2013年1月26日 星期六

清清腸胃 ~ 素之樂創意蔬食





26-Jan-2013

 


今日約左北角地膽T小姐在她地頭午膳.  她帶我去一家樓上店吃素, 店名是素之樂.


 


素之樂是一家採取會員制的新派素食餐廳.  我自己都好鍾意食素, 可惜吃過多間本地素食館, 不論舊式或新派的都係又咸又油的. 難得有熟人介紹, 仲要係只招待會員, 真的機會難逄.


 


素之樂位於渣華道一棟商業大廈, 附近是蛋卷界老大哥 德成號. Openrice顯示德成號裝修, 其實巳完成. 仲整左個牌出來告之各方客人他們巳不再接農曆年的order云云.  ! 離左題添.


 


進入素之樂要行一層樓梯, 該樓層似乎是和一所幼兒園分租.


 


原來今日是十五所以餐廳非常多人, 我地都等左成十幾分鐘至有位.




一坐低便奉上風味小食兩個. 一個是素肉乾, 另一味是炸蠶豆. 兩樣都好食, d都唔油膩.  個素肉乾真係好似食緊豬肉乾.



T小姐話松露水晶包是這裡的must, 她點了一味之後, 其餘讓我選取.




中午就是一張double sided的點菜紙, 估計夜巿才提供大菜牌. 這是點菜紙的背面.



可能今日客多, 上菜都幾慢, 等左十幾分鐘才上第一味 皇品燒賣. 造型似釀冬菇, 我的味蕾唔叻, 估計內餡用了素肉, 甘筍及粉絲混合剁碎. 味道非常清爽, 吃起來全無負擔



南國咖哩煲配薄餅 薄餅就真係麻麻地嘞, 但個咖喱汁很香濃, 少辣, 啱我地不吃得辣又想刺激味覺人士.  菜蔬方面很豐富, 有薯仔, 南瓜, 茄子, 西蘭花及一些素肉. 需知道呢幾個菜蔬的煮熟時間都不一樣, 但各樣菜蔬都煮得恰如其份, 連我平時很怕在街外吃的糊口茄子也烹調得很適中. 這道菜很好下飯呢.




松露水晶包來了. 食神T小姐果然冇介紹錯. 黑松露下得很大方, 啖啖都有黑松露的味, 而黑松露和其餘的碎雜菇都很和諧”. 水晶包的皮很薄, 所以餡料是非常的多. 黑松露一加熱便會失去香氣, 但這水晶包仍然有很濃的黑松露香氣, 師傅一定有妙法的!




最後來的是翡翠什菌腸粉. 我們兩個眼珠都要跌出. 好大份呀! 那些餡要用爆來形容.  腸粉皮又滑又薄, 比坊間很多主打腸粉的店還要薄. T小姐略嫌餡料太多, 一路食一路跌出來, 有失她高貴的進食儀態. 經營飲食業真困難, 餡多餡少都有意見. 我一介粗人, 就寧願佢多餡, 抵食d丫嘛.




看了點菜紙, 其實會留意到消費不便宜. 不過這裡的侍應招呼很週到, 用膳環境非常整潔, like! 至於菜式, 又真的不油膩呀, 而且比較有特式. 酸齋辣齋素雞齋鴨肫芋頭魚吃到很悶的話, 不防來試試. 今餐多謝T小姐.




2 則留言:

1733 提到...

我都係素之樂既會員黎架。不過唔好耐無上去嚕。
[1733回覆01/28/2013 20:27:05]你覺得素之樂水準如何呢?
我覺得好掂喎。擺上枱個樣又靚,食落口又好味。又靜又可以坐得耐。
咁都唔好?
[版主回覆01/28/2013 15:23:50]咁你覺得素之樂水準如何呢? 睇番openrice, 食評都係麻麻! 雖然我認為味道不算驚為天人, 但算唔錯有誠意.

oiwing 提到...

我呢d吾敢四圍試既人最鐘意就係有人推介,尤其係你呢d甘權威既,有機會去試試先!