2012年12月11日 星期二

香港國際烘焙展 (史上最雞烘焙展)










 


呢幾個星期在地鐵站內巳貼有好多
poster宣傳這個展覽, 本人懷著熱切期待的心態, 打算在開放給公眾人仕那天(127), 利用午膳時間去灣仔會展參觀這個香港首次舉辦的烘焙展.

 


晴天霹靂, 就在前一天, 收到G小姐通知, 她有朋友第一天展期巳參觀了, 唯她的朋友就是以一個字來形容, 心情當堂跌落十八層地獄! 


 


不過G小姐朋友是業內人仕, 要求較高唔出奇, 我等學極唔進步的閒人, 最想去睇下有d乜嘢新款玩意呀, 烘焙用具, 包裝用品以筍價賣給參觀人仕咁啫.


 


唔值$20的入場卷









我大約花了一個小時便行完. 臨走前whatsappG小姐報告, 兼且用雞到爆來形容. 參展商其實大都是推銷他們的商品的批發商, 那些賣紙品的很串咀, 唔俾人地影佢地d展品, 完全擺明唔歡迎喜歡烘焙人仕.





 




真係好想剷個主辦機構呃錢. 既然你明知參展商志在搵大生意唔吼散戶呢d細蟻嘢, 你就咪鬼攪一日俾公眾人仕啦, 攞明搵巿民笨.




沖繩麵粉廠










全場擁有最大個boothComplete Delight, 擺左好多個造得靚靚的糖花蛋糕俾人影相. 可惜我暫對糖花蛋糕興趣不大.










PC072905















這間百事利的包裝用品很精美, 不過女職員態度麻麻, 又貼晒告示唔俾人影相. 其實我後尾發覺佢同奧美賣d貨差不多, 咁即係呢間百事利賣d貨都唔係原創架啦. 女職員話買滿$500送貨. 咁我問佢網上有冇得睇現場展覽出來的? 咁佢又話個網未必準, 真是吹脹. d咁既人去企展場真是趕客.





跟住行去第二條aisle, 見到奧美食品包裝公司的用品真的很漂亮, 而且沒有禁止拍照. 看檔個哥哥仔俾班女人圍到佢頭暈咁滯.




我聽到哥哥仔同d客講, 買滿$600才送貨.




G小姐結果都有去睇展覽, 不過她用了光速參觀, 15分鐘便走人.  G小姐之後代她的同行朋友whatsapp問我點解可以行到1個鐘”, 咁我答俾左廿皮, 幾大都要磨耐d”.


 


唔駛起壇搵龍婆問米都知呢個烘焙展唔會再攪得成第二届, 不論參展商或無辜巿民都不會再落疊.


2 則留言:

ling ling - O尾豬 提到...

聽講G小姐張飛係贈卷. 但都花咗車錢同時間去睇, 氣頂喎.
[版主回覆12/14/2012 11:59:10]G小姐都好過我丫, 我呢d無辜窮人, 浪費左兩程地鐡錢同廿皮. 心寧同荷包都受創呀!

oiwing 提到...

果日我係地鐵站睇倒張poster,心想:吾知你知吾知呢?好彩無響你面前班門弄斧,吾係去完比你閙爆既係我!不過D糖花蛋糕好靚呀,多謝你影左甘多相,大開眼界!!
[版主回覆12/14/2012 17:40:51]唔好咁講, 連業內人士都中計, 何況我地蟻民呢!