2013年7月19日 星期五

“慢”遊老撾 ~ Day 14…..Part 1

 
 







12-Mar-2013 (Tue)



 



Luang
Prabang



(是日行程:Cooking
Class at Tamarind
Cooking School -> Sleeping Bus to Vientiane)



 



呢間旅館真係暫時黎講最舒適, 夠晒靜, 所以我可以一覺瞓到天光.  梳洗及執好行李後便要把背包寄存在reception, 因為今晚便要起程前往Vientiane.

我的旅館位於一條清幽小徑內, 日日行幾轉都見唔到附近另一家旅館的花糟種了咁美麗的花, 忍唔住拍低留念.





今天心情特別興奮, 因為是我期待巳久的烹飪課呀!

8:45am要到達烹飪學校, 咁而家先至8:10am, 我有大把時間看看附近還有甚麼我還未注意到的點滴.

呢幾日經過親呢間餐廳都見佢關門既, 似乎佢只serve早, 午餐而巳


不過我唔打算食早餐, 因為陣間上堂時要食返晒自己煮的食物,  都係留番d quota好.


喺我住的附近, 原來laundry好平, 每kg由7,000K-8,000K不等.  Luang Prabang這兒的消費乜都貴, 冇諗過做laundry會比我之前玩果處地方更便宜, 真係估佢唔到呢






心思思又鼠入街巿視察民生. 我同大家介紹, 老撾有好多芒果樹, 當地人喜歡吃的是這種青BB, 酸到阿媽都唔認得既芒果, 同香港愛甜的口咁大不同.


香噴噴的烤肉呀, 為何我覺得你老是在呼喚我呢? 不過我係一個老頑固, 硬是覺得早餐食烤肉會生飛茲架


循例在路上見到乜就影乜啦.  左上角呢條咁有份量既鍊會唔會駝斷頸?


呢款咁企理的tuk tuk車我在老撾都係第一次見, 亦係最後一次見


離晒譜!!!呢間找換店超搶錢, 美金兌換率只有7.71. 響呢度4日, 見過最昆遊客的算係佢, 認住佢o麥頭先.


由我的旅館步行到烹飪學校所需時間: 腳長者 - 15分鐘, 腳短者 - 20分鐘. 本人是屬於後者

烹飪學校同時是一家餐廳, 面對著Nam Khang River, 環境唔錯架.




去櫃檯出示完報名紙之後, 職員話請我地飲啖茶, 不過冇包吔.


唔知係乜嘢茶, 甜甜地咁既, 飲唔慣


Luang Prabang雖然消費高昂, 但這兒既餐廳大部份都好乾淨企理, 乎合我奄尖既性格. 之前去Vang Vieng, Phonsavan, Sam Neua, Nong Khiaw, Muang Ngoi, 十間有九間餐廳都係嗱喳既


餐廳仲有賣一些本地的酒, 醬料, 餐具等等. 


Lao Lao是老撾土豹, 酒精濃度超高. 在一些村落裡, 很多老撾人都會自釀Lao Lao架. 我酒量超水皮, 所以就唔敢飲嘞


Jeow Bong是甜辣醬, 我都係第一次見. 平時去餐廳或麵攤吃東西, 只有超級無敵辣爆眼的辣椒膏奉送


老撾另一名產是咖啡豆, 生產地主要在南部, 因氣候較適合咖啡豆生長.   是當年法國人入侵老撾時教當地居民種的. 老撾的咖啡其實水準甚高, 只可惜知音人不多.


我睇中左中間果把多用途的刨


原來叫做ribbon peeler


我們的導師終於來了. 咦! 為甚麼跟我想像中的老成持重形象大相逕庭既.  我連佢個名都忘記了, 不過人不可以貌相, 此君英文水平非常優, 烹飪造詣不可小看, 還有他的工作態度良好又夠風趣幽默, 絕無冷場.


導師第一站是帶所有同學去逛當地的菜巿場, 即是我前一天逛過的Phosy Market.  導師叫眾學生上對面馬路果架乾淨到死的tuk tuk車, 坐車去菜巿場.


導師在相熟菜檔介紹各種道地的蔬菜, 其實我地轉下頭都唔記得係乜東東.


呢件好似木板咁既東西係用來刨新鮮椰絲架


呢個唔駛多介紹, 咪就係無處不在的糯米飯盛器囉, 乜size都有


呢個好似用來裝魚架


放心! 我地唔係踩左入兇案現場. 去完乾貨區, 導師帶我地行肉檔. 當地人都興食豬紅, 不過佢地既豬紅係鮮紅色架, 我地中國人食果d點解瘀瘀黑黑既


牛泊葉. 大陸人譯做"Albert Yip"


佢地將d雞擺放得毫無美感, 寧願喺度發吽哣都唔執好d貨




3 則留言:

1733 提到...

[由我的旅館步行到烹飪學校所需時間: 腳長者 - 20分鐘, 腳短者 - 15分鐘. 本人是屬於後者]
唔明白點解腳長行路會慢過腳短既呢?

[1733回覆07/20/2013 21:51:55]
[版主回覆07/20/2013 21:41:35]哈哈, 多謝來函指正, 我巳經改返了.

1733 提到...

[當地人喜歡吃的是這種青BB, 酸到阿媽都唔認得既芒果, 同香港愛甜的口咁大不同.]
今次我專登上台南blog友處,攞左好多個芒果回港(其實主要係替另外一個香港既blog友攞)台南blog友也有比芒果我。
其中兩個芒果是青BB,但就租到阿媽都唔認得既芒果喎?無吹水架。
不過就唔知芒果既名稱呀。
[版主回覆07/21/2013 21:20:44]又真係冇乜肥人架, 中等身材既人佔大多數
[1733回覆07/20/2013 21:51:10]揀錯字添,係甜至真呀。
老撾人咁食得酸,所以佢地瘦既多過肥囉!
[版主回覆07/20/2013 21:44:42]乜嘢叫"租"到阿媽都唔認得? 你意思係"甜"到? 我諗品種不同掛, 再加上台灣的農業發達好多, 不像老撾, d生果隻隻都肉肉酸酸咁, 唔止芒果酸, 連橙, 蕉, 木瓜, 菠蘿都唔甜架, 都唔知佢地點種嘢既.

1733 提到...

[寧願喺度發吽抖都唔執好d貨]
呢D係當地人既風格黎嘛。
[版主回覆07/21/2013 21:22:17]是淩亂美