2012年12月9日 星期日

百利火鍋















8-Dec-2012


好嘢, 這個十月中安排的聚餐, 望穿秋水, 終於來臨了! 地點選了在太子地鐡站D出口附近的百利火鍋. 我久聞其名, 但就一路未有機會試過.



 



是夜訂了
6pm, 可惜小女子家住貧民窟, 沒有方便快捷造福人羣的地鐡直達太子. 5pm出門口, 6:20pm才去到. 遲晒大到讓眾美女久候, 真係sorry sorry!


好在S小姐早到, 侍應見到S小姐, 立即自動自覺把當晚最筍的火鍋料奉上.


 


杉班. 魚肉很鮮甜, 不過我們都向侍應投訴骨多過肉喎. 侍應哥哥話巳經俾左好多肉你地架啦






手切肥牛肉. 唔清楚邊個部位, 但肉味濃冇渣就得啦, right?




黑柏葉. 我這個大鄉里第一次食, S小姐教我唔駛淥咁耐. 入口脆卜卜和漂過色的白柏葉不同, 又幾好味喎.




火鍋店自家制的魚腐. 煙煙韌韌又有魚味. 我食左3




炸芋頭靚到呢. 平時淥要好耐先至淋, 但這裡淥幾分鐘巳開始淋, 證明是揀手靚貨




超甜粟米. 打邊爐冇左佢會好失落. 今晚呢碟大部份都好甜又爽脆.




打蝦丸拼墨魚丸. 兩種丸都好新鮮彈牙, 尤其是蝦丸, 不知幾想encore.




百利除了火鍋很耍家外, 小菜都好出名. 這味椒鹽魚鮫好多枱都叫. 我都唔怕熱氣食左2, !




蘿蔔牛腩是後加的. 席間不吃牛肉的K小姐一直叫我們點呢味, 佢話知道呢道菜很讚. 恭敬不如從命,一於叫! 原來牛腩可以煮到鬆化淋滑成咁, 如果冇叫到我諗我會後悔到死. 十個推!!! 九記牛腩唔該死開.





水餃. 相比起其他的火鍋生料, 水餃就是比較失色, 普普而巳.



皇帝菜. 去親打邊爐如果menu, 我一定叫. 好鍾意佢陣味. 仲有香甜冇渣菜心, 菜檔一定係交最靚貨給百利.



還有encore了幾jar煲得酸甜適中的酸梅湯, 不過我忘了拍照.
 

呢餐吃了$1,300. 全靠S小姐的飛士”, 侍應們整晚都殷勤為我們服務, 雖然有時太多口, 直叫S小姐氣炸. 不過他們對火鍋熟悉情度爆燈, 都係想我地食好嘢啫!


 


百利火鍋酒店


地址: 太子基隆街3


 


(PS: 百利通往廁所那條通道很濕滑, 絕對要改善)




食飽才
9pm. 各人都意猶未盡想搵個地方繼續吹水. 想舒服d, 唯有去酒店. 附近有一間維景酒店, 於是上去問下可唔可以俾我地飲嘢.


 


我地點了4杯熱朱古力和1杯熱檸水. 全部都唔熱既. 那幾杯朱古力甜到嚇死人, 我們要求女經理給我們一壺熱水開稀.  雖然飲品好爛, 但果兩碟花生又幾好食喎. 埋單$210.


 


四位大唔透好友戴上我由烏茲別克買回來送給她們的紀念品, 笑死我! 其實她們也知道不是帽子, 這是烏茲別克很流行用的teapot warmer.






我地傾計傾到11點幾至散band, 又過了開心難忘一夜!


沒有留言: