怒食澳門 ~ 準備編

 

9月上旬正在一頭煙埋頭埋腦在那一埋睇極唔完的烏茲別克資料的時候, 湊巧收到幾位好友暢遊澳門的要求. 本來好想推郤, 因為攪去烏茲別克巳經讓我分身不下. 不過諗深一層, 我地幾個相識相交超過十年都未試過一同出遊, 正所謂"人生有幾個十年"! 再加上好多人都話十二月二十一日係世界末日喎. 咁梗係要喺世界末日之前同老友happy左先緊要d. 一於去馬.

出門先要解決住宿問題. 澳門的酒店愈來愈貴, 不是我們付不起, 而是我們多數會碌左出街, 剩係夜晚才返去瞓. 倒不如把省下的住宿錢食左落肚好過! 我們還決定在閒日出發避開人潮.

睇來睇去都係決定住番富華, 巳經有好多年冇住過了. 以前好鍾意住呢間酒店因為附近多嘢食.



我是精明消費者, 當然要格價. 找到最平的是我一向用開的agoda.com. 上網預訂快靚正!

訂好住宿便輪到攪船票. 本來打算趁上班或下班時在信德中心的票務處買來回船票. 某天午飯後經過康怡廣場見到有中旅社喎, 於是入去問價及查詢座位銷售情況, 點知原來我地fix果個日子巳經好爆, 於是拿拿臨買左船票先啦.

好在我傻人有傻福, 原來在中旅社買船票有贈卷送, 可以憑卷到咀香園餅家換餅.

另外, 每set船票還送一張澳門銀河的美食券, 不過我地後來都冇機會用到.

好朋友即是好朋友, 大家都不約而同在whatsapp提出想試位於新葡京酒店內的米芝蓮三星級餐廳Robuchon Au Dome, 於是我又訂位先.  訂位好方便, 客人可透過電郵辦理.  為防人客放飛機, 餐廳方面定了一個規舉, 便是要客人填寫一份reservation form兼提供credit card details. 咁我地斯文人, 梗係照做既.

9月17號confirm埋Robuchon Au Dome個booking, 我便可以安心回到編排烏茲別克個trip度了. 因為24號晚便要出發, 烏茲別克呢個trip又係我有生以來最多資料要睇, 最多預備功夫要做的地方, 不容有失呀.