14-Mar-2013 (Thu)
(是日行程: Vientiane -> Konglor
Cave )
今天基本上沒有行程, 只有車程. 來了老撾十幾天都習慣了坐到屁股開花的長途車, 出發前也知道動輒要坐十個八個小時車兼夾拋錨是等閒事, 心中其實都唔係唔擔心架.
So far, 最甘的車程是由Phonsavan前往Sam Neua果一程. 由於壞車的原故, 由8小時車程變成12小時車程.
昨晚由於太累了, 所以早早上床就寢, 瞓得夠, 今乾又6:00am起. 咪咪摩摩攪到7:30am落去樓下餐廳食早餐.
唔可以講話好豐富, 都係大路嘢. 奶茶咖啡, 果汁, 水果, 香腸, 火腿, 多士, 煎蛋, 炒飯炒麵之類. At least乾淨企理唔駛食塵.
食食下見到高小姐入來. 原來佢一早出左去附近的河邊散步, 即是昨晚我們去夜巿那個範圍, 佢猛話風景好靚.
她始終是中國人, 早餐會較喜愛熱騰騰的食物. 高小姐介紹盤炒麵好好食, 我都唔執輸攞返一碟食
高小姐會乘2:00pm的飛機前往北京, 之後再轉機返回家鄉吉林. 在歎早餐的時候, 高小姐主動猛咁數落極品宋小姐. 原來她們只是在路上認識的朋友, 但很快她便嫌棄宋小姐的吵耳還有她自私又cheap的性格, 實在不想再和她一起旅遊云云.
對的, 同一個不是志同道合的旅伴一起旅遊實在掃興極了, 倒不如單身上路, 樂得潇遙自在, 耳根清靜.
和高小姐道別後, 我便出外走走. 就快要離開Vientiane, 在這裡我巳作了短短約24小時的停留. 好多人話Vientiane很吵雜, 我倒也不覺得, 吵雜得過MK?
Vientiane的平價住宿其實主要集中在呢兩條街- Rue Nokeokoummane. 我入住果間 Douang Deuane Hotel就在呢條街.
同埋隔離果條街 - Rue Francois Ngin
昨天清晨抵達時實在太累, 個人都唔夠清醒冷靜, 忘記了旅遊書的作者都有提及呢條街有很多相宜住宿選擇, 我係冇行到入呢條街搵住宿既. 今日行Rue Francois Ngin, 發覺住宿選擇比Rue Nokeokoummane多.
例如呢間Youth Inn就好平嘞
冷氣客只是80,000K. 租單車才10,000K一天, 在Luang Prabang租單車要40,000K一天呢!
不過呢度做laundry要10,000K/kg, 又貴過Luang Prabang噃
呢間餐廳都有舉辦烹飪班
不過無提學費係幾錢位
響呢兩條街行左一個圈便返回酒店check-out, 因為tuk tuk車9:00am會來接我.
昨晚食完個crepes口渴到無命, 開了一罐汽水飲, check-out時在reception付費.
tuk tuk車司機的確係9:00am出現來接我, 車上巳有2名法國男生. 點知個司機喺附近幾條街兜客兜左N咁多次, 足足半小時都未載我地去巴士站. 個心巳把幾火
之後去到呢間連招牌都無既地踎旅行社門外就停低, 叫全體十幾個人落車, 有些去另外一些目的地的遊客就跳上了一台爛巴士, 其餘去Konglor Cave的人就入去呢間旅行社度等.
就在落tuk tuk車時發生了一件小意外, 我因為急著落車, 沒有用雙手環抱著個背包落車, 仲要反手拎, 以為自己是大力水手, 只用食指和中指去"的"個重甸甸的背包落車, 結果我立即聽到"勒"一聽, 我扭親隻右手腕呀
等到10:00am, 便有一架好企理的mini van駛過來, 個司機係一個年青人, 佢話接我地幾個去Konglor Cave. 吓! 乜唔係坐我最驚既local bus咩? 實在太執到了!
司機叫做Souk, 成個look都好斯文, 仲會講流俐英語, 完全唔似我一路上遇到既司機都係爛撻撻既
不論坐local bus或mini van, 行李都係放上車頂用厚膠布包裹著的, 放心, 不會掉下來的. 我地架車連埋我, 一共有8個遊客. 2個荷蘭女仔, 4個瑞典年青人, 一個德國男
由於有左經驗, 我擔心架mini van中途會愈坐愈多人, 於是同司機講我要坐車頭, 我覺得無咁迫. 行行下見到前面架車有一籮法棍, 無遮無掩咁喺條馬路度風馳電制, 真係唔係好合衛生啊
離開了首都Vientiane也算是大致上完成了老撾的北部遊覽, 正式向老撾中及南部進發.
由Vientiane去Konglor Cave, 行車要6小時. 大約開了兩小時車, Souk在Paksan停下來, 帶大伙兒去食午餐. 坐長途車, 我仍然是堅持唔食嘢既, 我同Souk講, 想自己在附近行個圈, 再回來找他們.
佢地就喺呢間餐廳度午餐, 又係剩係得湯粉食架咋
Lonely Planet話Paksan係無嘢睇既, 果然無錯.
Paksan就好似細個睇果d西部牛仔片咁, 沙鹿滾滾, 成個巿得一條主街, 都係賣呢類汽車及電單車零件
都有一間卡拉OK既, 不過邊個夠胆行入去呢?
