“慢”遊老撾 ~ Day 21

 

 

 

19-Mar-2013 (Tue)

 

(是日行程: Don
Khone島的Somphamit
Falls)

 

今日主要係去睇Somphamit Falls, 它是全東南亞最大的瀑布.

 

去Somphamit Falls一定會經過那個藍色收費亭, 我這個cheap友, 為了避開要付那個不公平的外國人過路錢25,000K, 於是起過大清早, 在職員上班前便過去.

有兩條路可以去到Somphamit Falls, 一條是主路, 另一條是小路. 主路成日都有好多載住大批中國或泰國的旅客的旅遊車駛過, 所經之處經常塵土飛揚, 不太適合用腳走的旅客.

另一條小路就是要先進入Wat Kohn Tai範圍內, 即是下圖藍色大閘便是寺的入口處.  昨天我找Phonvilay Guesthouse時也到過這裡一次, 左面那個紅紅地色既木牌便是指向Phonvilay Guesthouse.



直行, 去到廟, 唔好入去, 往左邊有一條小路


寺廟的後面有另一道閘

閘後是另一條小村落. 行小路係沒有路牌指示的, 所以我都係靠估架咋


我見有一條"人"行出來既路, 便跟著方向往前行


四野無人, 驚驚


行到呢度, 聽到好大聲既淙淙流水聲, 我估我應該來到瀑布範圍, 呢條河既水應該係瀑布流出來的


終於來到. 咩話! 入場費要俾25,000K???


果然係"盜高一尺, 魔高一丈".  當地人知道遊客會鬼馬, 晨咁早去瀑布避過畀買路錢, 於是佢地設立多一個收費亭, 誓要屈到遊客錢!  而家只係6:45am, 巳經有員工在打掃, 他的表情, 好像對著我說: 你精我都唔笨


行入呢個入口(tickek check point)才可以去到瀑布. 我突然之間覺得好谷氣, 唔想俾呢25,000K. 之前喺Luang Prabang參觀Kuang Si Waterfall, 連埋睇bear bear公園都只係20,000K. 有乜理由呢個瀑布要25,000K?  一時火遮眼, 來到門口都決定唔入, 吹咩! (其實我後來為了自己的一時之氣有點後悔, 事關都唔知仲會唔會再來臨呢個國家)


呢度棟左個大牌, 話畀遊客聽, Si Phan Don一共有10個值得大家遊覽的地方


沿路班師回朝. 喺條河度見到呢度有一群水牛在河中浸浴, 不知幾爽. 留意: 紅圈果隻, 怒睥住我好耐, 都係快d走人, 聽人講水牛好惡架


行到差不多到藍色果個收費亭, 見到呢個牌.  原來景點之一的"locomotive", 就在50m以外. 咁就順便睇埋啦


其實咪就係一個當年法國佬留低既蒸汽火車頭囉


好似話, 法國佬運左呢個火車頭來, 諗住喺呢個島起鐡路運輸既, 但end up因種種原因起唔成, 所以個火車頭係"未曾使用巳生锈"


呢棵樹d花幾靚, 唔知咩品種, 同佢影張沙龍先. 本來想成棵既, 點知有條蛋散, 唔知係咪玩嘢, 見我舉機佢就企喺棵樹下面好耐. 想博上鏡? 你又唔係吳尊! 無咁易, 我一定cut左你個頭, 最多我張相怪d啫.


朝早既河景又有另一番美態


鬼屋探險? 我鍾意呀. 等我叫"怪談攝制隊"來先得咋


由於時間關係, "怪談攝制隊"無咁快來到. 由我頂住梁思浩果個主持位先. 入去睇過, 原來係荒廢婦產科醫院一間, 外面睇有點陰森, 不過入面又無乜嘢, 得果幾間空房


原來行左個半鐘頭, 而家巳經8:00am. 見肚餓, 去返昨天食午餐果間Tavenberg Restaurant嘆個靚早餐.



今日食baguette & cheese(10,000K)加凍咖啡(10,000K). 凍咖啡不錯, 係甜左少少, 但個baguette超難食, 食左一半就頂唔順


嘆完早餐就返民宿休息. 客人住既bungalow對面有一間木屋, 養左鬼死咁多雞, 由得佢地週圍走. 我問過民宿負責人, 佢話係佢阿爺養落既, d雞唔係養來食架, 直情當佢地係屋企人咁.


旅遊書講好啱, 來到Si Phan Don, 個人真係歎晒慢版, 最應該做既嘢係"do nothing". 喺張吊床度發呆發到2:30pm, 又覺得肚餓, 出去搵食先.

去左民宿附近呢間, Lonely Planet有推介的餐廳, Chanthoumma Restaurant.  唔係島上所有餐廳都向河架, 呢間就係例子


Lonely Planet話佢地個咖喱好食. 於是我便照版煮碗, 點左個咖哩雞(30,000K)同sticky rice(5,000K). 個咖哩得幾舊細過鼻屎又鞋過鞋底的雞肉, 完全食唔到咖哩味, 難吃! 至於sticky rice就又硬又凍, 同生食差不多.  呢餐計返港紙HK$35, 揀直貴過香港.

點解Lonely Planet可以用"tasty"同"good food"呢兩個字來欺騙粉絲架?  呢間餐廳, 經過Lonely Planet的加持, menu入面的菜式一d都唔平呀, 好在無聽老闆娘點, order幾一倍既魚咋.

大家可以唔駛去呢間餐廳, 因為除了食物難吃外, 環境仲非常汚糟添.


食飽無事幹, 又返回自己吊床搖呀搖, 多爽.  等到日落無咁熱又走出去逛街影相.

某家人養的豬, 呢度d豬無北老撾的咁肥


島仔都有中學架, 而家放左學, 所以學校關了門.


日落了


日落的河景又唔同, 好calm








島上大部份的民宿兼營餐廳及旅行社. 呢間近法國橋的guesthouse, 在Don Khone來說, 規模算幾大. 上面張相就係佢地既餐廳, 我望到入面有好多張枱, 可以話係全島最大


仲有money exchange服務添. 睇旅遊書及blogger的資料巳知道Si Phan Don的money exchange rate是全國最差, 所以要帶定足夠玩金來玩. 呢度用換美金, 只有7.5咋!

順帶一提, Si Phan Don係無銀行架, 所以記得帶夠kip來呀!