2013年8月1日 星期四

“慢”遊老撾 ~ Day 15…Part 2

 


13-Mar-2013 (Wed)




 


Vientiane



(是日行程:Xieng
Khuan -> Talat Sao Shopping Mall ->Vientiane Night Market)






14號公車並不能把遊人直接帶到Xieng Khuan. 所有遊人必須在Thai-Lao
Friendship Bridge
的邊界入境關口附近全體下車, 亦即是我31日, 我從泰國進入老撾的同一處地方.
  



 



Talat Sao Bus Station出發, 行車大約40分鐘便會到達Thai-Lao
Friendship Bridge,
下車付費車資, 每位6,000K. 下車時要同司機表示要去Xieng Khuan,
佢會指你去附近登上另一台爛到要劏的小巴. 登上小巴後最好同司機單聲", 目的地是Xieng Khuan,
咁佢就會喺公園門口停畀你.  同樣下車付車資, 每位2,000K.

當我地坐14號公車去到Thai-Lao Friendship Bridge時, 我見到同車有一群外籍年青人傻傻的還坐在車中不懂下車. 我也估計他們的目的地同樣是Xieng Khuan, 所以便提醒他們, 去Xieng Khuan的話一定要在這兒下車再換車才行.

到我和朋友們登上了小巴也不見該群外籍年青人, 原來這群傻小子沒有跟著我. 心裡也有點著急, 我不斷望向車窗外, 希望找到他們的蹤影, 還好最後他們看到我招手才跑過來登上這一台爛小巴.

穿間條T-shirt那位便是中一位年青人, 他最後一個上車, 唯有坐在一張爛櫈上.



行車約25分鐘便到達Xieng Khuan的大門口.


大門口好隱閉, 要行到好近才會留意到有一個小小的指示牌
 
簡單介紹一下甚麼是Xieng Khuan.  Xieng Khuan其實是一座公園, 位於Vientiane巿郊約24公里處, 旅遊書一般譯作香昆公園

香昆公園是由一位畢生致力揉合印度教及佛教哲學的高僧Bunleua Sulilat於1958年捽領一群工匠建造而成. 後來老撾發生革命運動, 於是他便於1978遷往泰國的Nong Khai建造另一個類似的公園.


這個公園範圍並不大, 佔地約1/4個維園到啦. 但它吸晴之處便是園內佈滿著約200尊大大小小不同面貌的佛教或印度教石雕像, 每個都神態逼真, 栩栩如生.

公園門票5,000K, 另須為相機購票3,000K.  攪笑事情現在發生, 我的幾位朋友一馬當先去售票處購票, 我掛位影相所以殿後. 他們每位都被收8,000K, 而售票職員則只收我5,000K, 明明我仲掛住部相機喺身!


所以我咪剩係得呢張票尾囉


一踏入公園, 首先會看到一南瓜塔造型的建築. 整個公園就只有南瓜塔可供遊人進入內部參觀. 入面一共有三層, 代表著地獄, 人間天堂.

中間部份設有旋轉樓梯, 不過係冇扶手架, 每一級都又高又窄所以要步步為營.


在每一層的旋轉樓梯附近都有一些佛像, 入面黑媽媽, 挻陰森的






南瓜塔可以爬到去頂部的, 從這個口爬出去, 可以俯瞰整個公園, 不過都幾驚架, 旁邊完全無圍欄或扶手


公園真的不太


最大的雕像便是這座卧佛






















公園最後方搭了一個不起眼的棚, 原來是一間餐廳! 黃磊向我揮手, 原來他早巳入內休息. 現在是下午1點多, 公園又沒有遮陰, 太陽非常猛烈的. 看看手錶, 我地都逛了個多小時, 係時候要抖抖. 


逛完公園便要到公園的對面等回程小巴, 返回Thai-Lao Friendship Bridge果頭, 再轉車去巿中心的Talat Sao Bus Station.

