2013香港書展

17-July-2013

家姐俾左兩張書展的免費入場券我,
真好, 可以省回25皮.

 

因工作關係, 過去其實從來未試過書展的第一天就去, 今次是有生以來第一次.
 
去到灣仔果條時時刻刻都爆多人既天橋, 巳見到頗多人魚貫向同一方向進發.

平時去到呢條連接住中環廣場(Central Plaza)同Renaissance Harbour View Hotel的有蓋天橋, 再向左轉便可以進入會展的場地.



望落樓下, 見到一堆堆色彩繽紛的帳篷

 
正當心中沾沾自喜自己唔駛咁白痴, 喺下面行, 兜大圈至入到會展. 點知當行完果條有蓋天橋, 就有一班工作人指揮輔以大聲公要所有參觀書展的人, 不論持票或非持票人士都要向右轉


真是開心得太早, 明明都唔算好多人, 點解要咁"疴gor"要人兜個大圈才可以進入會展範圍呢


要先落呢條樓梯


再穿過呢埋黃色帳篷先至到會展正門


持票人士行左邊




所有進場人士都必得由1E展覽廰進入, 場刊喺呢度會派


第一個望到的攤位是商務印書館


首先衝去1B-E36, 因為我要買Yoko Tsang的限量版美容書, 我是她的粉絲來架





跟住就可以輕輕鬆鬆, 由1A果條aisle開始行. 展館內最左邊是一"辣"外國領事館的攤位, 最大檔的是土耳其


有位土耳其書法家幫人寫土國特有的藝術字, 客人可以在桌上挑選不同花款的硬咭紙, 再用英文寫底你想寫乜嘢字, 咁呢位書法家就會以土耳其文寫出來. 我睇住佢寫, 的確係好靚, 可惜原來要磅兩舊水架. 聽完即閃!!!


可以睇到場館唔算萬人空巷




除了SCMP同ELLE的攤位, 有N條蛇餅在排. 聽人講, subscribe佢地旗下既雜誌會有禮物送, 唔怪得多人.


場內還有很多有心思設計攤位的出版商, 今日唔算多人, 我都可以細意欣賞. 差點俾呢隻手驚死


原來上面仲吊住隻斷腳


呢個出版商好有心思, 將個攤位裝修成一間古老茶記咁


雖然果幾盤麵包係假既, 但都好有心思, 款款唔同架


唔記得係邊間出版社, 但你幫趁佢地買書, 就可以行入去, 同呢兩隻公仔影相


幫人晝印度henna都有, 我企喺度欣賞左幾分鐘


只係30蚊咋, 頭先個土耳其書法家, 寫幾隻字唔駛1分鐘, 收人200蚊呀


我的收鑊不多, 只買了幾本書. 由11:00am行到3:00pm,才逛了不夠半個展館, 又攰又餓, 無法支持下去, 所以就鬆人了.


很喜歡收看"東森台"的節目. 入面有一個健康+烹飪的節目叫做"食在有健康", 其中一位主持便是人氣廚師詹姆士, 很喜歡他煮的菜有特式得來又不會太繁複.








呢本係派既, 不過內容"行"到不得了. 好在唔駛錢!


灣仔因為書展而超級多人, 我冇喺灣仔天橋附近度搵食, 因為知道一定好難搵位. 於是我去左


茶餐, 34蚊!  今日個通粉唔係好夠熱, 要扣分