2013年8月14日 星期三

“慢”遊老撾 ~ Day 18

 
 
 
16-Mar-2013 (Sat)






(是日行程:Tha Khaek
-> Pakse
)




終於完成了老撾中及北部的旅程
, 正式向南部進發
.

南部的旅遊點其實比北部少
, 因此假期不多的遊客大都集中火力遊玩中及北老撾 



 



因為北部遊客多, 自然對旅遊服務需求大, 所以在北部遊玩或需要協助時是容易一些. 相反南部的人雖然對遊客錢包裡的美金很具興趣, 但我遇過不少經營與遊客相關的業者都不懂英語亦不會思量增強服務或提供協助給遊客們, 所以南部旅遊業不及北部發達是有因由的…..遲下我就會到提到在南部遇到匪夷所思的事情.



 



今朝7:30am就揹上背包出門口, 打算步行前往附近的巴士站買車票南下往Pakse.  一出門口又見到Souk, 原來佢諗住車我地去埋巴士站才離開返回Vientiane.  其實只有我一個人去Pakse, 幾位瑞典年輕人其實是要返回Vientiane會合朋友的. 佢地就爽啦, 可以坐Souk架車返去.



 



Souk車左我去巴士站, 協助我買完車票才離開 我咁早出去都係為左買到8:30am 果班車, 因為一天之人只有呢班係空調車, 其餘都是食塵食到飽的公車.



空調車貴10,000K, 要70,000K



 

Souk真是大好人, 這三天我遇上他, 絕對是我整個老撾遊之中過得最舒服的, 唔駛點用腦. 我一定要在此替他打打廣告.  Souk的旅遊公司設於首都Vientiane, 我沒有他公司的地址, 但問他拿了手機號碼: 856 20 5541 4994及電郵地址: tee_ks@yahoo.com. 他在Konglor Cave的民宿將會叫做Phounsouk Guesthouse. 我寫blog寫得咁慢, 我諗佢果間民宿巳經開張大吉了.

去Pakse就喺呢個2號站頭度等車


等左一會, 便有一架又殘又爛的巴士埋站. 我睇到登時個心便一沉

睇呢張相好似車廂幾清潔咁, 實質好多座椅都係爛既, 再唔係就汚糟到不堪.  好在我早上車, 快人一步揀個無咁"哪喳"既座位, 再施施然用消毒濕紙巾消毒. 呢轉車程要六個半鐘頭, 點都想坐得舒服d.


要是你極度討厭不守時的人, 那麼你在老撾註定會過得很痛苦.  來了十幾天都慣了交通工具的不守時, 所以我估計, "鬧鐘"及"手錶"在老撾應該銷情慘淡.

這班該8:30am發車的巴士又係遲左成半個鐘頭至開車. 好不容易等到司機大哥開車, 佢駛離巴士站之後無兩分鐘就停車, 跟住就叫全體乘客下車, 轉搭另一架車.  我當初還一頭霧水, 司機喺度講老撾文, 我根本聽不懂. 幸好我又再次遇上貴人, 坐我前面一位後生仔, 原來懂得英語, 佢見我"戇居居"便好心同我講, 話司機要全體下車, 轉搭另一架車.

頂! 我啱啱先抹乾淨個位, 而家又要換車, 甚麼道理? 仲要響行李艙挖返件行李出來再轉車, 實在好不狼狽.

Fine, 爭論係無武之地既, 總之唔該咋咋淋開車! 

巴士在10:50am在一處叫Savan的地方停了下來, 個司機第一個閃落車. 停泊處是一個巴士站, 那裡又再有一些乘客買票登車. 剛才提及那位懂英語的先生告訴我現在是break.. 在巴士站等候的小販一見到巴士駛入站便會一湧而上, 透過巴士的窗口, 向乘客遞上用長竹簽叉住的菠蘿呀, 雞肶呀, 雞蛋呀之類. 當然還有飲品, 很有趣的畫面.

和我同車的還有一對外國couple, 一break就衝落車煲煙.


呢個break都幾耐, 差不多半個鐘頭才再開車.

我一直以為應該會在總站落車, 就好似之前去每一個目的地般, 遊客在巴士總站下車, 跟住自行搭tuk tuk車入巿區. 老撾原則上所有巴士總都是雷無公咁遠的, 藉此製造就業機會俾tuk tuk車司機.

