2013年7月9日 星期二

青咖喱素炒飯

 


5-July-2013






舊年年尾在Fusion超巿見到呢隻泰式青咖喱做特價就買左1樽返屋企.
一向鍾意青咖喱多過黃咖喱及紅咖喱, 皆因青咖喱的味我諗為更有個性.

印象中第一次用呢樽青咖喱係好似用來整青咖喱蘿蔔炆魚條.
當時記得呢隻青咖喱夠晒辣,
但就略嫌咸左d.



 



之後佢就喺雪櫃入面做深宮怨婦嘞


應該唔會剩係得我有咁既習慣, 就係無聊時會喺雪櫃摷d玩具出來玩, 左溝右溝睇下會唔會爆炸.  早幾個月XX痕, 用青咖喱來做炒飯, 估唔到用佢來炒飯咁惹味, 當時係亂黎, 不存厚望, 所以都冇拍照存檔.

早幾日, 見雪櫃有一大兜冷飯, 又醒起樽青咖喱, 好想再整炒飯食. 不過今次唔想配肉類來炒, 試著搭配素菜, 睇下夾唔夾味.

屋企只有半個洋蔥, 去樓下百X買埋其餘配料. 最後買左包翠玉瓜, 盒裝栗米同埋一包五香素鴨就可以開工做實驗了.



我的炒飯毫無章法可言, 先把配料續樣炒香, 下適量鹽糖胡椒粉調味. 跟住加入冷飯炒散, 再加入青咖喱(呢隻青咖喱好似蝦羔咁結實, 所以使用前要加少許熱水開稀)炒勻, 再把炒香配料回鑊, 兜勻. 試味, 下少許糖即成. 



我自己覺得不錯吃, 好惹味. 估唔到老媽子打完麻雀回家, 肚子打鼓, 見到我的亂做炒飯居然產生濃厚興趣, 自行"叮"了一碗來吃, 猛話好味, 仲讚我炒得夠乾身(我諗個個阿媽都係咁盲目地讚自己d仔女). 

我都好出乎意料之外, 呢隻青咖喱適合用來炒飯多過煮一道菜. 




1 則留言:

MOONmoon 如月 提到...

錯喇,我亞媽好直(呢樣我似佢),成日彈我架
[版主回覆07/12/2013 14:22:27]你媽媽採用的是激將法, 所以你而家既烹飪技術咪咁爐火純青囉