悠遊澳門(怒買記) ~ Day 1.....Part 3

 

 

 

2-July-2013

大約逛了一個小時博物館, 沿著原路, 即大三巴的山腳會見到一座旅遊文化活動中心.   這座建築物估計以前應該是屬於政府部門的, 因為來過這裡N次都唔覺佢係開放給公眾的.

  

   

 

出發前從某網友的網誌內有介紹這裡有一些葡國特產賣, 例如橄欖油, 紅酒醋, 芝士, 果醬及西洋腸等等. 不過去到就搵唔到, 可能展銷期巳過吧.

建築物分成四層. 最頂層是二樓, 是一個茶藝展覽場.

一樓是cafe.

地下賣本土設計師的衣服, 我無逛到

B1是售賣本土設計師的創意精品. 精品的確不錯, 可惜價錢乸脷也.


情侶咖啡杯, 一人飲一邊


鬍子型的攝石, 很可愛


只花了5分鐘便逛完這個無甚可觀性的旅遊文化活動中心. 趁阿姨要去洗手間擺低幾兩, 我就快步行去位於大三巴後面的哪吒廟
 

哪吒廟於2005年成為澳門歷史城區的一部份, 不過由於巳經過了6:00pm, 廟宇巳關門了.


哪吒廟門前是另一文物舊城牆遺址, 是昔日澳門軍事防衛的重要部分, 現今整個澳門就只保存這一小段了.




我這笨蛋, 到現在才醒起需要兌葡幣. 雖然在澳門, 港幣是通行的, 但其實兩者的滙率是有些微差別的. 即是每HK$1,000便等如MOP1,029(葡幣升值了, 以前一向是1,030的). 唔好睇少呢30蚊, 而家去澳門玩, 駛費絕對少不過香港, 1,000蚊, 真係眨下眼就駛晒.


兌完葡幣就去附近的景然棧買老媽子最愛的臘鴨腎.


唔好睇景然棧個舖面咁地踎, 其實佢巳有超過一百三十年的歷史了. 他們賣的貨都全是made in Macau, 絕對不是拎返大陸加工的貨色.


舊年10月來過一次買臘鴨腎, 當時最貴是$18隻, 事隔8個月又加價了. 現在最貴, 最靚果一隻巳漲價至$20.


$18隻的巳成為次一等級了.


媽媽揀$20隻的, 佢話香d喎. 不過我又聞唔出分別. 總之用佢來煲湯就正到痺啦, 我真係由細食到大. 當年有一個uncle在澳門做生意, 佢成日買景然棧的臘鴨腎送給我們. 到我地自己去景然棧買, 先至原來咁貴一隻.


景然棧仲有代賣昌記的油咖哩, $36樽. 我知好多澳門的大餐廰都是向昌記攞貨的. 聽日一於去老舖格下價先.


買完臘鴨腎便返回酒店休息一會, 再搭的士去食晚飯. 其實我好憎喺澳門搭的士的, 司機常常都很不老實, 勁兜路, 今次都唔例外. 要不是阿姨想搭的士, 我一定不會搭.

今晚去豐順美食吃乳豬海鮮煲, 香港冇得食架. 資料係响澳門網友的網誌睇到的.




睇下幾好生意! 好在出發前巳訂了位.  餐廳環境算係咁, 起碼張椅有椅背先丫 


餐廳好得意, 有一半的餐桌放置有常見打邊爐用的氣體爐, 而一半就是藏在桌下的, 你會見到一個圓形的"烘"在桌面中間, 火鍋送來時, 便直接放在個"烘"上面. 溫度制就在餐桌側邊.


網友話個乳豬鮮煲好大, 不用再點其他的火鍋配料. 好彩我地夠聽話, 你睇下大煲到點?


鍋內有乳豬, 蜆, 花蛤, 蝦, 蟹, 油炸鬼, 唐芹, 冬瓜, 南瓜, 冬菇, 蠔油菇等等. 侍應問我地要不要辣, 咁阿姨鍾意食辣, 所以就點左個辣鍋. 但原來辣鍋的湯底是泰式的冬蔭公, 我覺得同海鮮不太夾, 而且滾到尾聲, 個湯底變到好咸. 

$278一鍋, 以現金澳門的物價, 唔算貴了


我幫趁的是總店, 據網友所講, 好食過分店


食到咁飽就要運動下. 其實步行回酒店都不用半小時.  途中經過勤記糖水, 又幫趁下. 黎過澳門N次都未幫趁過


買了三碗糖水. 我要芝麻糊, 媽媽要綠豆沙, 阿姨要白果腐竹加湯丸.  三碗糖水一共$48. 返到酒店沖埋涼都仲未有胃口食, 攪到成十二點先食. 我果碗芝麻糊超甜, 食左2啖就放棄. 媽媽食左大半既綠豆沙佢話唔係幾甜, 叫我試下,  但我都係嫌綠豆沙太甜呀. 做乜澳門的糖水咁甜架!