“慢”遊老撾 ~ Day 12….Part 2

 

10-Mar-2013 (Sun)

 

Luang Prabang

(是日行程:
Kuang Si Waterfall, Hmong
Village )



轉左新旅館, 沖返個靚涼再攤左一陣又要出門口了.

約了旅行社的車子在1:30pm於Joma Café接我和Marc. 在等車期間見到對面馬路停泊了很多台tuk tuk車, 上車寫著Kuang Si
Waterfall, 而tuk tuk車司機會不斷撩路過的遊客, 問人地去唔去Kuang Si Waterfall. 我當然有被撩過, 但唔駛諗都係劏客的居多.

車子也算準時來接我們. 我見車上巳有個遊客, 以為我地係最後上車, 點知司機都仲要兜多幾間旅館接遊客. 之後大約開車1小時便到達Kuang Si Waterfall Park. 司機在公園的室外停車場放下我們, 佢話3個小時後回到這裡接我們. 這裡台接待遊客的車都一模一樣, 所以我在這裡咁多日都習慣了為接載自己的車子拍張沙龍, 以免同司機玩麻鷹捉雞仔.

司機先領眾人前往公園收費亭

入場費要自付, 每位20,000K.

呢度唔會好似海洋公園或Disney Land咁每位遊客派一張地圖, 但公園入口都有指示牌, 展示園內各個景點的位置

進場不久, 除了聽到淙淙流水聲, 還覺得氣溫立時下降了十幾度, 非常舒服, 空氣都清新d. 頭先架mini van好似冇冷氣咁, 焗到成身濕晒.

最先影入眼簾的是由外籍volunteers打理的bear enclosure.

呢度唔算好多隻Bear bear, 是老撾獨有的品種, 全部都係黑色的, 體形唔算好大.  比起Discovery Channel見到, 高過姚明的咖啡色Bear bear明顯細很多.  我見佢地都係食素多. 現場所見隻隻都懶洋洋, 有一隻仲瞓喺張吊床度好得意.

 

bear enclosure有一角售賣 T-shirt及布偶等等給遊客, 所得款項都是用在營救bear bear. 

 

bear bear 布偶(唔話你知, 你會和我一樣估係牛牛布偶嗎?)

終於去到瀑布範圍. 其實瀑布分好多個層, 這是下游的第一個, 我巳經覺得好靚, 之後行上去對上還有幾個更漂亮的. 下游的水比較平靜, 落水的都是較年長的西人

這兒大部份的潭都歡迎遊客下水, 但我見都係西人落水多, 尤其是一班teenagers. 女仔個個都著三點式架

呢個係第二層

行上一層

再行上多一層

呢度巳經係最上遊, 而家係旱季 所以水流比較弱. 我看過一些資料相片, 在雨季的時候, 水量是很澎湃的








係就係冇"黎親都瓜大瀑布"咁壯觀, 但呢個瀑布可以俾遊客玩下水喎.

可能由於遊客多的關係, 這個瀑布公園算是老撾數一數二多設施的了. 不過老撾人很沒公德心, 我在這個國家留意到垃圾問題非常嚴重. 不下N次目睹老撾人隨地亂拋垃圾, 明明旁邊就是垃圾筒.

這些紅屋仔是給遊客更衣的, 不過就唔見有沖身設備

遊畢公園便出外逛逛公園門外的巿集, 主要都是小食店, 工藝品店同賣衣服的

都係燒雞啦

燒蕃薯啦

燒魚之類




唔記得帶衫替換的朋友, 可以喺度買

賣紀念品的攤子.  唔係好了解呢d波波既用途
.

我見到有fruit shake賣, 單拼居然只是5,000K一杯, 實在難以置信, 在這個遊客區可以買到咁便宜即制飲料, 在夜巿要三倍價錢呀. 我仍然是點我致愛的mango fruit
shake. 不過甜左d, 唔夠Vang Vieng的好飲.

 

行程包去遊覽附近的Hmong Village. 
在Phonsavan巳參觀過一次, 不過呢度d屋好似冇咁爛. 最神奇係, 成條村起左一條石屎路, 沿路擺滿由細路仔看檔的小手工攤子.

觀察所得, 小朋友多數都唔超過七歲, 就要幫補家計. 每位小朋友都操著機械式的英文叫遊客幫趁佢地. 仲要只收美金, 本來我都好幫趁下小朋友, 可惜由於我以為自己去到瀑布會落水, 便把美金收好在旅館內, no money
no talk呀!

成條會轉彎的石屎路都佈滿攤子, 包保你唔會miss任何一攤. 其實每一攤賣的東西都大同小異, 並不吸引, 最吸引的是小孩天真瀾漫的笑臉.

參觀完Hmong Village便結束是日的半天團, 司機喺番Joma Café度drop人. 回到旅館大約6:00pm. 落車時, Marc問我要不要一起晚飯, 我真係無興趣同佢食飯.

 

我知自己奄尖聲悶兼口臭. 我最頂唔順佢既地方除了不能溝通之外, 便是衛生問題. 今朝早大家去完博物館再在附近逛了一陣, 都流到成身臭汗(Luang
Prabang的太陽真係好堅的), 我都要沖過涼, 換過件T-shirt才繼續下午去瀑布的行程. 但呢位人兄居然又唔換衫. 在坐車去瀑布途中, 我是坐在他後面的. 他那陣中人欲嘔的汗臭味完全飄晒落我度, 成程車個幾鐘頭揀直讓我生不如死.

 

我沒有公主病, 但真係唔能夠忍受佢身上發出的陣陣臭味囉.

 

我推郤了Marc. 回到旅館梳洗後, 等到七點幾再出去行夜巿, 途經街巿時原來有一檔燒烤仲未收. 我都好肚餓, 咁啱有一個中國男人喺度買緊食物, 佢見到中國人自然望多一眼, 跟住問我係咪中國人, 我用普通話答返佢. 原來佢係一個醫生, 被派到Luang Prabang的醫院駐診. 這位好好人的醫生, 識少少老撾話, 幫我翻譯. 咁我就買左一串烤鵪鶉(10,000K)同一袋糯米飯(5,000K).
現場太黑, 我都冇影到相.