2013年8月7日 星期三

“慢”遊老撾 ~ Day 17…Part 1

 


15-Mar-2013 (Fri)



 



(
是日行程: Konglor Cave -> Tha Khaek) 
 
 
 

昨晚一路瞓都有少少疑神疑鬼! 不過Thank God, 冇鬼怪搵我, 可能呢度太偏僻的關係, 鬼都唔想長途跋涉去嚇人.



 



約左德國男9:00am結伴步行前往Konglor Cave. 我未夠8:00am就出左去影相, 而德國男就去左食早餐. 德國男問我我一個問題, 佢問我: "做乜你成日都唔駛食嘢?"



 



我和所有又或者大部份來Ban Konglor的旅客一樣, 只會短暫站停留此村鄉純樸是為了到Konglor Cave參觀.  陣間參觀完Konglor Cave, 大約午飯時間便會啓程離開, 所以想趁仲有少少時間, 細意觀賞下呢條百無既小鄉村.

旺財好可愛
, 係咁對住我搖頭擺尾, 可能佢想討食呀, 可惜我無嘢可以請你食呀sorry~


我地間民宿行前少少有另一間民宿


規模比我住果間大d. 後來睇番張佳樺本書, 佢都有介紹過呢間民宿.  fan room每晚50,000K, 仲包兩餐添, 抵喎!



呢間位於700M以外的民宿個名夠晒鬼馬, 叫做Enjoy Boy!



條村就係得呢條路, 無巿集, 無士多. 只有民宿和數間餐廳零零星星地分佈在呢條路上

這種電動車在老撾的鄉間很常見


算是Ban Konglor最豪華的住宿
 

呢間民宿俾我感覺好似好簡陋咁



鴨鴨family.  老撾人是讓自己養來吃的動物通街走, 完全不怕它們走失


Petrol Station多數只能在主要公路上找到, 要不就在呢類小士多買汽油


有bus stop, 不過來了兩天都好少見外來的車子


根據旅遊書的資料, 離開Ban Konglor前往其他地方就只可以靠tuk tuk車, 事實上, 這裡連tuk tuk車都不多見.  更加沒有一個巴士總站可以讓你看到tuk tuk車的timetable. 

見到一架寫住去Tha Khaek的tuk tuk車, 於是便截停佢


我係想問個司機係咪去Tha Khaek埋幾點鐘去. 點知佢不斷洒手拎頭, 完全係雞同鴨講, 冇計傾. 死啦, 陣間都唔知點離開呢度, 呢度d人個個都唔識英文



行行下見到Souk從這棟興建中的建築物行出來, 原來佢間民宿就起喺呢度, 佢仲邀請我入去參觀. 屋入面仲好爛, 似乎仲有排攪


昨天Souk話答應考慮載我地去Tha Khaek, 不過佢要今日先confirm到.  我一見到Souk呢個救星便立即追問佢可否車我去Tha Khaek?  Souk其實是要北上反回Vientiane的, 不過呢位大好人答應車我地南下去Tha Khaek. 真是要燒香還神, so far, 我覺得我每次遇上難題時都會自自然然解決到.


在返回民宿途中碰到德國男, 佢原來響昨日吃晚餐那家餐廳食早餐. 咁我地就一起步行回民宿. 不久又撞到和我們同車的四位瑞典人出發去食早餐. 德國男靈機一觸同佢地提議不如陣間一齊去share船仔遊覽Konglor Cave, 事關政府規定一條船仔只可以坐三名旅客, 船頭及船尾各有一名船伕照顧旅客. 咁我地total6個人, 咪啱啱好可以租2艘船囉!  他們也同意呢個安排. 待他們用餐完畢便在洞外的售票集合. 返回民宿要換上短褲及涼鞋, 還有頭燈及手電筒.

簡單介紹一下Konglor Cave. 

