2013年8月19日 星期一

京蔥肥牛炒年糕






13-Aug-2013



 

 





前日整無鍚肉骨頭,
剩下一棵京蔥. 老實說, 我都是第一次使用京蔥, 所以都唔知點樣利用剩下果棵. 



講返買京蔥, 果日去到旺角街巿, 行左十幾二十檔, 到差不多要放棄時才買到. $8扎/3. 不平宜呀, 所以我唔想浪費剩下果棵啦.




隨意又翻一翻
在家做江浙菜”, 見到本書尾三個食譜是京蔥肉片炒年糕”. 原食譜用豬肉及寧波水磨年糕, 咁我屋企冰箱只有肥牛及韓國年糕, 一於用佢地代替.


材料:


肥牛/肉片醃料:


調味料:




做法:

1) 年糕汆水約2分鐘至軟身, 撈起



2) 肥牛/肉片用生抽, 糖及粟粉醃15分鐘


3) 燒熱油鑊爆香京蔥及紅尖椒, 剷起




4) 加入韓國辣椒醬及麵豉醬以中火炒香




5) 倒入肥牛炒至半熟 (如果是肉片便要炒至7, 8成熟)


6) 加入滾水2湯匙


7) 水煮滾後, 加入年糕快炒


8) 快收乾水時再加入滾水2湯匙及


鹽1/2茶匙, 繼續炒至年糕變軟身


9) 最後加入炒熟京蔥, 紅尖椒及淋上少許麻油即可上碟





 
我覺得似XO醬煎腸粉多d, 係咪?

 

後記:

- 顏色咁深是因為平時用開啡色果隻麵豉醬巳用光, 我改用了大孖醬園的"辣麵豉", 咁呢隻麵豉醬係黑色的, 所以成碟年糕炒起便烏卒卒, 好似好似一隻黑蟋蟀....
- 味道: 好咸同乾身左d!
- 首先, 改用肥牛的話其實可以省略用生油, 糖及粟粉醃果一個步驟, 因為牛肉易熟, 基本上爆香韓國辣醬及麵豉醬之後放入年肉一同炒巳經夠晒入味. 另外, 爆炒時先後加入滾水4湯匙其實是不夠的, 因為韓國年糕本身的質地就算汆左水都係較韌的, 所以需要多一點的水份同炆.
- 另一個至咸原因是步驟(8), 要放入鹽半茶匙.  我自己覺得可以skip既, 因為韓國辣醬同麵豉醬本身都係咸既, 再加上醃肉時又放左生抽, 變相令整碟年糕都充滿著咸味.
- 用肥牛代替肉片令到成隻碟底都係油. 似乎應該把烹調次序改變一下. 先白鑊放入肥牛爆至半熟, 剷起, 利用原鑊的油加入京蔥及紅尖椒爆香....再爆香醬料....加入水....加入年糕....最後才加入京蔥, 紅尖椒及牛肉.




沒有留言: