2012年11月28日 星期三

烏茲別克 - Day 7 (Hayat Village)












Day 7 (1-10-2012, Mon)

昨晚終於可以把相機差飽電. 快快趣影低我間房先, 都唔錯架




今天的早餐是煎雙蛋, 來自民宿飼養的走地雞, 不是巿集買的啊~ 是我有生以來食過最好味的雞蛋, 個蛋黃杰撻撻, 是深黃色的, 即痾即食, 超新鮮! 可惜我掛住食同講冇影到相….!



這座平房便是給客人住的民宿, 一共有兩間睡房. 左手面便是我間房, 右手邊那間房比較大, 可以容納約6-7, 不過係冇床, 要打地舖架


食完早餐便再度出發去後山睇山羊
. 今次由Narzullo帶我去. Narzullo是這個家庭的第三名兒子, 28, 未婚, 還在Tashkent唸大學, weekend會開6小車回家幫忙照顧民宿客人. 家中只有他一人會說簡單的英語, 但其實他的英語水平真的很爛.


Narzullo邊行邊跟我說3天前才有5位香港人入他們的民宿, 細界真細小呀! 唔知會唔會有餘下的旅程中碰到他們呢.

 

Narzullo果然是很有經驗的嚮導. 我們行了約10分鐘, 他便發現山羊的蹤影, 可惜實在太遠了, 我的傻瓜機zoom極都唔係好睇到. 但係算啦, 好過完全睇唔到.



睇完山羊, Narzullo問我要不要爬過座山去後面條村睇下? 我望一望呢個全都是瓦礫尖石又斜又盛的山心中不禁發毛. 不過Narzullo叫我不用怕, 他會拖住我行.


又越過高山又越過谷……….原來後山是一個古蹟來的. Narzullo說這是一條巳經荒廢了70年之久的村落.



這裡是一個深山中的深山, 諗唔明以前d人點樣可以搬石頭去呢個山谷起屋, 個位置比Hayat Village還要隠秘. 這環境就像怪談節目內曾介紹過, 那些練巫術的降頭師最愛喱埋練功的地方.




附近有這一個用木頭造的mill. Narzullo說當時的村民會驢子推動個mill去研磨穀物


大自然真的好奇妙, 呢一大片光脫脫的山頭, 居然寧寧丁丁長有一棵大樹.  這棵樹在5米深的地下居然有水源. 當時的村民原來就是靠這棵老樹取水飲用及灌溉.




Narzullo話在這些石頭上刻字成世都唔, 說時遲那時快, 他馬上檢起尖石把我名字刻上去. 不過, 我覺得咁樣做好似有d破壞大自然…….唔關我事架




睇完遺蹟, Narzullo帶我行入另一條仲有居民住的村落. 穿過那條村落便可以回到民宿.


 


3個塔吉克族的兄妹在自己的園子裡趕羊. 變態的Narzullo一見到他們便叫他們輪住唱塔吉克民歌給他聽. 這幾個小孩又照做喎, 真乖! Narzullo話呢幾兄妹現在自己照顧自己, 因他們的父母都去了哈薩克採綿花呀. 咁細個要自己照顧自己, 在香港是不可能的事. 我那位12歲的姨生女都識同阿媽講不可單獨留14歲以下的小童在家, 犯法架!”




深山中居然有一架爛車, 又唔係越野車, 點駛入黎呢? Narzullo 話佢仲work, 咪玩啦!




婆婆擺定pose, 示意我幫佢影張沙龍. 影完俾佢睇個monitor, 逗得她很開心!




終於回到民宿. 原來民宿大閘外有一頭黑色的驢子. Narzullo話它巳退休安享晚年, 我見到佢不斷食泥食沙唔係食草咁怪既? 他們家還另有一頭灰色的donkey正在服役. 不過我忘了為它影相.




Simba是民宿的看門狗, 見親佢都攤喺個地度. 睇照片好似唔係幾大隻, 但真狗好鬼大隻, 成日要我同佢搓肚腩.



中午便要離開這家親切到極的民宿了
, 趁相機有電, 多拍幾張照留念


 


羊羊開餐ing!  這幾隻羊原來是養來吃的.




這平房是這民宿主人一家的起居室, 經過時常常見他們在這裡開餐.


Shiringul Guesthouse真的很貼心, 為了讓客人住得更稱心滿意, 不斷upgrade自己的設施. 不單買了兩個人造衛星收看電視節目, 還特別在民宿平房背後蓋了一個有抽水馬桶設備的廁所. 雖然半夜如廁還是要在室外, 但在山區來說巳是很好的了.


還有這個用石屎蓋的浴室也是新的. 入面有兩個間格


一入去有洗手盆可以刷牙洗面和淋浴間, 但設計有點怪. 右邊有另一扇門入另一個淋浴間, d水不知幾夠熱, Good!


浴室門外有這個類似井的物體. 但其功能是一個儲水池. 這些水只用作洗衣, 清潔等用途.




他們家都把飲用水儲在這兩個罐
, 口渴便打開個蓋直接飲用





半露天廚房





還有一個室內的廚房





Goodbye Shiringul Guesthouse,
多謝你們的熱情招待, 後會有期!


接著要開4小時的車才到下一站 – Samarkand.  我們準5pm到達今晚入住的Malika Prime Hotel.







夜晚沒事可幹便到外面走走.  酒店對面便是Gur Emir Mausoleum. 貼木兒之墓, 是明天的參觀行程之一



我一直聽到很強烈的音樂
, 於是朝著聲音方向直走. 原來有一個音樂噴泉, 很多居民在圍觀呢


很多小朋友在噴泉左穿右插販賣棉花糖, 不過我見佢冇包裝, 唔敢幫趁.


1 則留言:

1733 提到...

無差電就話影唔到,差飽電喇,又掛住食唔記得影。
[版主回覆12/15/2012 15:10:41]餓鬼投胎.