“慢”遊老撾 ~ Day 13…Part 2

 

11-Mar-2013 (Mon)

 

Luang
Prabang

(是日行程: 清晨布施, Wat Xieng Thong , Morning
Market, Phosy Market, Dara Market, Night Market)

 

 

前文提到在Wat Xieng Thong對面見到隻似疑似貓咪的石像, 其實係老虎黎架. 相信是抽象派大師的作品.

 

未出發前, 本來plan了今天去上烹飪, 因為今天沒有課堂, 所以報左明天果堂. 於是變我今日的行桯如同沒有行程, 都是到處走走看看, 細意欣賞古城的美景.

 

 

參觀完Wat Xieng Thong便沿著湄公河漫步回旅館, 還可順道逛逛Luang
Prabang 的Morning Market. 老撾人稱”街巿” Morning Market, 但其實佢地都唔係收好早, 例如Phonsavan那個便收7:00pm, 好讓上班族買菜回家弄晚餐.

從附近國家進入Luang Prabang當然以飛機最快. 但這裡有一條路線是由泰北邊境小鎮Huay Xai乘搭慢船入境的水路, 很受西方年輕backpackers歡迎. 不過就要坐2天船, 還要在中途在停留在一個叫Pak Beng的小島過過夜, 個人認為實在太耗時, 要屈在如此細小的空間相信會幾辛苦的.

這個便是讓慢船客人上落上岸的碼頭, 附近還有2個, 可想而知這條路線有多受歡迎. 好彩我無貪平揀這條水路進入Luang Prabang, h我取景的角度沒有拍得清楚, 其實這條樓梯的梯級每一級都好高架, 我這矮腳虎加上, 重甸甸的背包應該是無本事行上來的.

船票價目表. 遊客足足貴一倍呀

Morning Market其實是位於Royal
Museum後面的一條巷子, 可以從這裡進入.
  

逛菜場一向是我的”飛佛”, 只要有機會去旅行, 都唔會放過, 連心情都特別興奮.

中間, 一磚磚咖啡色的是椰糖. 好有衝動想抬幾磚返香港

用膠水樽入住一些小魚兒, 我見到佢地還是活的.

有好多檔口都賣這種新鮮採摘的蜂巢, 檔主會用蕉葉包住, 然要用炭火烤熟來吃. 我唔敢食, 但見到一個亞裔的女遊客買了一客來吃, 原來蜂巢入面仲有蜜蜂仔架, yuck!

困在籠中的活鳥, 希望它們是賣給好心人放生的吧

先後數次在老撾的菜巿場中見到這些, 扎成一捆捆, 條狀, 有毛, 還會發出陣陣惡臭的東西都攪不懂它們是甚麼. 原來係buffalo skin. 我諗老撾人好鍾意食.

舖滿新鮮椰絲的甜品, 類似糯米糍

我在這檔賣的攤子買了一條法棍, 3,000K. 皮都幾脆, 但包身冇乜肉, 都是空氣.

老撾的蛋都很大顆, 而且表面很乾淨. 不過, 粉紅色的蛋不知甚麼离鳥的.


凍肉都有得賣, 不過全部都係泰國進口. 仲要唔放喺冰櫃入面賣.



豬肉, 牛肉, 內臟, 豬血….全部撈埋一齊來賣.  是有點血腥和核凸, 但我覺得老撾的豬牛肉都好新鮮, 牲畜應該冇被餵飼瘦肉精.

晨早流流食烤肉, 雖然我唔慣, 但香味仍然誘使我著足觀看.

雖然身為泰國的鄰居, 同樣是熱帶國家, 但老撾本土出產的生果種類並不多, 我所見過只有香蕉, 菠蘿, 木瓜, 芒果, 柑, 酸子(tamarind)等等. 共通點是全部都唔甜既, 唔可以好似去泰國玩咁, 就算食物唔啱口味都可以食生果飽, 在老撾, 這個alternative是行不通的.

酸子.  通街有得執, 我在royal museum曾見過有夥人猛咁"熬"一棵酸子樹, 跟住起勢執

在差不多回到旅館的不遠處, 見到有一檔大排檔好好生意. 好奇一望, 見到幾位大叔在吃粥, 睇樣都幾好味. 照片中, 穿著紅色圍裙, 嘴嘟嘟的老板娘見我眼望望, 友善地示意我坐下. 我手指指, 表示想吃那碗粥, 老板娘會一點點英語, 問我要不要加蛋. 原來當地人吃粥會加蛋的, 不過我就表示不要.

圖中一碟碟, 貌似迷李油炸鬼(1,000K碟)的東東, 叫做banana fritter, 我在morning market見過有人賣新鮮炸起的.  我冇食過, 所以唔知係咪有香蕉味, 還是個名因為造型酷似香蕉而改的.

登登登凳…….我的粥來了, 很對辦吧?

餐桌前有些調味料, 老板娘把瓶瓶罐罐都堆到我面前來, 我模仿著大叔所落的調味. 查實我巳手下留情, 沒有下青檸. 真係好唔慣食粥加青檸汁.

我也實在太不自量力, 只是搯了半茶匙的辣椒膏, 我的嘴唇巳變了双膶腸, 老撾的辣椒真是不能講少.

最衰自己多手, 坦白說, 呢碗豬肉粥好好食, 好有肉味. 可算是我在老撾最回味的一餐, 這碗"血地獄豬肉粥"大大碗才7,000K咋!

我在低頭吃粥時, 見到很多當地人騎機車來買凍咖啡, 才4,000K一杯, 真便宜. 老撾人飲咖啡係炭燒架, 你睇

這店只在早上營業, 要食趁早.

粥店鄰舖賣蛋糕, 口味選擇也不少. 我無幫趁, 但就好欣賞店主有用保鮮紙包住d蛋糕囉, 衛生d嘛. 
 

除了蛋糕, 還有炭燒走地雞. 垂涎欲滴嗎?

今早天未光巳出門了. 返回旅館洗白白, 攤一陣才再出門去.