行下行下去到Paksan個巴士站. Paksan雖然不是旅客會停留的地方, 但這兒的地位就好似一個hub咁, 好多南下的人都會在此站轉車
巴士站旁通常都會有個巿集. 我想買d水果, 不過買唔落手
成個巿真係似死城, 得呢座建築物最似樣, 不過佢既間格好奇怪, 入面空盪盪的
用龜速行一圈都唔駛15分鐘. 返去餐廳會合各人便再次踏上征途. 一路上和Souk好好傾, 因為好少遇到英文咁好的當地人, 當然要好好傾下計, 借機了解一下當地人的生活. 原來Souk係一家旅行社老闆, 點解佢要開車去Konglor Cave呢? 原來佢在Ban Konglor買了一塊地蓋民宿, 所以他要經常去果度巡視進度.
咁我覺得自己好好彩, 可以坐到Souk架車, 120,000K一程好似好貴咁, 其實計番條數除笨有精.
本來由Vientiane直接去Konglor Cave的話須要去距離Vientiane巿中心9公里的南巴士站(又稱Dong Dok Bus Station)購買車票, 車資80,000K, 每天一班, 10:00am開出, 車程7小時. 但別忘記, 閣下要先一日先坐tuk tuk車去南巴士站買車票, 咁tuk tuk車都要20,000K一程, 買完車票返回巿區又要20,000K, 即是來回40,000K. 到你出發去Konglor Cave果一日又要搭tuk tuk車自行前往南巴士站, 又20,000K.
40,000K+80,000K+20,000K=140,000K. 仲要坐爛巴士喎? 又貴過我坐舒舒服服, 乾乾淨淨的mini van, 遇到內急時還可隨時請司機停車.
老撾真係好鬼大,.出發前朋友們以為老撾只是小國, 但當我告訴她們, 老撾比台灣還要大6倍時, 眾人流露出估佢唔到既表情! 要進入Konglor Cave, 一定要由Ban Na Hin的三叉路進入. 由Ban Na Hin去Tham Kong Lo(即是Konglor Cave, tham在老撾文是溶洞咁解)有45公里路程, 就咁睇地圖都無法想像係咁遠水路架.
車行到大約2:45pm, Souk話有一撻地方好靚, 叫我準備好相機, 佢會把車停下讓我們拍照.
究竟呢度有幾靚呢
? 我真係唔覺得, 之前既旅程, 所見的景色比呢度靚萬倍. 仲有呢個所謂影相位, 週圍都佈滿垃圾, 寸步難行.
心裡只想快點到步, 並找到住宿的地方
之後Souk又叫我影下呢座山, 佢話叫做乳頭山喎, 哈哈....好咸濕呀
3:45pm終於來到Ban Konglor (泰文同老撾文差不多, ban都是村落咁解. Konglor Cave就是位於Ban Konglor內, 所以遊客一般都會住進Ban Konglor的民宿或旅館)
呢條小鄉村因為個cave而聞名, 成條街又係一眼見晒, 兩旁都係田, 種滿tobacco leave, 村民都係靠此為生的. 而民宿或旅館都唔夠10間.
Souk介紹我地住呢間民宿, 佢話因為比較乾淨, fan room只是60,000K晚(不包早餐)
民宿蓋有兩棟木屋, 左邊果棟是餐廳, 右手邊果一棟是房間
房間的走廊舖晒蓆子, 客人必須脫鞋子行走, 不過我好懶, 無除到就行上去
我被編排去尾房. 好驚! 睇得"怪談"多, 尾房通常好猛鬼家嘛
間房雖然細, 但就好光猛, 張床仲好舒服添
浴室就麻麻地, 不過鄉村地方不能有高要求
安頓好後, 同車的德國男邀我一起去民宿附設的餐廳喝杯咖啡. 事實上整間民宿只有一個不會說英語的女生在打理. 除了帶房, 還要做侍應及大廚, 忙翻天! 德國男點的熱咖啡, 我點的冰咖啡足足45分鐘之後才送上, 仲要整錯左, 兩杯都係熱咖啡(5,000K一杯). 唉! 講乜都冇用, 佢根本不會聽英語, 算了吧.
嘆完咖啡, 我地就一齊行去Konglor Cave的入口視察環境, 因為呢個時候cave是巳經關門的了, 只可以明天一早去.
這些便是tobacco leave, 整條Konglor村子都只是種植這種植物為生
沿路見到好幾個這類高高, 造型奇特的倉庫, 德國男很是好奇是甚麼, 我估係用來安放收割好的tobacco leave, 之後問Souk, 佢都confirm我地無估錯.
Konglor Cave距離Ban Konglor約1公里. 由民宿出發, 要步行30分鐘才到cave的入口, 其實騎單車可以快一點, 可惜我這個笨蛋不會騎車
, 德國男就陪我走路.
Konglor Cave實際上位於Phou Hin Poun 入場費2,000K
德國男真厲害, 不單英文流俐, 連法文都識睇. Information Centre門外貼有一張只有法文的通告, 內容係提醒入洞人士要穿著膠拖鞋同埋洞內的溫度較低, 最好穿夠衣服溫暖. 還有洞內漆黑一片, 最好自備照明設備.
這條小村落只有數間食肆, Souk就推介呢間餐廳, 佢話係比較好食的, 同埋老闆之前是在Vientiane開餐廳的, 廚藝不錯.
我點了一盤雞肉炒飯, 18,000K. 味道普通啦, d雞肉永遠都是鞋的
食飽就同德國男一起步行回民宿. 好在早有準備, 成條路係無街燈架, 太陽一路山就黑過墨汁. 我拿出手電筒及頭燈. 手電筒讓給德國男拿著, 我自己戴上頭燈.
沒有留言:
張貼留言