2013年8月24日 星期六

“慢”遊老撾 ~ Day 19


 
 


17-Mar-2013 (Sun)



 
 
 

(是日行程: 局住Pakse巿內hea)



 
Pakse是Champasak省的首府, 老撾的第三大城巿.  雖然被稱作第三大城巿, 但整個格局看起來就是一個小鎮, 讓我想起在旅程早段遊覽過的Phonsavan.




整個巿區就是圍繞著主要幹道"13公路上", 建築物一般都不會超過4層樓.  路上行人不多, 來到這兒會自然被悠閒的氣氛感染, 連步伐都會慢下來.


Pakse
1013世紀期間曾屬於柬埔寨吳哥皇朝. 隨著吳哥皇朝的滅亡, Pakse大約於1517世紀被瀾滄王朝所管轄, 一直到現在, 土地仍遲於老撾所有.



被旅遊書評為無甚觀光特色的Pakse也並非一無是處.  地理環境因素使然, Pakse是南部一個重要交通樞紐. 很多前往西面的泰國或南面的柬埔寨遊客都會在Pakse稍作停留. 還有, 遊客如要參觀位於Champasak省內最著名的世遺景點Wat Phu Champasak(又稱小吳哥), Pakse出發, 作一天遊是最方便的了.


 

 

今天計劃了自行前往省內最著名的世遺景點Wat Phu Champasak.  根據旅遊書的資料, 可於Dao Heung Market(即是新巿場)那裡可以搭乘固定車次前往Wat Phu的雙條車(雙條車, 老撾文及泰文都是sawngthaew. 意即當地的小巴, 外形有點像tuk tuk車, 但比較大架, 而且車頂可以放好多行李), 車資20,000K包渡輪費, 去Wat Phu的雙條車都會在一條小村落Ban Muang停下來, 然後客人要在那裡的渡口再乘類似舢舨的小船到對岸Ban Phaphin, 再轉tuk tuk車取道Champasack小鎮前往Wat Phu.  由於雙條車只於6:30am至3:00pm營運, 所以我今天必須早起, 否則趕唔到車返回巿區便麻煩了. (註: 我之後才知道自己做了大笨蛋, 白白花費了很多時間在交通上, 大家要把我的痛苦經驗引以為鑑, 詳情在Day 24公佈)

我入住的旅館, 其實都有代售前往Wat Phu的車票, 來回55,000K. 我這個不懂計數的cheap精, 就是為了省回小小錢便害自己白白浪費了一整天.


6:30am便出門了, 在旅館附近找地方吃早餐. 見到這檔賣越式三文治的好像不錯.  檔主收我6,000K一個, 但我明明見到一個正在買緊的當地人只付了5,000K! 無辦法, 遊客就是很容易被劏.


Dao Heung Market距離巿中心約2km遠, 我不曉得2km有多遠, 所以便顧了一輛tuk tuk車前往Dao Heung Market.

上車前問價是大會指定動作, tuk tuk車司機告訴我10,000K, 咁我都覺得可以接受, 因為昨天下車的地方咁近, tuk tuk車司機也同樣收我10,000K.

司機在這裡放下我, 他用手指比劃, 示意我走入去便是Dao Heung Market.  噢! 原來距離我旅館都唔係好遠啫, 走路應該不用30分鐘便到.


wow, 原來這個巿場咁大, 我找到好久也找不到雙條車車站. 於是便硬著頭皮走進一家電單車商店問職員, 前往Wat Phu的車在那兒可以乘搭. 職員其實不懂英語, 但也協力用身體語言解釋.

好不容易找到了前往Wat Phu的雙條車. 司機叫我上車等, 佢話7:30am開車, 當時車上巳經有一伙年輕人在車上. 後來不知何故, 全體年輕人下車轉搭另一台雙條車, 得返我一個人. 於是我便問司機為什麼? 佢話這幾個年輕人其實是泰國人, 他們其實是要搭車回泰國. 嘩, 大佬, 你唔早響! 我坐左喺度足足半小時都唔開車, 仲要而家全部人落晒車, 咁架車都唔知幾時開. 我嬲起上來, 就跳車, 唔搭.


今天唯一的行程泡湯了. 還好我並不因此而延誤行程, 因為我其實是比原定行程早了3天抵達Pakse的.

好吧, 一場來到, 唯有見識一下這個全國最大的巿場吧! 之前一直在趕路, 今日就當放假, hea住過日晨.

有一個小販在雙條車旁擺賣食物給司機. 成煲啡色的不明物體,  驚驚


第一次見有臘腸賣, 之前去過咁多個菜巿場都未見過, 可能是Pakse的中國移民較多.


燒豬都有, 燒烤方法同廣東式差不多, 似乎又係移民當地的中國人帶來的美食. 本來好想幫趁, 不過又係過唔到心理關口, 實在睇住好多烏蠅褸過


唔影低對佢唔住. 呢盆肉丸真係大到成個細路仔玩既西瓜波咁大, 都有些細粒d既, 但都成個網球咁大, 勁!


睇相唔覺, 其實這些魚都好似食左肥仔水咁, 條條都好似龍躉咁巨型. 似唔似我地食既鯇魚?


塘虱魚件頭都唔輸蝕


呢幾桶物體真係臭過腐屍. 唔知係咪類似的魚露東西, 我見都好多人買. 嘩! 點食呀, 臭到咁.


捉到乜嘢雀仔就拎到巿場賣俾人食, 有兩隻巳魂歸天國, 彩色, 企喺度果隻就是生擒的


有一邊鐡皮屋, 內裡有幾個茶檔


及麵攤, 不過衛生情況就......


