悠遊澳門(怒買記) ~ Day 1.....Part 2

 

2-July-2013

 

食飽飽都接近3:00pm, 行去新麗華酒店check-in, 腳程約7分鐘.





房間很清潔, 我又唔覺得好舊喎, 好過上次住的富華多多聲.  雙床房的床好濶落, 足夠屈蛇瞓四個人.
  

有兩枝免費蒸餾水, 茶包, 仲有mini bar可以雪吓嘢飲.


電視機雖然唔係好大部, 但都唔駛懞起對眼來睇, 仲有好多台選擇添.

浴室用品雖不是名牌, 但一應俱全


浴缸就是比較舊式, 淺身的. 不過我又唔浸浴缸既, 無影響. 佢地個花洒好猛, 讚!


阿姨昨晚整晚失眠, 所以佢要求瞓一陣才繼續行程. 咁我地讓她瞓到4:15pm就叫佢起身.

今天只安排了一個節目, 就是去澳門博物館, 我好多年前去過一次定兩次, 我覺得好值睇, 尤其而家大熱天時, 行博物館可以避暑, 一舉兩得.

澳門博物館就在大三巴的旁邊, 沿路必會經過地標噴水池


郵局


及玫瑰堂. 不過玫瑰堂整修緊, 無得入去.


行完呢條小路, 左轉便是通往大三巴, 真是咪埋眼都識行


今次來, 發覺多了幾檔這些土耳其雪糕, 由土耳其人做檔主. 不過都唔平, 一枝要$20.

大三巴真是永遠都咁多人, 我留意到住喺附近的人都唔開窗架





我的目的地便是右手邊的澳門博物館, 跟住呢個指示牌行, 原來呢度都係一個發掘出來的古蹟來的, 見到指示牌下方便是


呢個角度會睇得清楚d
.

經過一條扶手電梯, 便到博物館範圍, 原來樓下有一間cafe


$128兩位的下午茶餐唔知有乜嘢食呢


我一馬當先行去售票處買票, 到職員出左票, 我阿媽先行來同我講話睇到老人家有優惠. 但職員表示巳經不能改了, 咁我只好付原價啦.


成人每位MOP15
.

博物館有4層, 大部份展品都容許拍照, 除了4樓的瓷器.

教堂的告解室都有一個
.
 

土生葡人的廚房, 呢個我最有興趣






葡式甜品大晒冷, 我諗好多款式都巳經失傳了


土生葡人的婚紗. 我很喜歡這種古典優雅味道的婚紗, 個款都唔老土啫


土生葡人的家居擺設


醫書古籍都有


媽咪話佢地細個係玩呢種煮飯仔, 我話我未見過. 我地細個玩的都是塑膠造的呀


還有兩個影片室. 一個的片段是關於以前漁民的生活, 以廣東話旁述, 幾好睇. 另一個就是講以前歐洲的, 以英文旁述, 但內容非常沉悶.