Konglor Cave 是目前世界上最長的石灰岩流水山洞, 河流貫穿石灰岩山, 成為一個全長 7 公里、最高高度達 70 公尺的河流山洞,搭電動船仔需要約45分鐘才能通過. 這景絕對是造物者的鬼斧神工.  如果有時間細意漫遊老撾, 絕對是不能錯過咁轉折都要來一趟Konglor.


進入Konglor Cave前要先付進入Phou Hin Poun國家公園的入場費2,000K    


進入這個牌坊便是Phou Hin Poun國家公園的範圍


先經過一片森林, 大約需步行10分鐘. 左邊穿灰色t-shirt的是德國男. 右邊那四位便是來自瑞典的年輕人


穿過這片森林後便見到一處空地, 有小食亭, 洗手間及售票處. 我們要在這裡租電動船仔進入洞內參觀. 每艘船115,000K. 115,000K其實好難除得盡3. 我先付所有費用, 之後都係收返德國男同瑞典男每人38,000K, 費事煩.


俾左租船錢就會有兩位船伕行過來幫我地穿上救生衣.  接著船伕帶領我們一行人穿過這個咁靚咁清澈既潭, 再步行多約5分鐘才正式到洞口(紅圈示). 如果有時間是可以在這個潭上游泳或玩tubing的.


潭水好似寶石咁翠綠



穿過這個潭不用澗水, 潭上建有一條竹橋, 步行過這條竹橋便可以來往潭的兩邊


洞口停泊了很多船仔, 裝上摩打便成為電動船仔, 不計坐船頭及船尾的船伕, 一共可坐三個人. 船伕示意我們坐上電船仔. 本來我自行坐船頭後第一個位, 但原來坐呢d船仔都好講究重量的分佈. 船伕要我坐中間, 德國男坐我前面, 瑞典男坐我後面.



進入洞內真是伸手不見五指,  我開了閃光燈拍坐在前面的德國男, 旁邊真是整個都黑的
 

大約坐了幾分鐘船仔, 船伕叫我們落船. 原來是帶我們步行一段路去看美麗及神奇得令人O咀的鐘乳石


實在太黑, 我的相機也不怎樣拍到





用肉眼去觀光, 不期然發出嘩嘩聲


之後又要上返電船仔繼續行程. 我地坐呢隻船仔都幾黑仔! 三番四次入水, 我地都要落船, 幫手推船和把船內的積水舀走.

之後實在太黑了, 我把相機收好在膠袋以免弄濕, 用我僅餘的視力欣賞大自然的奧妙.  船再駛大約40分鐘便看到出口了




出了洞就好像進入了一個桃花源咁, 會唔會見到楊過同小龍女呢?


週圍都是山明水秀的景. 船伕都會在這兒把船下, 帶客人上一岸抖一抖


岸上便是一片樹林. 現在是旱季, 所以樹木都不怎樣荗盛及翠綠


這裡有數個小食亭, 都是賣飲料及薯片等輕食. 咁偏僻, 如果果日無客, 佢地真係食穀種


檔主很有創意, 把汽水罐弄成燈籠狀掛起在樹上裝飾


這小小的告示牌是告訴遊人, 與世隔絕的Ban Natane距離這裡約8KM.  張佳樺在書中都有提及Ban Natane是她在老撾最喜歡的村莊.  這個村莊沒有對外交通聯繫, 出入都只靠步行通過這條7KM長的溶洞.


休息了半小時, 各人便返回船仔離開這個世外桃源





回程又遇到黑仔事. 我地隻船行行下無油. 要由經過的船伕去張羅汽油才可以繼續前行, 之後又經歷閣淺幾次, 全體又再下船頭幫手推........




船在航行途中, 我居然見到有一堆本地人在旁邊摸黑步行, 估計他們是Ban Natane的居民.

再次穿過這片森林便回到Phou Hin Poun國家公園的入口


遊畢Konglor Cave總共需時3-3.5小時. 基於交通的不便, 一般是沒有可能早上到達Ban Konglor的. 所以大部份的遊客都是前一天下午到達, 然後隔天早上參觀溶洞, 中午離開這兒前往下一個目的地.




沒有留言: