下午茶@大日子 + 大埔朝聖聖地 - 梁九記

 

 

8-Aug-2013

 

 

今日跟隨父母前往大埔探黃uncle及auntie.  自從他們搬左去大埔之後, 好似幾年無見過佢地.

本來黃uncle及auntie想去新達廣場那裡的酒樓飲茶的, 不過太多人等位, 於是改左去大埔墟街巿對面的大日子飲茶囉.

 

我地去三樓, 因為一樓及二樓巳滿座. 三樓比較少人, 黃uncle及auntie話係因為三樓的茶錢貴過其他層.

 

大日子舊年3月都同朋友來過一次, 不過果次覺得d點心只是一般, 除了紅棗糕我覺得好好食之外.

 

大日子隔離果間華輝餐廳有好出名的蘋果批, 不過朋友食過話no good.

我記得電視飲食節目都介紹過, 不過我本人對蘋果批其實麻麻地鍾意食

我地到達酒樓其實都未夠2:00pm, 咁我地等多幾分鐘, 到2:00pm就可以享用下午茶優惠啦

5個人, 一共點了8個點心及1碟火鴨絲炒米.


雪菜火鴨絲炆米($42.8) - 味道OK, 但嫌佢唔係幾夠熱, 而且好細碟下


生煎菜肉包($10.8) - 無食到


麻蓉包($10.8) - 唔錯, 實在N年無食過, 巿區的酒樓一般都唔肯做


鮮蝦帝苗餃($12.8) - 呢個好食喎


紅棗糕 - 無上次咁好食添, 可能吹凍左既關係


香煎蝦米腸($12.8) - 無食到, 成碟得8條, 我老豆一個人食左5條, 攪到我無得食


白灼時蔬($15.8) - 去街巿買一個西生菜才$6, 通常蔬菜是酒樓拉上補下的item


山竹牛肉球 ($10.8) - OK


蠔皇鮮竹卷($13.8) - 無食到

唔夠黃auntie搶張單, 呢餐多謝黃uncle及auntie.

飽餐一頓就一行人前往梁九記朝聖. 黃auntie問我點解咁熟呢度? 我話係朋友帶我來我先至知地步. 我記得第一次來梁九記, 係廚神S帶我來買平嘢的.

我地早有準備, 帶左2個大冰袋去購物.

位於街巿1樓. 有2邊舖位,一邊賣海產凍肉, 另一邊賣乾貨類. 先逛海產凍肉呢一邊


永遠都係咁人山人海



戰利品晒冷, 先晒響海產凍肉果邊舖買既食材.  預先申報, 我只係買左pork ribs, 天然豬梅肉, 多寶魚, 廣島蠔同埋烏冬. 其餘都係母親大人既杰作

full slab既ribs都只係 $85.5咋


天然帶骨豬扒($38), 雜扒$38.5) - 唔係好明點解媽咪要買呢d用來燒嘢食既扒????


天然豬梅肉($34.5) - 買過好多次, 朋友介紹, 肉淋又滑. 切條用蝦醬蒸, very good! 多寶魚($57.5) - 出面d凍肉舖多數賣四十幾蚊磅架


真打烏冬($27) - 呢隻烏冬好滑. 出面我見過最平賣$35包, 大昌賣廣$5X包, 直情2倍價錢. 廣島蠔($95) - 呢度真係平到震, 我見過最平$115


雞翼($33/kg)


海蝦仁($32), 越南魚柳($22.5)


鵝掌($32), 魚皮餃(???)


脆皮芝士腸, 香辣雞肉蜜糖腸($18) - 呢隻腸係黃auntie介紹, 佢話好好食


魚蛋($24)


魚片頭($25.5)


跟住過去對面乾貨區再尋寶


右邊: 日本麵豉($26), parsley flakes ($18), 芝士粉($14), 片粟粉($11) - 好平好平好平!!!


左邊的是白毛豬火腿($83) - 第一次見梁九記賣, 買包試下先. 右邊的是黑毛豬火腿($55) - 食過好多次, Apita減左價都賣$88


糟鹵($12) - 港島區最平賣$16, 一般都賣$20


仲有兩張單俾老媽子掉左