2013年7月6日 星期六

悠遊澳門(怒買記) ~ Day 2.....Part 1

 


 

3-July-2013

早餐plan左去三元食肉丸粥, 無敵懷念, 真係十幾年冇食過了.  不過只有我和媽媽去, 阿姨一來唔鍾意食粥, 二來要搵周公傾計, 所以唔join我地.

由酒店行去三元都好近. 雖然話打風唔成三日雨, 但係澳門呢兩日都好好天噃,  我就寧願晒都好過落雨.


穿過福隆新街冇幾耐就到.
 


電視節目都有介紹過呢間咁古色古香的客棧, 內部陳設很有重慶森林的味道. 不過.....我就唔敢住嘞.


門面咁多年都冇變過


店內裝潢陳設都冇變過, 仍然是行簡約風.  我最欣賞三元這些年來都咁注重衛生


不過我就認得煮粥果個師傳唔同左了



變得最多既, 應該係價錢





我的金銀丸粥(MOP22)來了. 金銀丸即是牛肉丸2粒加豬肉丸4粒咁解.


粥底明顯比過往杰身, 而肉丸仍然是咁大粒, 味道還是好吃的, 至少比上次去的富記粥品好吃. 不過我都食得出, 三元巳經不再純手打肉丸了, 感覺上是一半手打一半機打.

以前來三元食粥, 真是生滾的. 師傳收到order, 才從雪櫃取出肉漿, 再放入碗內, 用一隻湯匙, 不斷ping ping pong pong咁把肉漿弄成球狀, 所以每次都要等十分鐘至有得食. 但今次來, 等左唔駛2分鐘就送到. 即係話肉丸巳烚至半熟, 而唔再係生滾了.  可能生意太好, 店方才出此下策.


媽媽點的魚片牛肉粥(MOP28), 呢碗勁搵笨. 牛肉和魚片都切到紙咁薄, 又細舊又少. 大家千祈咪叫.


食完粥就行去附近的最香餅家買杏仁餅. 餅店附近有這種好像古蹟的住宅, 好似住喺條橋入面咁. 唔知有無被納入世界文化遺產呢?


上次來到佢地收左舖所以買唔成, 今次一早來就唔怕買唔到. 店內有個牌寫住肉心杏仁餅同蛋黃杏仁餅要11:00am至出爐, 我只食杏仁粒果種杏仁餅, 所以有收鑊.


最香的杏仁餅仍然是於自己的店舖內製作, 在門口會見到幾個傳統的大鐡筒, 用炭火來烘烤杏仁餅.


唔記得幾錢盒添, 剩係記得果包檸檬薑係$5包


搵買完杏仁餅就要返酒店叫阿姨起身同check-out.   順道睇睇酒店shuttle bus的timetable.


把行李存在concierge就可以去發去氹仔lu.  目的地是去路氹金沙城的Sheraton Hotel.  在酒店門外搭新濠天地的接駁車, 跟住行過對面便是金沙城.


海立方的接駁車都係停泊喺新美麗華酒店門外. 其實我都唔知海立方喺邊樹既


金沙城真係大到呢,  落左車都要行成十幾分鐘至到Sheraton酒店大堂的Palms


在澳門網友的blog睇到關於Palms的介紹, 評語都唔錯, 最喜歡他們serve 下午茶的時間是由中午12時至下午6時. 兩位收費MOP268, 早幾個月還是(MOP248).  我食左粥唔肚餓, 所以只需要點一個set再加一杯飲品便夠. 香港的酒店就唔會俾3個客人食一個set了, 哈哈.


Palm's的環境很開揚, 週圍種了很多棵高高的假樹



天花開有一個大天窗, 可以讓自然的光線透進餐廳內


在我們桌子旁有二組凍櫃. 一組的上層放有各式三文治, 這個脆皮燒肉包(MOP128)幾過癮, 不過就貴左d.


下層就有一些麵包, 大約MOP38.


另一組凍櫃就放了一些原個蛋糕, cut cake, 曲奇及macaroon, 造型都頗精緻


阿姨的iced latte首先上桌. 這裡供應意大利名牌咖啡Lavazza. 阿姨話呢杯好飲過昨天在Guincho a Galera果杯.


媽媽點的熱latte.


我的earl grey tea, 好香呀.  是茶王TWG的出品


Tea set來的, 餐內包含四件咸點, 九件甜點. 


最先吃這個黑芝麻scone.  麻麻, 太鬆散和乾身了, 稍欠牛油香. 我冇食到其他咸點, 冇意見. 至於甜點, 都唔錯既, 不過唔算有驚喜囉.  以這個價錢來計, 算係咁了.


阿姨有事要4:00pm先行香港, 咁佢又想去賭場見識下, 於是我們便結賬, 女侍應送上賬單, 問我是不是SPG會員, 我話唔係. 咁佢好nice咁話, 可以馬上申請, 申請左之後連呢餐都可享有9折. 我見咁著數便填一張申請表

呢張單係未俾折扣我之前影既


這張SPG會員咭除了適用於Sheraton各outlet之外, 訂房還有優惠




1 則留言:

MOONmoon 如月 提到...

海立方在碼頭左手邊,呢個我知
[MOONmoon 如月回覆07/08/2013 16:57:34]好似有酒店噃
[版主回覆07/08/2013 16:41:22]叻叻!! 咁海立方係咪賭場黎架?