他們前往Luang
Prabang.  和其中一個叫Yang的經紀大概商談了一個價錢, 他便開車先送我們去旅館.

我們一伙人一併入住Nice Guest House, 每晚80,000K


我仲未學精, 又試一次過晒兩晚房租


房間是有點舊, 不過算很光猛又乾淨

 

我呢間"3號房"的熱水器就唔係幾夠熱了

 

這便是和我們在車站接洽的經紀 - Yang, 他是夢族人, 他告訴我他的母親是雲南人, 所以他是有一半中國人血統, 但就唔識講國語.  他真人非常細粒同瘦弱, 不過英文十分流俐.

Yang的咭片, 有他的電郵及手機號碼. 不過佢一日到黑都要出街, 應該唔多機會check email.

在我原本的計劃是打算來到Phonsavan之後, 報名參加本地團往Plain of Jars參觀.  但是大馬猛男們都很熱情招呼我明天加入他們的private tour, 搭他們的mini van去Plain of
Jars, 完成後司機先把我送回旅館, 之後大家分道揚鑣, 他們馬上趕路前往Luang Prabang而我後天出發去Sam Neua.

Yang其實巳和四猛男議定了一個價, 由於要走另外一條路把我送回旅館, 他開價60,000K. 我覺得沒問題, 反正如果我自己跟團一定不止這個價.
我還請他代我購買後天往Sam Neua的車票. Yang開價110,000K.  比旅館開價便宜10,000K.

大家提議洗個面便一齊出外走走.  我拿著hobomaps便出門了. Phonsavan巿區就像死城一樣, 很荒涼. 如果不是去Plain of
Jars的必經之地, 相信不會在街上見到遊客.

這些樓下是商店, 樓上住人的平房在老撾很普遍, 不過這兒的就沒有甚麼建築特式可言

每處地方的Tuk Tuk車也不同, 共通點是坐位都很汚糟, 要隻眼開隻眼閉坐落去.

在老撾常常會在路邊見到婦女在擺賣炭烤香蕉.  我見檔主隻隻香蕉都用手翻來翻去我巳沒有胃口吃了. 不過猛男們有幫趁, 佢地話好食, 仲問我食唔食.......

Phonsavan是當年被美國轟炸得最厲害的其中一處地方. 巿區隨處可見用拾回來的彈殼制成裝飾品

做花盆都得

阿楊是大馬猛男們的領隊, 由於他去年巳來過老撾一次, 加上懂得聽老撾語, 所以便成為其餘三人的領隊兼導遊. 他真是好人.

阿楊其實是很愛耍寶的大男生, 看不出他巳當了爸爸.

我見到七彩繽紛的以為是玩具.

近看才知是撲滿. 30,000K一個, 不便宜噃.

餐廳老闆是近日棄熊取苟的城城嗎?

Nice Guest House一直往前走約十分鐘有一個寺廟

規模並不大, 沒有金碧輝煌便是了

有很多可愛小孩在寺廟的空地玩耍.   在老撾才不過幾天, 所遇到的小孩子都是爛身爛勢的居多. 而這幾個小孩的衣著很光鮮, 估計家庭環境較好.

傳統的木屋

行行吓去到一個菜巿場, 場外有很多流動小販, 主要售賣蔬菜

我like呢個燒烤爐, 因為夠raw.

巿場內主要賣生果, 蔬菜和肉類. 還有一些熟食攤, 當然都是賣湯麵.

當地人很愛吃米奇老鼠的親戚. 呢隻似蝙蝠乾的物體, 賣剩一隻咋, 幾好生意.

晚飯隨意在旅館附近一間餐廳吃, 見佢最多客人就幫趁啦. 這是我點的fried noodle with
pork (15,000K), 賣相不錯, 至於味道嘛.....除了咸味, 還是咸味.

 

羅望子汁. 雖然老撾都盛產羅望子, 但巿面上大部份的飲料都是泰國入口的, 呢罐都唔例外.

 

這些都是大馬猛男們點的炒飯及炒麵. 在老撾, 吃是不用傷腦筋的. 因為不是湯麵, 便是炒飯, 炒麵, 再唔係就燒烤.

飯後路過一地踎桌球室. 大馬猛男們甚感興趣, 問過老闆價錢, 原來12,000K可以玩兩粒鐘真係抵. 初時我只是做旁觀阿四, 幫猛男拿著他們的貴重專業相機. 後來他們力邀我加入一齊玩. 這是我人生第一次篤波, 原來好難玩架, 在他們面前真是獻醜了.

圖右第一位穿紅衣的是Kenny, 他的球技非常好呀

篤完波我地仲去左一間餐廳飲嘢, 餐廳是由移居當地的澳洲人開的. 不過太暗我都冇影相.

飲完嘢都好攰, 今晚終於可以好好睡一睡.

 

“慢”遊老撾 ~ Day 3

 

1-Mar-2013 (Fri)

 

Vang Vieng (是日行程: Blue Lagoon)

 

真後悔選了這家旅館, 上晒當! 原來旅館後面是Saysong
Island的酒吧區, 那些酒吧由4:00pm便一直長開著重金屬搖滾音樂直至隔天的4:00am,
我是戴上了耳塞也沒法好好入睡.
最後只好出絕招 – 安眠藥才能安睡數小時.
食藥係唔好,
但情非得巳,
前一晚巳睡不夠,
如果連續兩天都睡不夠會很影響體力.

 

7:00am醒過來, 打開小露台的門,
對面便是位於Saysong
Island的River View Bungalows. 似唔似lego?
 