在差不多到達Pakse時, 剛才那位懂英語的先生問我在那裡下車. 咁我就俾左我要入住果間旅館既名佢睇. 點知佢都不清楚在那兒, 於是佢好好心, 幫我打俾朋友問位置.

之後佢同我講, 呢架巴士係唔會進入巿中心的. 但會在巿中心附近停一停, 遊客可以在此轉搭tuk tuk車. 

巴士就係響呢個油站度停低. 這位好心的先生就特登同我一齊落車, 一起轉搭tuk tuk前往各自的目的地. 佢幫我同tuk tuk車司機講, 我想喺邊間旅館停.


油站對面便是Wat Tham Fai (又名Wat Pha Bat), 是Pakse其中一所較為有名氣的寺廟


上車唔夠5分鐘便下車了, 原來旅館離剛才下車那個油站係咁近既. 呢一程車資10,000K. 在老撾花得最多的一定是交通費!!



和好心先生道別後, 我便check-in預訂了的Alissa Guesthouse. 時間巳經是3:45pm了.
 

Alissa Guesthouse是Bolevan Farm的總經理, David Hanna幫我訂的.  我在老撾最後一個行程便是前往Bolevan Plateau作二天一夜的coffee farm stay. 容後會詳細介紹.

David果然無介紹錯, Alissa Guesthouse位於巿中心的極佳位置.  房價雖然不便宜, 要120,000K一晚. 但房間很光鮮整潔, 而地下大堂有兩台很高速的電腦任住客使用. 還有Alissa Guesthouse所有的房間都是air-con room, 沒有fan room的.

由於單人房巳滿, 旅館方面安排了三人房給我, 當然是收回單人房的價錢啦. 後來Bolevan Farm的工作人員告訴, Alissa Guesthouse是去年才蓋好的, 難怪咁新淨.


浴室



有基本的浴室用品, 例如洗頭水及番梘. 不過左邊果塊番梘是我從香港帶來的, 右邊果塊薄薄的才是旅館提供.


梳洗過後便出發去找吃的. 尋晚8:00pm食完晚餐到而家都冇嘢落過肚.

和Alissa Guesthouse仳鄰的便是Bolevan Farm的餐廳, Bolevan Café. 貪快去呢度用餐. 係咪覺得個logo好眼熟? 餐廳的分店在灣仔都有一間, 個老闆係一個傳奇人物, 我遲下會介紹一下我們相遇的過程.


餓到腳軟, 廢事諗, 見餐廳門口寫住Today's special是Fish & Chips + 熱咖啡, 就點呢個啦. 35,000K一份. 在老撾一般咖啡是指黑咖啡, 如果你想要奶, 就要問店員攞, 不會另外收費. 不過只會俾凍奶你, 係唔會幫你用打泡機打返熱架! 雖然我好肚餓, 但呢個餐都等左差不多半個鐘頭至送上.
.

餐廳環境很不賴吧! 現場所見, 光顧的全是老外, 可能餐點價錢對於當地人來說是頗貴的.


仲有一些pastries, 他們的曲奇餅好大塊



 

食飽飽都巳經5:20pm, 基本上可以話成日都無左.  趁未天黑, 去附近幾條街走走.

在Alissa Guesthouse隔幾個舖位便是Pakse最老字號的"酒店", Lankham Hotel.

 
張佳樺在其著作內是給予這家酒店4粒星的. 我見佢房租咁平, 就問receptionist可否帶我睇下房. 個男仔超級懶, 就咁俾幾條鎖匙, 叫我自己上去睇. 一上到去, 不論fan room或air-con room的陳設都超級陳舊, 張床係凹架, d被舖起晒毛頭, 灰塵處處. 可惜我被嚇親唔記得影相俾大家"欣賞".    同Alissa Guesthouse真係無得比.


Lankham Hotel的reception有代售前往Bangkok的火車票, 我都要睇定資料及價錢, 因為我26號便要離開老撾


Pakse有兩個巿場, 一個新的, 距離巿中心約2km. 舊巿場比較近旅館, 所以就去睇下先

而家先發覺自己無為舊巿場全貌, 影過一張相. 舊巿場面積好細, 有一些生果檔, 肉檔, 雜貨攤檔, 還有只是早及中午營業的食攤. 可以話無乜特別
.

咁樣烤肉乾都係第一次見


天開始黑. 喺度買左一些龍眼(10,000K)及一罐汽水(5,000K)便返回旅館休息.
















沒有留言: