2013年7月27日 星期六

中伏了!!



25-July-2013




今晚阿媽有節目, 我又懶煮食, 摷摷屋企有乜廚餘可以填肚先.


 



萬事俱以不用洗碗為大前題



 



寒舍有: 1) 一磅麥方包 ---> 2) 買左幾個牛油果, 放左喺雪櫃都幾日, 係時候要食咁d ---> 3) 上次去澳門買左一盒沙甸魚,
用來夾三文治應該唔錯






太耐無食過沙甸魚了, 平時食得最多都係地捫牌的茄汁沙甸魚, 所以呢罐沙甸魚打開時見到d油把把聲咁噴出來, 我呢個大鄉里先至醒起, 原來沙甸魚都有油浸的

牛油果加少少沙律醬搓攔就抹在方包上. 跟住d沙甸魚就要過濾左d油再用廚紙抹一抹先放上去



我仲好高興咁拍照留念......呢個時候都仲未知道自己中伏


原來呢隻牌子沙甸魚既味道, 係好似生吞緊咸魚咁架. 超咸, 無敵咸, 咸中之咸, 我成世人未食過咁咸既食物, 直情要閉住氣先至可以吞落肚! 到最後我都堅持食左一半.

便宜莫貪真係無錯. 我在澳門的超巿見到老人牌沙甸魚約MOP10罐, 但呢隻金伯樂牌沙甸魚就只係MOP6.7, 諗住抵食丫嘛, 點知就應驗了"貪平你就輸了"這驚世名言.


2 則留言:

1733 提到...

我以前都有買吞拿魚放在麵包上加上青瓜及生番茄做早餐架。
[1733回覆07/28/2013 15:35:51]{你都好足料喎}
係咩,我都唔係好覺咋。
有青爪食起上黎會有爽口既感覺架。
[版主回覆07/28/2013 13:52:17]你都好足料喎. 我媽咪間唔中都會整吞拿魚碎蛋俾我做早餐. 我又試過用青瓜蝦夾三文治都好食架.

oiwing 提到...

我記得以前係中環番工扮麗人既時候,食 Oliver's 幾十蚊一份三文治,成日都有食 Sardine Pickles ,你係咪吾應該撈牛油果呢?
[版主回覆07/30/2013 16:38:07]一來我屋企冇pickles, 二來話明係廚餘餐, 梗係要食d剩喺雪櫃就快發臭既食物嘛.