2012年12月13日 星期四

怒食澳門 ~ Day 2…..Part 3
















10
25 (星期四)

 


離開路環, 搭巴士向下一目的地氹仔前進. 來氹仔是為了去飲食男女雜誌介紹的大昌超巿買葡式食材和用具. 一落車我們先把之前買的葡撻就地正法, 仲暖暖地.



掛住食唔記得影相, 我在大昌買了一個很kawaii的陶製鍋子(MOP65), 就像在里斯本地帶餐廳吃那個燴海鮮飯的鍋子.


 

我的陶鍋係咪好靚仔呢? 呢個size係最細的, 還有中及大. 不過真係好巨型, 唔知邊個會買.  S小姐買了4隻陶碟, 花紋和我一樣, 都好靚架.



經過我地呢班格價專家視察過之後
, 認為呢間超巿的價錢都唔平.

 


大昌食品巿場


地址: 氹仔拉哥斯街37



接著來到今個trip最後一個行程. 就是鄭家大屋. 澳門的保育功夫做得比香港好百倍. 我舊年來過一次鄭家大屋, 覺得十分值得遊覽和讓更多香港來的遊客認識這個澳門政府花了數年時間翻新的心血. 當然最正係免費入場啦.













鄭家大屋


地址: 龍左頭巷10


 


話咁快又5點幾鐘了, 大家都攰攰地, 去找地方吃晚飯兼休息下. S小姐提議去陶陶居吃雞煲翅, 一行人行去碰碰運氣問下有冇位. 可能時間尚早, 有位喎!






香芋砵仔鵝(MOP118). 芋頭好粉好淋, 鵝肉冇乜, 大部份是鵝翼和腳趾.


古法雞煲翅(MOP660). 濶別多年都冇失水準. 啖湯依然濃郁芬芳, 齒夾留香


金錢蟹盒(MOP60), 只有舊式酒家才願意供應


香煎馬友蒸豚肉腩 (MOP78), 我唔鍾意食咸魚, 所以冇乜點夾


贈送的水果盤, 西瓜好甜呀



還有唔記得影相的翅湯煲淋津白
(MOP78), 白飯一個(MOP8). 這頓飯吃了MOP1160.


 


陶陶居


地址: 新馬路爐石塘巷6-8號地下


 


6:45pm就埋單, 跟住行去牛記買外賣. 前一晚去新龍記吃的蟹皇撈麵真把鬼, 牛記的好食多了. 只有K小姐和我買外賣, 牛記成為米芝蓮推介之後更好生意, 我地等左超過十分鐘外賣才到手. 讓美人CS小姐枯等我們真不好意思.




牛記咖喱美食


地址: 新馬路十月初五街1


 


買完外賣又係等左好耐都冇的士, 唯有搵巴士搭, 返回酒店取回行李. 之後便經歷難忘走難般的情節.


 


我們拓著沉重的行李, 足足截車超過20分鐘才截到的士, 各人東奔西跑, 真係攰到無命. 到上左車, 駛至一條天橋上, 前面架寶馬突然死火. 寶馬司機著坐在副駕坐的女乘客向我們的的士司機求助. 但我地個司機都幾衰, 完全唔想幫拖. 個女仔求多一次我地個司機都是無功而回. 而我地就急得如鍋上馬蟻, 明明大把時間去搭船, 而家攪到一額汗. 好彩! 老天爺保佑, 擾攘了10分鐘, 前面架寶馬終於可以行得番. 差點以為要買過四張回程船票.


 


我買了兩盒(外賣價MOP27一盒)回港, 打算和爸媽宵夜. 點知老爸話唔食, 咁我唯有同剛跳完舞回家, 很肚餓的媽媽一人食一盒.


 


牛記的蟹皇撈麵比新龍記便宜, 蟹皇又多dd, 唔明新龍記攪乜東東. 不過外賣明顯冇咁好食, 蟹皇的獨有香味消失不特止, 食到個底油淋淋. 都係現場吃好味好多.


 

2 則留言:

1733 提到...

食咁多野?
[版主回覆12/14/2012 17:12:01]失禮晒!

oiwing 提到...

兩日六part一次過睇曬,圖文並茂好精彩,又有評語同地址,又幽默,好彩有你呢D甘有心機既人,所以我呢“亭”懶人如果去澳門,只須跟住條綫走,就能好好玩一餐,多謝曬!
[版主回覆12/14/2012 17:10:29]不過澳門而家的消費水平實在太高了, 除非執到錢, 否則冇興趣去. 交通亦是另一擾人問題, 我覺得自己似乞兒.