2013年8月25日 星期日

2013生日飯第六擊@Nico's Spuntino Bar & Restaurant



 
 

20-Aug-2013



 



 
 
食埋呢餐,
本年度的生日飯局完滿結束.


 



實在太耐無喺中環開餐,
好懷念以前在中環工作的日子,
在這裡上班實在太方便了,
而且朋友圈當中8成也是中環人.



 



約左遊埠T,
貴婦V及林博士6:30pm在餐廳等.  6:15pm巳經去到餐廳位置所在的伊利近街





見時間尚早, 便逛逛這條小街. 大部份都是裝修美輪美奐的餐廳, 還有一, 兩間時裝店. 似乎只有這家老醬園還未被迫遷


嘩, 行一陣都成身汗, 都係快快進入餐廳歎冷氣. 聽講呢個舖位以前是Fat Angelo's. 而家香港係咪所有Fat Angelo's都結業呢?


餐廳分前, 後兩部份. 下圖是舖的後半部份. 坐呢度應該會比較靜d


我張枱就比較近酒吧, 但都不算好嘈. 我鍾意呢張枱比較光, 方便我影相


每張餐桌都放有黑胡椒碎及海鹽各一小碟. 特別就夠特別, 但唔夠衛生. 都係放回樽內好些, 而且又唔會造成浪費(除非餐廳循環再用).


這個紅卜卜的是drink list. 食物餐牌就印在placemat上.


三位美女都要行中環果條富貴扶手電梯行上來, 原來其中一截壞了, 所以佢都都行到隻積咁既樣.

林博士想點4杯水. 咁侍應就問"要mineral定sparkling?" 好明顯傳遞既信息就是飲水要俾錢啦. 咁冰雪聰明的林博士就話"咁你俾四杯熱水我丫". 遊埠T同貴婦V可能怕樣衰的關係, 各自點了一杯ginger ale. 佢地可能驚之後俾人點相尋仇

第一道上桌的是Braised Mussels - $148.  一致認為酸了點, 而且呢隻品種的青口肉, 煮起後好細粒. 都係鍾意食白酒煮或者忌廉煮青口多d.

 
Spicy Salami Salad (from Campania) - $98 - 沙律菜及salami本身都無問題. 敗筆是用了過期或cheap cheap olive oil. 果陣油膉味超勁. 別跟我說甚麼olive oil是有nutty flavor. 我咁大個人仲分得出咩叫"果仁"味同"油膉"味.


Porceddu (from Sardinia Island) - $188 - openrice d 鱔稿講到咁好食, 點可以唔叫. 中國人認為皮脆肉嫩的燒乳豬才是尚品. 我都食過好多次西或葡式的燒乳豬都係皮好脆既. 但呢度既乳豬皮既口感係好似淋左既蝦片咁, 非常古怪.


Risotto carciofi e Prosciutto - $158



Grilled Vegetables Skinny Pizza - $98. 是遊埠T點的, 我們都讚同吃清淡的pizza, 但無諗過pizza原來可以清淡成咁樣, 真該大家大開眼界. 其實味道不差, 個pesto sauce其實幾惹味. 至於個pizza crust就唔掂了, 是韌的. 莫非而家興用糯米粉整pizza crust? 只是我地大鄉里未見過


吃光主菜就請侍應給我們兩個dessert menu. 我和林博士一齊坐, 所以我地share睇一個menu. 遊埠T就貴婦V坐, 咁佢地一齊睇. 後來我地發覺兩個dessert menu係唔同版本架. 
 
Lemon + Rum & Raisin Gelato - $52. 由iScream供應. 味道不錯, 如果落少d糖更好. 

落單時我揀左pistachio. 無幾耐有個靚仔侍應走過來同我地講, 話無pistachio, 叫我揀過. 咁我問佢有乜嘢口味係有既? 咁佢話其他都有. 咁我就再揀左pineapple. 隔左一陣, 佢又好樣衰咁行過來話無pineapple味. 那時我也有點火光, 不過見佢靚仔才無發作. 靚仔可能是新人吧, 佢今次學精了, 抄低了邊幾隻available既口味, 最後我揀了lemon囉.


Amaretto Toffee Banana Crepe - $68. 整頓飯最好吃就是這個甜點, 可能是愈無期等, 愈能夠帶畀你驚喜. 呢間餐廳最有心機的做菜的, 可能係個pastry chef.



地址
: 中環伊利近街49號地下

 

短評: 回家才看到上一期飲食男女”, Nico’s蘇絲黃插到扒街. 我認同阿蘇的觀點, 食物大部份平平. 侍應超多, 但就喺度圍埋傾計. 雖然無話揚手時無人理, 但作為一間似樣既餐廳, 點解d侍應會好似茶記d伙記咁喺度圍埋傾計, 仲要傾到手足舞蹈好似標緊童咁?



另一件事係, 我地四個坐齊後, 有個穿黑裙, 五呎俾多佢, 類似餐廳公關的女子, 走過來放下一張咭叫我地填. 我地問佢係乜? 佢就一邊離開我地張枱一路答係公司要佢畀客填”. 如果呢條女咁既態度都做得代表公司形象既公關, 品姨或者龍婆其實都可以當一個公關 



 






1 則留言:

C Chan 提到...

生日快樂~~~
gelato 個味好特別!! 吸引啊~
[版主回覆08/26/2013 21:12:21]多謝你. 我相信應該係你整的homemade雪糕會好食過呢個gelato