2013年6月6日 星期四

Dinner at Velvet Bar + Restaurant



 
5-June-2013

美女V近來好唔開心, 因為佢俾公司一個賤精狗奴財(即是佢老闆)用毒招來迫她走.  看見她這幾年為了這份公作捱到殘晒, 但最後還是淪落到這個地步, 試問辛勤工作的意義為何?

除了互訴心曲, 我還有另一任務在身, 必須要和美女V相見, 皆因林博士交託我要轉交給美女V的補品.

由於我需要去灣仔添點物資, 所以約了美女V在灣仔的餐廳見面. 隨意上網找了一下,  見這間餐廳好多笑臉便訂位.

準6:30pm抵達餐廳, 相信我是第一個客人, 看見侍應們還在忙碌準備中. 不過佢地一見到我都勤快地把我領到我巳訂的座位.  

個梳化位睇落好舒服, 但其實.......
 

餐廳佔全層, 座位之間都幾濶落. 在一旁還有數台時下流行的掟飛鏢機.


侍應送上餐牌, 酒牌及這個是日精選menu.





美女V小姐大約5分鐘後便到來, 由於我早巳參閱了網上評語, 所以很快便決定了點邊幾邊菜式. 不久, 美女V便發覺唔對路, 這個豪華梳化位應該是設計俾姚明坐的, 我地兩隻矮腳虎, 八月十五日全程只可以痴住梳化邊坐, 要舒服地進食及傾計都頗為困難. 於是我兩一致決定調位.

這是美女V的Mojito, 買一送一.


我酒量甚差, 所以只會點non-alcoholic drinks. 是晚挑了cranberry juice


首先上桌的是Ceasar Salad (約$80). 味道不錯, 但唔特別, 我唔鍾意多沙律汁都嫌汁太少. 最impressed的地方是夠細碟

Calamari($68). 送來是熱辣辣的, 我影相時是feel到那些剛離開油鑊的熱氣. 不過由於我地掛住傾計, 呢度冷氣又猛, 這些魷魚圈凍得好快, 影響了口感. 撇除了凍左之外, 這道炸魷魚圈是好吃的, 非常juicy呢! 


Crabmeat Risotto(約$148)是網上評語最好的一道菜式, 不過我覺得好咸, 咸到好食食緊咸魚risotto咁. 失望!


最後上桌的是Roasted Suckling Pig ($198), 足足等了半個小時. 但係我覺得值得, 是整晚最好味的一道菜, 豬仔脾肉幼嫩又入味, 皮又脆卜卜, 連薯角都係好有薯味既. 只賣$198便有1/4隻乳豬真係好抵, 比起那些成日扮高級的葡國菜餐廳, 幾件肉都夠胆收你二佰幾蚊實惠好多.



Velvet Bar + Restaurant的食物水準算是不錯的, 不過我這個老土怪物就好唔慣喺咁噪既音樂底下傾計, 仲要冷氣凍到.......


Velvet Bar + Restaurant
地址: 盧押道21-25號The Phoenix 3樓
電話: 25270988




1 則留言:

1733 提到...

[我這個老土怪物就好唔慣喺咁噪既音樂底下傾計]
咁原來我都係一隻老土怪物。
[1733回覆06/15/2013 15:19:07]唔係猩猩相識咩?
[版主回覆06/15/2013 12:48:48]所以我地惺惺相惜, wahahahaha.