2013年8月7日 星期三

“慢”遊老撾 ~ Day 17…Part 2

 
 


15-Mar-2013 (Fri)



 



(是日行程: Konglor Cave -> Tha Khaek)



 

今朝早Souk叫我地食完午餐再出發都未遲. 咁我地參觀完溶洞就搵地方食飯.  公園入口其實有一間餐廳, Lonely Planet都有介紹過, 不過我地無響呢度午餐, 因為前日行過同今日行過都未見過有客人, 唔係好敢食佢既食物.


我揀左距離我地民宿不遠處的Eco-Lodge, 雖然佢唔算係full, 但總算keep住有客. 有turover的話, 代表食物不會不新鮮吧


我點的是素菜炒麵(17,000K), 味道還可以


大約2:00pm離開Ban Konglor, 南下向Tha Khaek進發.  這程車約需3小時.

在差不多要到Tha Khaek時, 我嚷著要上洗手間. 鬼馬的Souk話要帶我去clean toilet.  在老撾, 公廁一般設在巴士站, 長途車休息處或公路上的油站. 除了公路上的油站可以免費如廁之外, 其他的都要收費. 由1,000K-2,000K不等.

Souk無呃我, 他把車子駛進一個油站, 果然見到旁邊大大隻字寫住clean toilet.


忍住住畀個like兼拍照留念, 呢個洗手間實在好乾淨, 在老撾是很難得的


大約5:00pm便駛到Tha Khaek巴士站.  Souk是應我的要求才來的, 因為我想預先購買明天往Pakse的巴士票.


為人為到底的Souk協助我們和售票員溝通買車票. 點知售票員話不接受預售, 只可以明天再過來買即場的車票. 真是吹漲! 唔明咩道理


同車的兩位荷蘭女生其實都是去Pakse的, 但今日下一班車是大約8:00pm, 這班車不是從Tha Khaek發車的, 是從Vientiane開過來. 即是話未必一定係8:00pm到站亦未必有位坐. 車程是6小時, 那麼到達Pakse便會是午夜. 我不明她們為何要那麼冒險, 今晚半夜到同明天下午到有多大分別呢?



這個車站主要是南下及北上Vientiane. 除此之外, 還有很多條路線前往鄰國 - 越南


由Ban Konglor往Tha Khaek這一程車, Souk收我們每人100,000K. 我覺得很合理.

和荷蘭女生道別後, Souk便車我地去搵住宿. Souk本來車左我地去巴士站後方的Xay Chalern Guesthouse, 冷氣房80,000K一晚. 咁我地睇過其實唔錯架.


好好人的Souk提議車我地去巿中心再睇其他的住宿才決定住那裡都未遲.  由於Souk來過很多次, 他跟我們說, Tha Khaek的住宿大都又舊又貴.

Souk先車我地去一間叫Khammuane Inter Guesthouse, 未落車前, Souk巳經同我地講, 呢間旅館的床好硬架. 到我地行入呢間旅館, 剩係reception area巳經好重慶大廈feel. 入到房間, 果陣霉味強烈, 床果然好硬, 最攞命係無熱水沖涼. 不過就好平, 好似才50,000K一晚.

之後Souk再車我地去Sooksom Boon Hotel同Southida Guesthouse, 呢兩間是我plan行程時打算入住既, 都是睇Lonely Planet所介紹的.

呢兩間S字頭的旅館都殘到不得了, 我來老撾咁多日, 都未見過殘成咁仲要收咁貴的旅館. 呢個價目表, 我好似在Southida Guesthouse拍抵的.


跟住德國男表示想住張床好硬Khammuane Inter Guesthouse, 因為佢打算留喺Tha Khaek細意遊覽一下呢個小城.  佢唔怕床硬又唔怕無熱水沖涼, 最緊要平!

之後Souk就先車德國男去攞房, 之後再車我和瑞典年輕人返回Xay Chalern Guesthouse攞房. 點知當我地返轉頭, 呢間旅館既職員居然坐地起價, 要收我地120,000K一間房. Souk好嬲, 同佢地理論, 吵左一輪, 個職職咋咋啼啼話佢問老闆. 問完出來同我地講, 話可以收我們每人每間房80,000K一晚, 但要我們明天7:00am check-out.

實在是無道理的事 .  Souk因為之前住過, 知道老闆係邊個. 咁好負責任的Souk就走去搵老闆傾. 幾經週旋, 我們明天可以12:00nn check-out.

撇除了坐地起價這些無良行為, Xay Chalern Guesthouse環境是很不錯的, 新淨, 全部房間都是獨立屋


有冷氣


浴室有熱水


有國際台睇的電視


我地入房攪妥晒之後, Souk話車我地食飯. 其實佢唔需要咁做, 佢實在太好人.

佢車我地巿內一間, 在全巿最高級的Hotel Riviera對面, 叫做Sweet Home Restaurant的地方食飯. 一睇格局就知係中國人開的, 有燒臘有蒸籠.





我掩過來睇, 真係有類似蝦餃的物體


餐廳職員貌似中國人, 但不會說中文, 看似在這邊出生的華人.  我地溝通不來, 所以菜式就由Souk發辦, 呢碟燒鴨都幾好味架, 不過就肥左d


下面呢兩碟類似laap的物體就辣到不得了, 我都食唔到, 估唔到係三個瑞典男生咁食得辣




呢餐每位32,000K.

沒有留言: