怒食澳門 ~ Day 1…..Part 3

10月24日 (星期三)

魚湯粉是S小姐和我的”飛佛”, 每次去澳門的must. 不過雅馨的湯頭雖然保持水準, 但河粉就好明顯嚡口. 仲要賣成MOP21碗. 想起多年前第一次光顧也不用MOP10碗. 澳門的物價仲漲得厲害過香港.

和魚湯粉的絕配, 我認為是麥精維他奶!

雅馨魚湯粉

地址: 飛能便度街27號F地下 (附近還有另一家老店)

吃罷魚湯粉便到附近的三盞燈熟食區逛逛幫助消化. 整個三盞燈區遍佈各式平民食店, 想餓都難.

 

這檔馮記豬腳薑巳在這裡營業多年, 除了扎根於此還在其他地區開了地舖. 我多年前品嚐過一之, 坦白講, 真係好鬼酸, 而且豬手唔淋又唔入味, 好一般啫, 唔明點解咁受歡迎.

這一攤賣的小食, 讓我想起台灣的夜巿的加熱滷味檔



路過聞名巳久的牛牛小食, 多年前巳在澳門人的飲食論壇內見過這家小食店. 當地人評語是比雅馨更地道.

跟住就搭車去左大三巴附近的盧家大屋, 由於超塞車, 我們到達時巳差不多關門時間. 守衛大叔很好人, 讓我們入內在地面果層逛一個圈. 我前年來過一次, 很喜歡這裡免費入場兼可以報名導覽.

照片來源: 維基百科

盧家大屋

地址: 大堂巷7號

 

盧家大屋對面有好幾檔牛雜檔, 但以這檔最多人. 我和S小姐都躍躍欲試, 可惜太多人圍住呢.

此時, K小姐話好懷念巷仔的鍋貼, 咁我話間舖就喺附近咋! 於是一行人便步行到賣草地圍買幾個鍋貼食.



鍋貼真的很便宜, 才MOP1.2一隻. 可惜隻鍋貼是miniature版, 內餡更是少得可憐兼充塞著味精味, 真要套我老爸的金句 ”攞黎餵X”.

開飯啦內全是正面的食評, 難道是做”媒”?

 

晚飯訂了8pm. 睇睇錶巳7:15pm都差不多時要出發. 在火船頭街等巴士/的士, 足足等了15分鐘才上到7號車. 可惜又是勁塞, 差不多8pm還塞在提督馬路, 澳門的交通比香港更差. 於是打俾老板話我地會遲到, 請她替我們保留訂位.

網上對石獅好評如潮, 點都要試下. 巳預先抄下網下的推介.  其實石獅的姊妹店”雄裕老地方美食”我前年都拜訪過, 不過我覺得石獅好食d噃同埋坐得舒服d.

 

首先點了糯米酒魚頭雞鍋MOP168 - 糯米酒味不算濃, 但魚頭夠巨大又新鮮, 湯頭亦甜美.

阿姐著我們吃罷魚頭, 才把鮮雞件放入. 她說要下鍋蓋滾2分鐘, 雞件便熟. 還說她會為我們服務. 點知等左成12分鐘, 我覺得唔對路, 明明阿姐講話滾2分鐘, 而家滾12分鐘咪老晒! 果然阿姐話佢唔記得左喎, 吹賬!

雞件真係嚡晒, 真是美中不足.

白灼獅奄MOP78 – 呢碟我地爭住食, 因為d獅奄真係大粒又鮮甜, 香港好難食到. 老闆娘話佢地有門路入貨才可以有咁大隻獅奄供應.

西洋菜 – 好ok, 冇渣

紅燒乳鴿MOP45隻 – 見佢上枱咁樣衰, 冇諗過好味! 幾鬼想encore一人一隻呀

椒鹽瀨尿蝦MOP140 – 呢個最差, d肉霉架

食完先發覺門外有咁多隻靚蟹

石獅美食

地址: 祐漢永華街37-53號橋光大廈地下

和老闆娘紅姐道別後, 我們便步行回酒店. 路程大約半小時, 晚上很涼很舒服, 完全沒有累意反而有餓意.

 

做完腿部運動, 我問大家仲食唔食得落, 因為新龍記就在酒店附近. 於是我們幾隻餓鬼見佢有開門便入去食宵夜.

雲吞蟹皇撈麵 MOP33 – 楝直就是垃圾, 蟹皇少得可憐兼冇味, 那幾粒雲吞, 公仔點心好過佢. 仲要賣

MOP33 碗, 有病!

花雕雞撈麵 MOP30 - 我嫌d雞嚡過我腳板.

開飯啦點解又會有咁多個讚? 真係人各有志!