最衰我手上巳經有一份越式三文治, 如果唔係都想買來試下. 我見佢比起之前那些茶檔, 麵檔乾淨好多




隨意逛了一圈便打道回府. 頭先搭tuk tuk車來果條路好易認, 我試著自己走路回旅館, 睇下路途中會否給我發現一些值得參觀的地方.

在剛才tuk tuk車讓我下車的地方, 我抬頭一望, 見到Dornsokdee Restaurant的招牌. 這餐廳我記得張桂樺在她的書內勁讚是好好味的老撾式火烤兩吃, 即是我之前在Sam Neua吃過那頓美味晚餐. 可惜佢只開夜巿.


餐廳有好多張桌子, 我諗佢應該好好生意. 巨型餐牌顯示有日式, 韓式和老式餐點供應. 不過價錢表就無得睇


Champasak省歷史博物館. 入場費10,000K不貴. 然而Lonely Planet同埋周榕榕本書都話呢度可觀價值甚低.


在Pakse最感親切的地方是經常見到中文字, 我諗呢度既中國移民會比Luang Prabang更多.


非常之colourful的蛋糕.


看看手錶, 步行了35分鐘便回到旅館附近, 現在才9:10am, 不想這麼快返回房間, 於是又到附近走走看看.

再次回到舊巿場. 在這家餐廳買了外帶冰咖啡. 之前見Souk買過一袋袋的冰咖啡來飲, 我覺得好得意. 所以在跟他道別前, 請他為我寫上"冰咖啡少甜"的老撾文, 每次我想飲冰咖啡就show一show張貓紙.  在Pakse前後逗留了5天, 我幫趁了這家餐廳好幾次, 原因是因為越南籍的老板娘會一點英語, 可以溝通嘛


咁大個女, 第一次咁樣飲冰咖啡. 好得意, 如果無咁甜更正! Pakse比北及中部更熱, 所以成日都要飲冷飲降溫.


行行下就去到VIP Bus Station. Pakse一共有4個巴士站, 而呢個巴士站算是最近巿中心的了, 不過佢既功能只係往來Vientiane, 全部都是sleeping bus, 車程約10小時. 由於巴士的抵達時間和到站時間都是固定, 所以經常都靜英英架, 不過環境算係我去過咁多個巴士站中, 最企理的了. 我在這兒找了一個背河面站的位置, 乘著涼風把我今早買的越式三文治幹掉.


VIP Bus Station旁便是Pakse Tourism Office. 入去睇下有冇d咩嘢day trip可以報先. 之前念念不忘在 Luang Prabang見到的騎大象團, 我知道南部都有既.


如果只有一個人報團的話, 團費便要俾US$160. 好貴啫, 同左職員反映我想join, 咁佢話呢幾日暫時唔成團, 但會幫我留意. 我諗住之後去完Si Phan Don返回Pakse時可以有機會參加到.


Pakse Tourism Office門外有些巴士班次及價錢表, 有國內及國外的. 拍低佢地, 希望可以幫到打算來老撾玩的朋友.

這個表是international bus 時刻表, 由老撾去泰國及老撾去李柬埔寨.


下面兩張相都是domestic bus 的時刻表




Pakse Tourism Office旁是Pakse另一個著名的寺廟 - Wat Luang.  免費入內參觀, 不過我巳經睇廟睇到悶晒, 所以無入去.


南部的嬌陽真是令人吃不消. 都係回旅館休息一下才再出動. 明天, 我便要動身去Si Phan Don, 我還未買車票呢!

响旅館歎冷歎到2:00pm又再出動.  Pakse巿中心好細, 來來去去得果幾條街. 我要explore下, 睇下仲有冇其他旅行社格下價.







間間價錢都大同小異. 最後喺一間叫LNC Tourism的旅行社買了巴士票連船票前往Si Phan Don的第二大島Don Khone. 票價65,000K


之後問職員攞聯絡電話. 在老撾, 謹記: 這樣做是必須的!. 有乜冬瓜豆腐(例如放飛機之類)都可以有個人詢問. 尤其南部的人, 懂英文的少之又少.


攪掂明天的交通又四圍蕩.

都話Pakse多華人, 連理事會都有. 不過這個"百細中華理事會", 我在Pakse咁多日都未見過佢開門. 想入內參觀都無機會.


Pakse舊巿場附近其實有一個商場仔(我居然去左咁多日都無影過個商場外貌). 商場名字叫Champasak Shopping Centre, 不過入面就好大陸feel, 賣既物品都係好老土既, 可以不理. 二樓有一間超巿, 上去做"百佳駐海外格價專員先"


都幾多嘢賣架, 有電器, 有廚具, 有衣服, 有BB車, 有文具同埋唔少得既食品同飲品.  大部份貨都是進口貨, 最多係泰國貨, 其次係中國貨.

你睇呢枝花雕酒要65,000K(即HK$65)真係超貴! 香港都係賣$2X枝!


反而佢地既國產神級啤酒Beerlao就好平, 只是8,000K. 我見親多數係賣10,000K枝.  老外遊客來到老撾就會Beerlao當水飲, 皆因啤酒平過水是也!  我在Vang Vieng飲過一次, 飲左半枝巳差不多滿天星斗.


至在格價, 所以冇收鑊. 步行回旅館歎冷氣睇電視, 呢間旅館有好多電視台揀, 所以晚上都唔係太悶架, 電視汁撈飯.

在旅館對面一家類似士多的店買了一個疑似叉燒包(5,000K)的物體做晚餐. 味道當然不能同香港茶樓比啦, 算係懷念一下家鄉菜吧.


沒有留言: