2012年4月3日 星期二

2月24日, Day 1 of 4 - Part A













 
(台北及宜蘭天氣: 老是下雨)

香港
- > 台北桃園中正機場 -> 和運大園站取車-> 頭城樂屋日式小吃店吃午飯 -> 頭城老街 -> 阿宗芋冰城 -> 鳩之澤溫泉 -> 晨露庄 -> 羅東夜巿

 


我們到台北所乘搭的班機是8:10am起飛的CI2928. 較了鬧鐘5:00am起床, 今天不敢賴床. 預了1小時給自己梳洗及把餘下行李執好. 6:00am出門口搭的士. 早上的交通很暢順, 6:15am便到達中環機鐡站. 


 


坐上約6:25am開出的列車, 不用7:00am便到達機場中華航空公司F區的櫃檯. 由於巳辦理好網上check-in, 寄行李的手續又是很快便完成. 今天諸事順利. 快快過immigration及安檢, 然後到禁區的food court找個位置歎份早餐先.


 


沒想到咁早food court是如此多人, 用人山人海來容形絕不誇張. 好不容易找到一張的桌子. 一早決定食大家樂同埋係由我負責去買, 因我知道由同行人買的話, 飛機飛了我都未有得食.  幫趁大家樂是因為它有一個自動售賣機, 用八達通一下, 不用一分鐘便可以領取我的早餐了. 但我下次不會再揀吃餐蛋麵(請大家也不要), 那個即食麵好像未煮過一樣. 而午餐肉就薄到似燈影牛肉. 吃了幾口便沒心機吃. 那杯即磨咖啡也同樣很難喝.


 


飛機在跑道上滑呀滑呀滑, 到差不多8:30am才起飛, 但又可以準時在9:45am降落桃園中正機場喎. 天色是預期的暗和下著很密的雨.


 


大約10:30am便完成入境手續及領取行李. 再到機場的銀行看看兌換率. 純粹八卦, 因一早決定撳錢攞台幣. 不論台灣銀行或兆豐銀行當天都是3.677. 影左好多張相都係有鬼影, 最清楚算係呢張, 頂住檔先.




兆豐銀行外匯兌換率顯示板

出左arrival hall之後的左手邊便是中華電信及台灣大哥大的服務櫃檯. 因民宿主人一早告之中華電信在郊區的接收較好. 一心諗住買他們的電話咭, 點知佢地個櫃檯既營業時間是11am-9pm. 真係唔憂做, 益晒旁邊的中華大哥大. 我買最基本的電話咭(即是沒有上網功能), 每張NT345, 有效期半年. 用完可到便利店增值.  要提提二人同行的旅客. 要是同我一樣坐咁早既航班兼有需要買電話咭的話, 最好一位負責買電話咭, 一位負責排隊撳ATM(機場arrival hall唯一的ATM機在台灣大哥大再行前少少). 兩邊其實都咁多人排隊, 尤其是買話咭, 總是有一些人在你前面好多問題問職員又要攪一大餐的, 到自己買果陣時又唔駛3分鐘攪掂. 櫃檯有2個職員, 而我前得3個人, 但足足排了20分鐘.



ATM機 - 近arrival hall的就只有這一台


好了, 買了電話咭便可以打給和運, 職員請我們到arrival hall門外的小客車停車處 - 4號位等他來接我們. 10分鐘後, 職員便開著我們租下的車子來咯.




在這裡等和運的職員



11am去到和運大園站, 駐站職員很有禮貌及細心, 預先巳幫我們把GPS調成廣東話. 再同我朋友講解如何使用該部GPS及當地開車要注意事項等等. 我以為我可以鬆懈一下, 但原來有人的國語是爛到這個地步. 我都要留心聽書! 大約15分鐘便完成整個手續. 還送我們兩瓶水(其實是我自己問人攞的).


和運租車大園站


我們租的是最基本的車款, 豐田Vios 1.5. 三天租車費用,

85折後是NT6,120. NT2400 x 0.85 = NT2,040 x 3

原來冇為我們租下的車子拍近照添. 這張照片的主角其實是後面的紫竹寺.  頂住檔先啦!


我們租的一台車子


檢查過車子以後, 便開車出發往第一站 - 頭城嚕.


 


和運租車大園站


地址: 337桃園縣大園鄉埔心村1827


電話: 886-3-381-2277


電郵: X033@mail.hotaimotor.com.tw





3 則留言:

1733 提到...

我們租的是最基本的車款, 豐田Vios 1.5. 三天租車費用,

85折後是NT6,120. 即NT2400 x 0.85 = NT2,040 x 3

我在和運網上睇到既係咁既→定價2,500 元

網路平日1,750 元;

網路假日2,000 元
[1733回覆04/13/2012 21:18:28]兩者好似有D分別喎?

餵魚 提到...

我之前都問過和運同你同一條問題. 你所說的網路平日及網路假日的價位是給本地人架. 外國人只可以拿到定價再85折的優惠.

BTW, 點解你的定價是NT2,500, 我而家click入去和運網頁睇都是NT2,400. 網路平日NT1,680; 網路假日NT1,920喎?
[版主回覆04/19/2012 18:26:41]車尾箱當然放得落兩隻行李箱. 但後座可以放外套呀, 遮呀, 戰利品咁囉
[1733回覆04/18/2012 22:10:04]你地個行李箱好大個咩?點解不放在車尾箱呀?
[版主回覆04/18/2012 10:46:49]我覺得呢款車只適合2個人咋, 後座要擺嘢.
[1733回覆04/17/2012 18:00:31]係?等我check check先。
[1733回覆04/17/2012 18:00:26]係?等我check check先。

Melody 提到...

自駕去旅行真係好方便,可惜我唔識開車,記得我幾年前去宜蘭去得好小地方,見到你個blog令我想起幾年前去宜蘭的回憶,謝謝你的分享喔!
[Melody回覆04/23/2012 20:14:37]餵魚: book車連司機呢個都係暢遊台灣既好方法, 下次你想去花蓮, 好呀!花蓮都係一個好值得去既地方, 如果揀埋花東縱谷, 睇埋金針花開仲正呀! 我上次時間唔岩睇唔到金針花開, 有d遺憾喔! 我係花蓮住果間民宿好正架! 你有時間可以去睇下我個blog參考下呀!
[版主回覆04/23/2012 19:16:42]其實台灣除了台北及高雄有捷運較為方便之外. 其他地方, 尤其是鄉郊真的是開車比較方便. 要不然便好像一些網友他們會BOOK車連司機, 這樣就算不會開車也可以暢遊台灣. 台灣有很多地方都好靚. 下次我想花蓮呢.