辣蝦粉絲@陳家廚坊

10-July-2013

這幾年“陳家廚坊”陸陸續續出的書我大部份都買左,
 但我有一個壞習慣就係, 大部份的書都係睇完就擺入書櫃,
擺到唔記得左有呢本書既存在.

如果我冇記錯, 呢本"真味香港菜"應該是系列的第一本. 吸引我買呢本書既原因係被書中一道"陳家鑊底燒肉". 當時就好乖, 冇幾耐就開工買齊材料整, 可惜果次係失敗既, 塊皮完全唔脆, 唔知係咪我用左唔適合既鑊.


直至舊年年尾, 呢本書再度出土. 果次就整左"鹹蝦蒸豬肉", 因為貪佢夠簡單, 易做. 蝦醬既份量我只係落左1湯匙, 而糖都要落夠3茶匙, 2茶匙就咸得滯.

今晚表哥來我家吃餸, 我想整蝦的菜式(因為快靚正, 啱晒我呢類懶人), 又拎呢本秘笈出來look look, 睇下有冇合心水的菜式.  "辣蝦粉絲"想整好耐, 咁啱屋企有粉絲又有蝦, 一於整佢吧.

材料:


之前百佳減價, 我一口氣買左4盒, 我覺得佢品質算唔錯, 唔駛40蚊有9隻蝦喎, 仲想點?


表哥讚好味, 但我覺得太酸了, 所以材料份量中有幾樣係有商榷餘地. (1) 蕃茄醬200克, (2) 桂林辣椒醬1茶匙, (3)水1杯.


初頭我以為自己誤會了作者的意思 - 蕃茄醬 = tomato paste. 到食完飯, 我把書翻到後面英文食譜那裡, 發覺是寫ketchup 200g. 咁即係我冇誤會到.

200克蕃茄醬實在太酸, 我覺得應該減至170-180克又或者糖增加至2湯匙. 呢道菜叫辣蝦粉絲, 不過只用1茶匙桂林辣椒醬係完全冇辣味的. 最後是水份, 這個食譜的粉絲不需預先浸軟, 而是最後直接落去獻汁度吸味. 但我發覺好快巳被粉絲吸收晒, 因為粉絲的份量是100克, 都幾多架. 最後我係要落2杯水至夠既.



正如作者所說, 粉絲因為吸左蝦味, 所以比蝦更受歡迎. 下次我會買游水蝦來整, 同埋調節一下蕃茄醬及辣椒醬的份量.