呢架小巴爛過頭先果架好多倍, 看! 道門係全程開著, 關不了的, 食塵食到飽


2:45pm返回Talat Sao Bus Station. 車站旁有兩個攤檔賣法棍, 黃磊在這兒買定明天的早餐(5,000K個), 因為他明天5:00am便要離開, 旅館的早餐註定是無緣的了.


不過, 據網友所言, 係阿伯呢一檔好食d架


黃磊要回旅館休息一下, 那麼我便和宋小姐和高小姐逛一下老撾一千零一個的商場, 剛好宋小姐的鞋子爛了, 而且她的kip花光, 須要兌換一點.

我們先去Talat Sao Shopping Mall入面的銀行兌美金, 滙率麻麻, 本人入境老撾的第一天, 在Thai-Lao Friendship Bridge那裡的銀行兌美金有7.872, 而呢度則只有7.833咋!

麻煩友宋小姐又出招, 佢有一張US$10, 但係又只想兌US$4, 又嫌人地找回給她的美金紙幣是甚麼女皇頭, 回到中國是換不回人民幣的勻勻. 我都未聽過乜嘢舊版美金. 佢一直要我幫她跟銀行職員理論, back and forth, back and forth....真是麻X煩. 我同佢講, 話人地銀行剩係得呢種美金, 你唔要就罷, 佢先死死氣攞走d錢.
 

上到二樓, 宋小姐睇中一對人字拖, 才15,000K一雙. 明明人家巳列明是特價, 她還是要講價!!! 擾攘良久也未買到, 我和高小姐也懶得理她, 自顧自搭扶手電梯上三樓. 宋小姐見我地唔理佢, 就死死氣俾錢買左對人字拖, 跟住我們行.

去到三樓, 即係今朝吃東西的地方, 她們嚷著肚餓, 於是便點了兩碗雲吞吃, 看樣子挻嚇人的. 我無食, 只點了一杯我心愛的coconut juice.

稍事休息便轉場往旁邊新起的同名商場, 外表很不錯, 心裡有點期待呢, 因為十幾日都冇買過嘢, 手痕呀


可惜是外強中乾, 入面十室九空. 而家5:00pm都未夠, 店舖巳陸續關門


上面有一層, 全層賣呢d個樣好假的金器, 銀器





最潮都係佢, 老撾都有Shiseido賣, 仲係李嘉欣做代言人果隻護膚品添

實在太無看頭, 逗留不夠15分鐘便離開, 沿著瀾滄大道前往地標Patuxai, 即是老撾的凱旋門



根據呢塊牌, 凱旋門是建於1962年.


當年的政權有夠攪笑, 將美國給予購買混凝土興建新機場跑道, 攞左來起這個紀念埤, 紀念於二次世界大戰及爭取向法國獨立那場戰役中陣亡的士兵.

在白天(8:00am-4:30pm)是可以進入內部參觀, 入場費5,000K. 巳購票人士可以步行上最頂層鳥瞰Vientiane的巿中心.  我地來到巳5:00pm, 所以無得上去.


雖然外形類似法國的凱旋門, 但門內穹頂的雕刻其實充滿老撾色彩


凱旋門對出的噴水池則是我們祖國送給老撾的


拍完照便沿路返回旅店, 稍事休息才再出發去逛夜巿

回程途中經過這個在美國領事館旁, 叫That Dam的黑色佛塔, 不過歷史背景不詳. 正想舉機拍照便被領事館的保安阻止, 佢地話係敏感地帶, 不許拍照, 叫我地行前d至好影.


NamPhu(即是噴水池)是巿中心的地標之一, 不同價格的旅館都分佈在附近.


在NamPhu旁邊的餐廳都很美輪美奐, 讓我覺得自己置身在美國


珍珠奶茶都有, 不過點解無人看檔既


根據Lonely Planet的資料, Saibaidy Guesthouse是目前Vientiane巿中心最便宜的旅館. 睇個殼咁殘都估到係平價旅館



Saibaidy Guesthouse前面有一個小攤檔賣很便宜的飲料同食物, 果真是budget backpacker的天堂. 我都無諗過在巿區可以有咁平的takeaway.