看到眼前的美麗景色, 昨晚冇覺好瞓的怒氣是有一點點消除

有小河, 有小橋,
有樹,
有草.
我們這些久居石屎深林的人真是好難得見到

在老撾要調節一下慢活. 於是我慢條斯理的梳洗過後才出門找地方食過靚早餐.

我挑了這間在Green Discovery 旅行社旁邊的餐廳

呢度好多餐廳都流行外面放正常的桌椅, 而在餐廳內部就是一些可以把雙腳放上去的座位,
背後有很多椅墊.
睇落去好relax咁,
其實我又唔覺得對腳係咁屈住有幾舒服,
不過成間餐廳得我一個係幾爽既,
好似包場咁.

 

 

這份是美式早餐, 25,000K包咖啡一杯.
麻麻地好食啦.
隻蛋除除了剪得似Hello Kitty 頭之外我認為煎得過熟了,
最難食係個法包,
鞋圾圾,
食左幾啖都要放棄

其實杯咖啡都算唔錯. 幣在呢度興黑咖啡,
要奶就要問侍應生取.
可惜侍應取來的是冰凍的奶,
攪到成杯咖啡唔冷唔熱咁,
我唔係幾鍾意.
 


龜速食完我個早餐便步行往附近的旅遊服務處. 問職員怎樣去位於7公里外的Blue
Lagoon? 其實租電單車或租單車前往最方便, 不過本人是個四肢不靈活的蠢蛋,
兩樣也不會.
唯有用雙腳吧.  既然職員教左我點行又話步行的話一個鐘可以去到,
咁都ok丫,
平時在香港行山都唔止一個鐘啦.

 

10:45am出發前往Blue Lagoon. 在我的旅館旁有一條小木橋
(圖右的建築物便是我入住的旅館)


先要穿過這條小木橋




過了橋便是今朝早見到的River View Bungalows.  沿著河邊的小徑一路向前行

行到半路見到呢間屋仔入面有幾張吊床, 估計是附近工人休息時用,
真識嘆

這條河叫Nam Song River, 間中見到旅客在這兒kayaking.

不知屬誰家旅館的bungalows, 非常”的式”,
我諗入面不提供浴廁功能.
喺老撾,
好興bathroom建在外頭的.

行左大半個鐘終於見到路牌指示.

跟著指示向前行……….

沿路的卡斯特地型都很美麗, 唯整條路都沒有遮陰,
Vang Vieng的太陽真是猛烈得很.  在大太陽底下步行就算有撐傘也很辛苦.
行了個幾鐘有點見頭暈,
剛好見一小士多,
於是平素滴酒不沾的我居然買了一枝老撾非常出名的Beer
Lao(10,000K)解渴兼坐下休息了大半小時才有氣再上路.

我最後是失敗了!! 在被一個指示牌誤導情況下(死撐中!),
我去了另一個個名差不多的A貨.  我實在沒有多餘的體力前去真正的Blue
Lagoon, 只好折返回巿區.

 這是便是我很響往的Blue Lagoon. 不論周榕榕或張佳樺的著作都有介紹這個仙景,
我是被書中照片深深吸引著.

照片來源: http://www.tellthemisaidsomething.com/2012/03/30/its-my-right-to-rant/

2:00pm才反回巿區, 足足在大太陽底下步行了三個半小時.
回到前天買mango
fruit shake的地方再買一杯. 女店員見我像狗一樣伸晒脷便示意我坐在門外稍等她制作mango
fruit shake, 並把風扇轉為吹向我, 真貼心.

坐下休息才發覺店內是一家internet
café, 問過價錢才200K/1分鐘,
很便宜.
最令我驚嘆的是速度十分之快.  在此上網50分鐘才花了我10,000K.
折合HK$10.
 

在我旅館不遠處便這是Vang
Vieng最新蓋好, 暫時是最豪華, 最大的酒店.
我見有很多中國同胞入住.

 

Vang Vieng巿中心其實是一個很細小的地方,
基本上半天可逛畢.  既然這裡的活動不太適合我,
又見到那麼多瘋狂的年青老外在公然抽大麻及喝酒令我很想離開這個地方.
於是前往旅行社買車票,
明天便離開Vang
Vieng, 起程去Phonsavan吧.

 我在豪華酒店對面的Malay Transport Co Ltd買mini
van車票.

明天8:30am在旅行社集合.
車費110,000K,
在Vang
Vieng巿中心是最平的了.

回旅館梳洗休息一會便再次出動覓食, 都係去番Luang
Prabang Street, 這裡有較多選擇

 

找到Lonely Planet內有提及到的breakfast
vendors, 就在Inthira Hotel旁邊.
原來這幾家地道小店不止上午營業,
應該一直營業直至黃昏. 不過我見到d湯碗呀, 菜呀,
麵條呀全部都冇蓋好,
就唔敢光顧了.

我見Inthira
Hotel的餐廳是在室內而且環境甚乾淨企理, 所以便打算在此晚餐.

我點了7
Up (7,000K)及Chicken Noodle Soup (22,000K). 原來Noodle係粉絲,
仲要得”一執仔”,
雞肉得幾粒仲要好鞋,
其餘全部係蔬菜.
湯底胡椒味過重,
味道甚為一般.  不過男經理招呼就很週到,
還邀請我用他們的電腦上網,
真感動,
可惜部電腦係龜速.

晚飯後再沿Luang Prabang Street散步,
發覺很多小攤檔在晚上才開檔營業,
不過佢地大部份都係賣pancake,
sandwich.

Lonely Planet所言非虛,
Vang Vieng所有的餐廳和小販都是賣著相同的食物, 睇見到悶.