2013年7月14日 星期日

木乃伊.........(Presunto Fatiado and Melon)

 


13-July-2013




香港人一向識食, 西班牙的iberico ham, 港人尤其like.  上次去Harlan's食lunch 都有一隻唔知幾多個月的風腿火腿任食, 廚師摩打手咁切都係"咋"一聲就俾人搶晒, 可想而知有幾受歡迎.

唔好講話食48個月那些勁乸脷, 就算買普通12個月的都不便宜.  唔係成日有機會食到iberico ham, 咁退而求其次食意大利的parma ham一樣咁滿足.

家人個個都愛吃parma ham and melon, 平時在餐廳點一客做頭盤, 得果幾片都要成舊水. 唔化算! 上星期在澳門買的葡國風乾火腿只係MOP34包, 諗都唔諗就掃幾包落購物籃, 平時去超巿買一pack parma ham都要五十幾六十蚊. 

呢包葡國風乾火腿重100克, 有6塊



印象最深刻係幾年前, 有次去澳門, 位於路環的某家葡國餐廳隨意點了一客parma ham and melon, 當時覺得好好食, 原來葡國的風乾火不比意大利或西班牙出產的差.

昨天見街巿有半個cantaloupe賣便抱了回家, 打算DIY.

材料超簡單, 就只有一包風乾火腿和半個cantaloupe. 火腿從雪櫃取出, 在室溫中放45分鐘至1小時. 因為d火腿黏埋一堆, 所以要響室溫下才不至撕到爛晒.




cantaloupe切件


去皮


用塊火腿包住一件瓜就攪掂.

我就係因為衰心急, 一拆開包火腿就想續片撕開, 點知攪到d火腿變爛布衣. 只好把巳切片及去皮的cantaloupe先放回雪櫃備用. 等d火腿既油脂在室溫中慢慢溶咁d, 就會易d把它們續片分離.



不過都係包得好樣衰, 似足木乃伊, 一d美感都冇Presentation 零分!!!



轉左個look, 會唔會順眼d?


至於味道如何? 其實都唔差架, 性價比高, 食得過! 沒有我最擔心的過咸問題, 不過質素當然不及parma ham啦, 因為呢隻葡國牌子的風乾火腿, 油香比較弱呀.




2 則留言:

C Chan 提到...

我鍾意佢火腿軟軟加埋cantaloupe 甜又淋淋地既果肉, WOW.... 正呀!!!
[版主回覆07/17/2013 21:04:25]同意, 絕配呀. 唔知邊個咁聰明, 諗到咁既食法出來貢獻俾世人.

Mr & Mrs Leung 提到...

唔係丫, 卷得幾靚
[版主回覆07/19/2013 13:07:34]多謝你雪中送炭