在我們的旅館同一條街, 有兩間很法式的咖啡店. 不過價錢都幾乸脷




回到旅館大約6:00pm. 上房前和宋小姐, 高小姐約定7:00pm在大堂等, 大家一起去逛附近的夜巿. 到了7:00pm我只見宋小姐坐在大堂玩wechat, 佢話高小姐太累不想下來(我又何常不是累不愖言?), 所以只得我和宋小姐同行.

Vientiane的夜巿就在河邊, 離我們的旅館大約5分鐘腳程. 本來我都好期待呢度會有d好嘢食....不過大部份的攤檔賣的食物都是炸物, 仲要係整好晒就咁擺喺度, 無遮無掩, 實在不敢吃.


老撾煎堆?


不知是因為近河邊的關係, 還是天氣的問題(今晚其實好好天), 成千上萬的飛蟲, 飛來飛去, 超級討厭. 

下圖是賣粟米汁的攤檔, 你睇幾多蟲喺d樽度爬!! 宋小姐想買一枝來飲, 叫我幫佢問幾錢, 咁我話左幾多錢俾佢聽之後就見佢攞錢買, 咁我就行開睇第二檔啦. 佢見我一行開就阻止我, 佢叫我"不要走開, 這樣會攪掉的". ! 呢條友麻煩又無用, 夜巿在旅館附近何來"攪掉"之言. 我條氣都頂住, 大家萍水相逢, 我當了你一整天免費導遊兼翻譯仲想點? 佢既老馮熊度實在好乞人憎, 我果時未知高小姐和她本來是不認識的, 我俾面高小姐, 所以先無剷佢.

後尾我見佢攪左成10分鐘都未買到就問佢乜事, 佢話人檔主收佢貴過本地人喎. 這些不公平的事的確常常發生在老撾這個國家.


好肚餓, 終於見到救星. 呢檔crepes好多人排隊, 我用肉眼觀察左一輪, 見個女檔主都好衛生, 才敢買



這些三角形的紙拓好得意架, 檔主會讓你挑一個喜歡的卡通款式, 盛載著你的crepes.

餡料都有得揀, 不過大家溝通唔到, 唯有手指指, 我揀左腸仔, 芝士同肉鬆(7,000K個)

至於味道都唔差, 但我嫌沙律醬太多, 好鬼咸.  就在店住忙於製作我和宋小姐的crepesp時, 宋小姐又發作, 佢問我果d腸仔用乜嘢肉做, 我話腸仔多數都係雞肉做. 咁我識得講"雞"同"豬"的老撾文, 所以就問檔主. 咁檔主都confirm係雞. 條麻煩友碌大對眼喺度話自己唔食雞的. 為何你不早響? 人家巳把餡料舖好晒在餅皮上面你先出聲? 在香港, 一定俾人剷左上天花板. 幸好, 女檔主很溫文, 就幫麻煩友換過.

逛左半小時巳經無心機行, 整個夜巿都是賣類似的東西, 比Luang Prabang夜巿更爛

後來在這個夜巿遇到一位離鄉別井, 來擺地攤賣"痔瘡膏"的內地男子, 我倒也忘記了他來自何處. 因他聽到我們說普通話便"撩"我地傾計. 當時"痔瘡男"旁邊還站著有一個來自蘇州的女子, 但原來她是來這邊工廠打工的, 巳來了老撾6年, 會說當地話.  她只是咁啱逛夜巿才認識"痔瘡男", 聊起上來. 宋小姐見到同胞就興奮到忘我, 不停咁喺度傾計, 傾埋d無聊嘢都傾左20分鐘, 完全無理會過我的感受, 後來我直頭同佢講, 我好攰, 要先行回旅館休息先甩難.






























沒有留言: